Matius 7:7 - Perjanjian Baru Bahasa Melayu Maluku Utara

⁷ Yesus bilang lagi, “Minta suda pa Tuhan Allah apa yang ngoni perlu, nanti Dia akan kase apa yang ngoni minta itu. Cari suda pa Tuhan Allah apa yang ngoni perlu, nanti ngoni akan dapa itu dari Dia. Toki suda Tuhan Allah pe pintu, nanti Dia akan buka pintu untuk tolong pa ngoni.

Matius 7:7 ပူးပေါင်းရင်းမြစ်များ

Matius 18:19

Kita bilang lagi pa ngoni, kalu di dunia ini ada dua orang dari ngoni yang satu hati berdoa minta apa saja, pasti Kita pe Bapa di sorga mo kase apa yang dorang minta itu.

Matius 21:22

Deng, kalu ngoni berdoa pa Tuhan, apa saja yang ngoni minta, pasti Dia mo kase, asal ngoni butul-butul percaya.”

Matius 6:33

Yang paling penting, ngoni cari suda pa Tuhan Allah supaya Dia yang Berkuasa sebagai Raja pa ngoni pe hidup, deng supaya ngoni biking yang butul pa Dia pe muka. Deng bagitu, Tuhan Allah akan kase samua yang ngoni perlu.

Matius 7:11

Jadi biar ngoni pe hati tara bae, tapi ngoni tau bagimana kase barang yang bae pa ngoni pe ana-ana. Apalagi ngoni pe Bapa yang di sorga! Dia pe hati paling bae, Dia pasti mo kase yang bae pa orang-orang yang minta pa Dia.

Matius 7:8

Karna tiap orang yang minta pa Tuhan Allah, dia akan dapa. Tiap orang yang cari dia pe perlu pa Tuhan Allah, dia akan dapa. Deng tiap orang yang toki Tuhan Allah pe pintu, Tuhan Allah akan buka pintu untuk tolong pa dia.

Markus 11:24

Karna itu, inga e, kalu ngoni berdoa pa Tuhan, apa saja yang ngoni minta, ngoni musti percaya ngoni akan tarima, kong pasti ngoni mo dapa itu.

Lukas 13:25

Karna waktu dorang datang, tuang ruma so kunci pintu. Jadi waktu itu ngoni akan babadiri di luar kong toki-toki pintu. Ngoni akan bilang, ‘Bapa, buka pintu ka!’ Dia akan jawab pa ngoni, ‘Kita tara kanal pa ngoni deng Kita tara tau ngoni dari mana.’

Lukas 18:1

Abis itu, Yesus bilang umpama satu pa Dia pe murit-murit supaya dorang turus-turus berdoa pa Tuhan Allah deng jang dong ilang smangat untuk minta tolong pa Dia.

Yohanes 15:16

Bukang ngoni yang pili pa Kita, tapi Kita yang pili pa ngoni jadi Kita pe murit. Kita so kase tugas pa ngoni, supaya ngoni pigi untuk biking hal-hal bae yang dia pe hasil mo ada turus. Deng bagitu, apa saja yang ngoni minta pa Kita pe Bapa pake Kita pe nama, Dia mo kase itu pa ngoni.

Yohanes 15:7

Kalu ngoni hidup satu hati deng Kita turus, deng Kita pe kata-kata ada di ngoni pe hati, apa saja yang ngoni minta, ngoni akan dapa.

Yohanes 4:10

Turus Yesus bilang pa dia, “Kalu ibu tau sapa sebenarnya yang minta minum pa ibu, deng pe bagus apa itu yang Tuhan Allah mo kase pa ibu, pasti ibu yang mo bale minta minum pa Kita kong Kita mo kase aer yang bisa biking manusia hidup.”

Roma 2:7

Ada orang yang biking barang yang bae turus, karna dorang suka dapa puji deng hormat dari Tuhan Allah, deng dorang suka hidup deng Tuhan Allah slama-lamanya. Jadi pa dorang itu, Tuhan Allah mo kase hidup deng Dia slama-lamanya.

Roma 3:11

Tarada satu orang yang tau apa yang butul, deng tarada satu orang yang cari pa Tuhan Allah.

Ibrani 11:6

Tara mungkin orang mo biking Tuhan Allah pe hati sanang, kalu dia tara percaya pa Tuhan Allah. Barang, sapa saja yang mo datang pa Tuhan Allah, dia musti yakin Tuhan Allah ada, deng dia lagi musti yakin, Tuhan Allah mo kase hal-hal yang bae pa orang-orang yang butul-butul cari pa Dia.

Yakobus 5:15

Kalu dorang berdoa deng hati yang sunggu-sunggu percaya pa Tuhan, Tuhan akan kase sembu orang itu. Kong kalu dia so biking dosa, Tuhan mo kase ampun pa dia dari dia pe dosa.

1 Yohanes 3:22

Jadi kalu torang minta apa saja pa Dia, Dia akan kase pa torang, karna torang salalu biking Dia pe parenta, deng jaga biking hal-hal yang kase sanang Dia pe hati.