Matius 8:2 - Perjanjian Baru Bahasa Melayu Maluku Utara

² Waktu itu, ada satu orang yang panyake lepra datang pa Dia. Orang itu berlutut pa Yesus kong bilang bagini, “Bapa, kalu Bapa mau, Bapa bole kase sembu pa kita.”

Matius 8:2 ပူးပေါင်းရင်းမြစ်များ

Matius 10:8

Ngoni kase sembu suda pa orang-orang yang saki, kase hidup ulang pa orang-orang yang so mati, kase sembu pa orang yang saki lepra, deng user setang-setang dari orang-orang yang kemasukan. Ngoni tarima kuasa itu deng cuma-cuma, jadi ngoni me musti pake kuasa itu untuk tolong pa orang laeng deng cuma-cuma.

Matius 13:58

Kong karna dorang tara percaya pa Yesus, Dia tara biking banya mujizat di situ.

Matius 14:33

Pe lia samua itu, orang-orang yang ada di parau semba pa Yesus deng bilang, “Guru ini butul Anak Allah.”

Matius 15:25

Tapi biar Yesus bilang bagitu, ibu itu tetap badekat pa Yesus kong berlutut pa Dia, turus bilang, “Bapa, tolong pa kita ka!”

Matius 18:26

Pe dengar itu, orang karja itu langsung berlutut kong bamohon bagini, ‘Tuang raja, sabar sadiki ka, kase waktu pa kita ka, supaya kita bole kase lunas samua kita pe utang.’

Matius 2:11

Kong waktu dorang maso di dalam ruma, dong lia Anak itu ada deng Dia pe mama, Maria. Turus, dong berlutut semba pa Anak itu. Dorang buka dong pe tampa harta kong kase kaluar barang-barang mahal yang dong bawa la kase pa Anak itu. Barang-barang yang dong kase itu: mas, kemenyan deng minya wangi mur.

Matius 20:20

Abis itu, Zebedeus pe bini deng dia pe ana Yakobus deng Yohanes datang pa Yesus. Ibu itu berlutut pa Yesus mo minta satu barang.

Matius 26:6

Waktu Yesus di kampong Betania, Dia basingga pa Simon pe ruma. Simon ini dulu perna dapa saki lepra.

Matius 28:17

Sampe di sana, dorang lia pa Yesus kong dong semba pa Dia, tapi ada babarapa orang dari dorang yang masi bolong percaya itu butul-butul Yesus.

Matius 28:9

Kage-kage di tenga jalang, Yesus datang kong kase salam pa dorang. Turus dorang badekat pa Yesus, polo Dia pe kaki, kong semba pa Dia.

Matius 4:9

Kong Iblis bilang pa Yesus, “Samua yang Ngana lia ini kita mo kase pa Ngana, asal Ngana berlutut semba pa kita.”

Matius 8:1

Yesus turung dari bukit itu, kong banya skali orang yang iko pa Dia.

Matius 8:25

Kong Yesus pe murit-murit kase bangun pa Dia, dorang bilang, “Tuhan! Tolong pa torang, torang so mo mati ini!”

Matius 9:18

Waktu Yesus sementara bicara deng Yohanes Pembaptis pe murit-murit, ada satu orang datang pa Yesus. Dia itu kapala di satu ruma ibada agama Yahudi. Orang itu berlutut pa Yesus kong bilang bagini, “Guru, kita pe ana parampuang, baru saja mati. Tapi tolong Guru datang, kong taru Guru pe tangan pa dia, la dia hidup ulang.”

Lukas 4:27

Bagitu lagi waktu jaman nabi Elisa dulu. Di Israel ada banya orang yang dapa panyake lepra. Tapi tarada satu orang di Israel yang Tuhan kase bae. Tuhan Allah cuma kase bae pa satu orang yang bukang orang Israel, dia orang Siria. Orang itu pe nama Naaman.”

Yohanes 9:38

Orang itu bilang pa Yesus, “Tuhan, kita percaya.” Turus dia berlutut semba pa Yesus.

Kisah Para Rasul 10:14

Tapi Petrus bilang, “Tarada, Tuhan. Kita tara perna makang binatang-binatang bagitu yang haram deng najis iko torang orang Yahudi pe aturan agama.”

Kisah Para Rasul 10:25

Waktu Petrus so mo maso di ruma, Kornelius langsung jemput pa dia. Turus Kornelius berlutut pa Petrus pe kaki untuk hormati pa dia.

1 Korintus 14:25

Kong samua yang tasambunyi di dong pe hati akan dapa tau. Turus, dong akan berlutut kong semba pa Tuhan Allah deng mangaku bagini, “Ee, butul e! Tuhan Allah ada pa ngoni pe tenga-tenga!”

Wahyu 19:10

Kong kita berlutut di malaekat itu pe muka la mo semba pa dia. Tapi dia togor pa kita bagini, “Jangan! Jang ngana semba pa kita! Semba saja pa Tuhan Allah. Karna kita ini cuma sama deng ngana deng sudara-sudara laeng yang jaga biking apa yang Tuhan suru. Torang samua ini yang jaga kase tau tentang Yesus pa orang-orang. Sapa yang kase tau itu, dia itu butul-butul yang Roh Kudus pake untuk kase tau Tuhan Allah pe pasáng.”