Matius 8:18 - Perjanjian Baru Bahasa Melayu Maluku Utara

¹⁸ Waktu Yesus lia ada banya orang kuliling pa Dia, Dia suru pa Dia pe murit-murit kase sadia parau la dorang ka sana di sabla talaga.

Matius 8:18 ပူးပေါင်းရင်းမြစ်များ

Matius 14:22

Abis itu, Yesus langsung suru Dia pe murit-murit nae di parau la pigi kamuka ka sana di sabla talaga. Sementara itu, Dia suru orang banya itu pulang.

Matius 8:1

Yesus turung dari bukit itu, kong banya skali orang yang iko pa Dia.

Markus 4:35

Pe sore itu, Yesus bilang pa Dia pe murit-murit, “Mari suda torang ka sana di sabla talaga.”

Markus 5:21

Abis itu, Yesus deng Dia pe murit-murit nae di parau kong bale ulang di talaga Galilea pe sabla. Pe sampe di pinggir talaga itu, banya orang datang bakumpul kong kuliling pa Yesus.

Markus 6:45

Abis itu, Yesus langsung suru Dia pe murit-murit nae di parau, la pigi kamuka di kampong Betsaida yang di sabla talaga. Sementara itu, Dia suru orang banya itu pulang.

Markus 8:13

Turus Yesus kase tinggal pa dorang. Dia nae ulang di parau sama-sama deng Dia pe murit-murit kong pigi di talaga pe sabla.

Lukas 8:22

Satu kali, Yesus deng Dia pe murit-murit nae di parau. Dia bilang pa dorang, “Mari suda torang ka sana di sabla talaga.” Turus dorang ka sana.

Yohanes 6:15

Yesus tau dorang so mo datang la mo paksa pa Dia untuk jadi dong pe raja. Jadi, Dia pigi basandiri lagi di gunung.