Matius 8:4 - Perjanjian Baru Bahasa Melayu Maluku Utara

⁴ Abis itu, Yesus bilang pa orang itu, “Inga e, jang ngana bilang pa sapa-sapa, Kita kase sembu pa ngana. Tapi ngana pigi pa imam, supaya dia lia ngana so sembu, deng ngana kase ngana pe binatang korban persembahan untuk Tuhan Allah, sama deng yang nabi Musa parenta. Ngana biking bagitu supaya jadi bukti pa orang-orang, ngana memang butul-butul so sembu.”

Matius 8:4 ပူးပေါင်းရင်းမြစ်များ

Matius 10:18

Karna ngoni iko pa Kita, nanti dorang bawa pa ngoni mangada pa gubernur-gubernur deng pa raja-raja. Tapi itu ngoni pe kesempatan untuk kase tau tentang Kita pa dorang deng pa orang-orang yang tara kanal pa Tuhan Allah.

Matius 16:20

Abis bicara, Yesus larang Dia pe murit-murit supaya dong jang kase tau pa sapa saja, Dia itu Mesias, Raja yang Tuhan Allah janji mo kase slamat pa manusia.

Matius 17:9

Turus waktu dorang sementara turung dari gunung itu, Yesus pasáng pa dong bagini, “Jang dulu ngoni kase carita pa sapa-sapa apa yang ngoni so lia tadi e! Nanti kalu Anak Manusia yang dari sorga so mati kong so hidup ulang, baru ngoni bole kase carita.”

Matius 3:15

Tapi Yesus bilang pa dia, “Biar suda ngana yang baptis pa Kita. Barang, deng torang biking bagitu, torang so biking iko apa yang Tuhan Allah mau.” Pe dengar itu, Yohanes iko apa yang Yesus bilang.

Matius 5:17

Yesus bilang, “Jang ngoni pikir kata, Kita datang di dunia ini la mo hapus aturan-aturan yang ada di lima kitab Musa deng di nabi-nabi laeng pe kitab. Tapi, Kita datang supaya apa yang so tatulis itu bole jadi.

Matius 6:1

Yesus bilang lagi, “Inga bae-bae! Jang ngoni biking apa yang butul pa orang-orang pe muka deng maksut supaya dorang lia la puji pa ngoni. Kalu ngoni biking bagitu, ngoni tara akan mo dapa upah dari ngoni pe Bapa yang di sorga.

Matius 9:30

Waktu itu suda, dorang dua so bisa dapa lia. Kong Yesus bilang pa dorang deng tegas, “Jang ngoni kase tau pa sapa-sapa bagimana sampe ngoni bisa dapa lia.”

Markus 13:9

Jadi ngoni musti ati-ati! Karna ngoni percaya pa Kita, orang-orang mo serakan pa ngoni la dapa adili di pemimpin-pemimpin agama Yahudi. Ngoni me mo dapa pukul di ruma-ruma ibada agama Yahudi. Dorang mo kase mangada pa ngoni pa gubernur-gubernur deng raja-raja. Kong dong tanya-tanya pa ngoni. Tapi di situ ngoni pe kesempatan untuk kase tau tentang Kita pa dorang.

Markus 3:12

Tapi Yesus larang karas pa setang-setang itu supaya jang kase tau pa orang-orang, Dia itu sapa.

Markus 5:43

Turus Yesus larang karas pa dorang, jang kase carita apa yang so jadi itu pa orang laeng. Abis itu, Yesus suru pa dorang kase makang pa ana itu.

Markus 6:11

Tapi kalu orang-orang di tampa itu tara tarima deng tara dengar pa ngoni, ngoni kase tinggal pa dorang suda. Abu yang ada pa ngoni pe kaki me ngoni kase tada di situ, la kase inga dorang so sala pa Tuhan Allah.”

Markus 7:36

Abis itu, Yesus larang pa orang-orang yang ada di situ, jang kase carita pa orang laeng. Tapi lebe Dia larang pa dorang, dorang lebe tamba kase carita pa orang-orang.

Markus 8:30

Kong Yesus larang karas pa dorang supaya dong jang kase tau pa sapa saja tentang Dia.

Markus 9:9

Turus, waktu dorang sementara turung dari gunung itu, Yesus pasáng pa dorang bagini, “Jang dulu ngoni kase carita pa sapa-sapa, apa yang ngoni so lia tadi e. Nanti kalu Anak Manusia yang dari sorga so mati kong so hidup ulang, baru ngoni bole kase carita.”

Lukas 17:14

Pe lia pa dorang, Yesus bilang, “Ngoni pigi pa imam-imam, kase tunju ngoni pe diri pa dorang.” Turus dorang pigi, kong masi di tenga jalang, dorang so jadi bae.

Lukas 21:13

Tapi waktu ngoni dapa adili itu, itu jadi kesempatan pa ngoni untuk kase tau tentang Kita pa dorang.

Lukas 4:41

Di situ me ada babarapa orang yang kemasukan setang. Yesus parenta setang-setang itu kaluar dari orang-orang itu. Setang-setang kaluar babataria bagini, “Ngana ini Anak Allah.” Tapi Yesus togor deng karas pa dorang, Dia me larang dong bicara, barang setang-setang itu tau, Yesus itu Mesias, Raja yang Tuhan Allah janji mo kase slamat pa manusia.

Lukas 5:14

Kong Yesus larang orang itu carita pa sapa-sapa, Dia yang so kase sembu. Yesus bilang, “Ngana pigi pa imam supaya dia lia ngana so sembu, deng ngana kase ngana pe binatang korban persembahan untuk Tuhan Allah, sama deng yang nabi Musa parenta. Ngana biking bagitu supaya jadi bukti pa orang-orang, ngana memang butul-butul so sembu.”

Lukas 8:56

Ana itu pe papa deng mama jadi herang skali. Tapi Yesus larang dorang kase carita pa sapa-sapa tentang apa yang jadi itu.

Lukas 9:21

Abis itu Yesus larang karas pa Dia pe murit-murit supaya dong jang kase tau pa sapa-sapa, Dia itu Mesias.

Yohanes 5:41

Kita tara perlu manusia mo puji deng hormat pa Kita.

Yohanes 7:18

Sapa saja yang mangajar pake dia pe pikiran sandiri, dia itu cuma mo cari puji deng hormat untuk dia pe diri sandiri. Tapi sapa saja yang mau supaya orang-orang puji deng hormat pa Tuhan Allah yang utus pa dia, dia itu pasti bicara yang butul deng tara bafoya.

Yohanes 8:50

Kita tara cari puji deng hormat untuk Kita pe diri sandiri. Ada Satu yang mau supaya Kita dapa puji deng hormat, deng Dia itu suda yang mo adili pa sapa yang sala deng sapa yang butul.