Matius 8:8 - Perjanjian Baru Bahasa Melayu Maluku Utara

⁸ Tapi komandan itu bilang pa Yesus, “Bapa, Bapa tara usa datang pa kita pe ruma, karna kita tara pantas tarima pa Bapa di kita pe ruma. Asal Bapa bilang satu kata saja dari sini, pasti kita pe orang karja itu akan sembu.

Matius 8:8 ပူးပေါင်းရင်းမြစ်များ

Matius 3:11

Kita baptis pa ngoni deng aer, tanda ngoni so bertobat kong iko pa Tuhan Allah. Tapi abis kita ini, ada satu Orang yang mo datang, Dia pe kuasa lebe basar dari kita. Kong mo jadi Dia pe suru-suru yang bawa Dia pe sandal saja me, kita tara pantas. Dia itu nanti yang mo baptis pa ngoni pake Roh Kudus deng api.

Matius 3:14

Tapi Yohanes rasa dia tara pantas baptis pa Yesus, jadi dia bilang, “Kita yang musti dapa baptis dari Bapa, bikiapa kong Bapa datang pa kita?”

Matius 8:3

Turus, Yesus pegang pa orang itu kong bilang, “Kita mau ngana sembu. Jadi skarang ngana sembu suda!” Waktu itu suda, orang yang panyake lepra itu sembu.

Matius 8:7

Yesus bilang pa dia, “Kita mo pigi di ngana pe ruma la mo kase sembu pa dia.”

Matius 8:9

Barang, kita tau Bapa bole parenta orang la jadi sembu, sama deng torang tentara me bole parenta orang. Kita ada kita pe atasan, deng kita me ada kita pe ana bua yang dengar pa kita. Kalu kita parenta kita pe ana bua, ‘Pigi!’, pasti dia pigi. Kalu kita parenta pa kita pe ana bua yang laeng, ‘Datang!’ pasti dia datang. Deng kalu kita parenta pa kita pe orang karja yang laeng, ‘Biking ini!’ pasti dia biking apa yang kita parenta itu.”

Lukas 15:19

Kita tara pantas lagi dapa bilang kita ini papa pe ana. Lebe bae, kita jadi papa pe orang karja saja.” ’

Lukas 15:21

Kong ana itu bilang pa dia pe papa, ‘Papa, kita so berdosa skali pa Tuhan Allah yang di sorga deng pa papa. Kita tara pantas lagi dapa bilang kita ini papa pe ana.’

Lukas 5:8

Waktu Simon lia Yesus pe kuasa itu, dia berlutut pa Yesus pe muka, kong bilang bagini, “Tuhan, kase tinggal pa kita suda, karna kita ini orang berdosa!”

Yohanes 1:27

Dia itu yang datang abis kita, deng Dia lagi lebe hebat dari kita, sampe mo jadi Dia pe tukang suru-suru yang buka Dia pe tali sandal saja me, kita tara pantas.”