Matius 7:21 - Perjanjian Baru Bahasa Melayu Maluku Utara

²¹ Yesus bilang lagi, “Tara samua orang yang pangge pa Kita, ‘Tuhan, Tuhan’ akan jadi Kita pe umat kong Tuhan Allah Berkuasa sebagai Raja pa dorang pe hidup, tapi cuma orang yang jaga biking Kita pe Bapa di sorga pe mau saja.

Matius 7:21 ပူးပေါင်းရင်းမြစ်များ

Matius 12:50

Karna sapa saja yang biking Kita pe Bapa di Sorga pe mau, dia itu suda Kita pe sudara laki-laki, dia itu suda Kita pe sudara parampuang, deng dia itu suda Kita pe mama.”

Matius 16:17

Kong Yesus bilang pa Simon, “Simon, Yunus pe ana! Ngana paling sanang suda, barang yang ngana bilang itu bukang manusia yang kase tau, tapi Kita pe Bapa di sorga yang kase tau.

Matius 18:10

Yesus bilang lagi, “Inga bae-bae, jang ngoni pandang enteng pa orang biasa-biasa yang sama deng ana-ana kacil ini, karna orang-orang itu ada dong pe malaekat yang salalu ada deng Tuhan Allah di sorga. [

Matius 18:19

Kita bilang lagi pa ngoni, kalu di dunia ini ada dua orang dari ngoni yang satu hati berdoa minta apa saja, pasti Kita pe Bapa di sorga mo kase apa yang dorang minta itu.

Matius 18:3

Turus, Dia bilang pa dorang, “Inga bae-bae yang Kita mo bilang pa ngoni ini: kalu ngoni tara ruba ngoni pe hidup jadi sama deng ana kacil yang tara sombong ini, ngoni tara akan jadi Tuhan Allah pe umat yang Dia Berkuasa sebagai Raja.

Matius 18:35

Bagitu lagi deng Kita pe Bapa di sorga, Dia mo pake cara yang sama deng itu pa ngoni kalu ngoni tara kase ampun butul-butul pa ngoni pe sudara yang percaya.”

Matius 19:24

Kong ngoni inga lagi yang Kita bilang ini, masi lebe gampang unta satu ekor maso di lobang jarum daripada orang kaya mo kase dia pe diri la Tuhan Allah Berkuasa sebagai Raja pa dia pe hidup.”

Matius 25:10

Turus, nona-nona yang bodo itu pigi bili minya. Tapi sementara dorang pigi bili minya, pengantin laki-laki sampe. Kong nona-nona yang pande yang so siap-siap itu, maso sama-sama deng pengantin itu di ruang pesta, kong pintu dapa tutu.

Matius 25:21

Kong dia pe tuang bilang pa dia, ‘Bagus skali yang ngana biking itu. Ngana memang kita pe orang karja yang bae deng setia. Ngana so setia deng hal-hal yang kacil, jadi kita akan kase percaya pa ngana hal-hal yang basar. Jadi mari suda sama-sama deng kita, kong tong basanang rame-rame!’

Matius 26:39

Abis itu Yesus bajalang ka sana sadiki, turus Dia berlutut sampe Dia pe muka kanal tana, kong Dia berdoa, “Ya Bapa, kalu bole, jang Kita dapa penderitaan ini. Tapi jang iko Kita pe mau, iko saja Bapa pe mau.”

Matius 26:42

Abis itu, Yesus pigi berdoa lagi yang kedua kali. Dia berdoa bagini, “Ya Bapa, kalu penderitaan ini memang Kita musti dapa, biar suda Bapa pe mau yang jadi!”

Markus 3:35

Barang, sapa yang biking Tuhan Allah pe mau, dia itu suda Kita pe sudara-sudara deng Kita pe mama.”

Markus 9:47

Kalu gara-gara ngoni pe mata sabla biking ngoni jadi berdosa sampe jadi tara percaya lagi, cungkel suda ngoni pe mata itu. Karna lebe bae ngoni maso di Tuhan Allah pe tampa Berkuasa sebagai Raja cuma deng mata sabla, daripada ada dua mata kong Tuhan Allah buang pa ngoni di neraka.

Lukas 11:28

Tapi Yesus bilang pa dia, “Lebe sanang lagi orang yang suka badengar Tuhan Allah pe firman kong iko itu!”

Lukas 13:25

Karna waktu dorang datang, tuang ruma so kunci pintu. Jadi waktu itu ngoni akan babadiri di luar kong toki-toki pintu. Ngoni akan bilang, ‘Bapa, buka pintu ka!’ Dia akan jawab pa ngoni, ‘Kita tara kanal pa ngoni deng Kita tara tau ngoni dari mana.’

Lukas 18:25

Barang, masi lebe gampang unta satu ekor maso di lobang jarum, daripada orang kaya mo kase diri la Tuhan Allah Berkuasa sebagai Raja pa dia pe hidup.”

Lukas 6:46

Yesus bilang lagi, “Bikiapa kong ngoni pangge pa Kita, ‘Tuhan, Tuhan’, padahal ngoni tara biking apa yang Kita bilang?

Yohanes 14:7

Kalu ngoni so kanal butul pa Kita, pasti ngoni kanal lagi pa Kita pe Bapa. Jadi mulai skarang ini, ngoni so kanal lagi pa Dia deng ngoni lagi so lia pa Dia.”

Yohanes 15:23

Sapa saja yang binci pa Kita, dia binci lagi pa Kita pe Bapa.

Yohanes 3:5

Yesus bilang, “Inga bae-bae yang Kita mo bilang ini: tiap orang yang ingin jadi Tuhan Allah pe umat, dia musti lahir dari aer, deng lahir lagi dari Roh Kudus. Kalu tara bagitu, Tuhan Allah tara Berkuasa sebagai Raja pa dia pe hidup.

Yohanes 5:17

Tapi Yesus jawab pa dorang, “Kita pe Bapa saja bakarja turus sampe hari ini, jadi Kita lagi musti bakarja turus sama deng Dia.”

Yohanes 6:40

Barang, ini yang Kita pe Bapa mau: Dia mau supaya tiap orang yang lia pa Dia pe Anak kong percaya pa Anak itu, dorang itu mo dapa hidup deng Tuhan Allah slama-lamanya, deng nanti di hari kiamat, Kita mo kase hidup ulang pa dorang.”

Yohanes 7:17

Cuma orang yang mau biking Tuhan Allah pe mau yang bisa tau kalu Kita pe ajaran ini datang dari Tuhan Allah sandiri atau dari Kita pe pikiran sandiri.

Kisah Para Rasul 14:22

Di tampa-tampa itu, Paulus deng Barnabas kase kuat orang-orang percaya pe hati deng kase nasehat supaya dorang tetap batahang percaya pa Tuhan Yesus. Paulus deng Barnabas bilang pa dorang, “Kalu torang mau jadi Tuhan Allah pe umat yang Dia Berkuasa sebagai Raja, torang akan dapa banya sengsara.”

Roma 12:2

Jang ngoni iko dunia ini pe mau. Lebe bae ngoni kase biar la Tuhan Allah ruba ngoni pe pikiran jadi baru supaya ngoni pe kalakuang me beruba. Karna deng ngoni pe pikiran yang baru, ngoni bole tau Tuhan Allah pe mau: yang bagus, yang butul, deng yang biking Dia pe hati sanang.

Roma 2:13

Karna bukang orang-orang yang dengar aturan di lima kitab Musa yang Tuhan Allah bilang dorang itu orang butul, tapi orang-orang yang biking aturan itu.

Efesus 6:6

Jang ngoni dengar-dengaran cuma waktu ngoni pe tuang ada lia-lia saja, la ngoni dapa puji. Tapi ngoni musti dengar-dengaran pa dorang, karna ngoni itu so kase ngoni pe diri jadi Yesus Kristus pe orang-orang karja, kong ngoni musti biking apa yang Tuhan Allah mau deng hati yang sunggu-sunggu.

Kolose 4:12

Epafras lagi ada kirim salam pa ngoni. Dia satu jemaat deng ngoni, dia lagi jaga biking apa yang Kristus Yesus suru. Dia salalu berdoa sunggu-sunggu untuk ngoni. Dia minta pa Tuhan Allah supaya ngoni pe percaya pa Kristus Yesus jadi kuat deng supaya ngoni butul-butul tau Tuhan Allah pe mau.

1 Tesalonika 4:3

Ini Tuhan Allah pe mau: serakan ngoni pe hidup pa Dia la ngoni hidup deng hati bersi. Jang ngoni baseks sabarang.

1 Tesalonika 5:18

Ada apa saja, mo susa ka sanang ka, ngoni musti bilang tarimakasi turus pa Tuhan Allah. Barang, itu Tuhan Allah pe mau untuk samua orang yang percaya pa Kristus Yesus.

Titus 1:16

Dorang bilang kata, dorang kanal pa Tuhan Allah, padahal dong pe kalakuang itu kase tunju dorang itu tara kanal pa Dia. Orang-orang yang jahat bagitu, dorang tara iko Tuhan Allah pe mau, deng tara mampo biking barang yang bae.

Ibrani 13:21

supaya Dia kase pa ngoni samua yang ngoni perlu la ngoni bisa biking Dia pe mau, deng supaya Yesus Kristus bakarja di torang pe hati la biking torang mampo biking Tuhan Allah pe hati sanang. Puji deng hormat suda pa Dia sampe slama-lamanya! Amin.

Ibrani 4:6

Jadi dari ayat-ayat itu so jelas, torang pe orang tua dulu-dulu so kamuka dengar kabar yang bae tentang tana itu, tapi dorang tara jadi maso di situ, karna dorang tara dengar-dengaran pa Tuhan Allah. Tapi biar bagitu, masi ada kesempatan untuk Tuhan Allah pe umat bole baistrahat sama-sama deng Dia.

Yakobus 1:22

Jadi jang ngoni cuma dengar Tuhan Allah pe firman saja, tapi ngoni musti biking itu. Karna kalu tarada, itu sama deng ngoni tipu ngoni pe diri sandiri.

1 Petrus 2:15

Barang, Tuhan Allah pe mau ngoni biking barang yang bae, supaya orang yang tara tau apa-apa tara barani lagi mo bicara tara bae tentang ngoni, karna so jelas yang dorang mo bicara itu tara butul.

1 Petrus 4:2

Jadi selama ngoni masi hidup di dunia, ngoni pake waktu yang ada untuk iko Tuhan Allah pe mau, jang iko manusia pe keinginan.

Wahyu 2:27

Dia akan berkuasa pa dorang pake kekuatan yang sama deng tongkat yang dari besi kase ancor barang dari tana liat. Kuasa yang Kita kase itu, sama deng kuasa yang Kita tarima dari Kita pe Bapa.

Wahyu 22:14

Orang-orang yang pe hati so bersi, dorang sama deng orang yang cuci dong pe pakeang sampe bersi. Dorang itu paling sanang suda, karna nanti dong bole maso di dalam kota itu iko pintu-pintu gerbang, deng dorang lagi ada hak untuk makang bua yang biking dorang hidup deng Tuhan Allah sampe slama-lamanya.

Wahyu 3:5

Orang yang menang dari pengaru jahat, dorang akan pake baju puti itu. Kita tara mo hapus dorang itu pe nama dari buku kehidupan. Buku itu yang ada tulis nama-nama orang yang hidup deng Kita slama-lamanya. Nanti waktu Kita badiri di Kita pe Bapa deng Dia pe malaekat-malaekat pe muka, Kita mo bilang dorang ini memang iko pa Kita.