Matius 6:9 - Perjanjian Baru Bahasa Melayu Maluku Utara

⁹ Karna itu, kalu ngoni berdoa, berdoa macam bagini, ‘Torang pe Bapa yang ada di sorga, samua puji deng hormat pa Bapa, karna Bapa itu kudus.

Matius 6:9 ပူးပေါင်းရင်းမြစ်များ

Matius 10:29

Coba ngoni pikir, burung pipit dua ekor yang orang jual, dia pe harga mura skali. Tapi biar bagitu, tara ada satu ekor yang akan jatu di tana kalu ngoni pe Bapa tara kase ijin.

Matius 23:9

Deng jang ngoni pangge pa orang laeng ‘bapa’, karna ngoni pe Bapa itu cuma satu, Dia itu Bapa yang ada di sorga.

Matius 26:29

Dengar bae-bae yang Kita bilang pa ngoni e, dari sini ka sana, Kita so tara akan minum anggur lagi. Tapi nanti waktu Tuhan Allah so Berkuasa sebagai Raja pa Dia pe umat, baru Kita minum lagi anggur yang baru sama-sama deng ngoni.”

Matius 26:42

Abis itu, Yesus pigi berdoa lagi yang kedua kali. Dia berdoa bagini, “Ya Bapa, kalu penderitaan ini memang Kita musti dapa, biar suda Bapa pe mau yang jadi!”

Matius 5:16

Bagitu lagi deng ngoni. Ngoni musti biking hal-hal yang bae supaya orang-orang dapa lia apa yang ngoni biking itu kong puji deng hormat pa Tuhan Allah, ngoni pe Bapa yang ada di sorga.”

Matius 5:48

Jadi, ngoni musti sayang pa samua orang deng sempurna, sama deng ngoni pe Bapa di sorga yang sayang pa samua orang deng sempurna.”

Matius 6:14

Barang, kalu ngoni kase ampun pa orang yang biking sala pa ngoni, ngoni pe Bapa yang di sorga me akan kase ampun pa ngoni.

Matius 6:6

Tapi kalu ngoni berdoa, maso di ngoni pe kamar kong tutu pintu, baru ngoni berdoa pa ngoni pe Bapa yang manusia tara bisa lia. Kalu ngoni biking bagitu, ngoni pe Bapa yang lia itu, akan balas deng yang bae pa ngoni.

Matius 7:11

Jadi biar ngoni pe hati tara bae, tapi ngoni tau bagimana kase barang yang bae pa ngoni pe ana-ana. Apalagi ngoni pe Bapa yang di sorga! Dia pe hati paling bae, Dia pasti mo kase yang bae pa orang-orang yang minta pa Dia.

Lukas 15:18

Lebe bae kita kase tinggal tampa ini kong pulang suda pa kita pe papa. Kita akan bilang pa papa, “Papa, kita so berdosa pa Tuhan Allah di sorga deng pa papa lagi.

Lukas 15:21

Kong ana itu bilang pa dia pe papa, ‘Papa, kita so berdosa skali pa Tuhan Allah yang di sorga deng pa papa. Kita tara pantas lagi dapa bilang kita ini papa pe ana.’

Lukas 2:14

“Puji deng hormat pa Tuhan Allah yang ada di sorga! Kong di bumi ini, Tuhan Allah akan kase hati yang tenang pa orang-orang yang biking sanang Tuhan Allah pe hati.”

Yohanes 20:17

Yesus bilang pa Maria, “Jang pegang pa Kita, karna Kita bolong bale pa Kita pe Bapa. Tapi ngana pigi suda pa Kita pe sudara-sudara yang jaga iko pa Kita kong bilang pa dorang, Kita skarang mo nae pigi pa Kita pe Bapa deng ngoni pe Bapa lagi. Dia itu lagi Kita pe Tuhan Allah deng ngoni lagi pe Tuhan Allah.”

Roma 1:7

Kita tulis surat ini pa ngoni samua yang percaya yang tinggal di kota Roma. Ngoni Tuhan Allah sayang, deng Dia so pili pa ngoni la jadi Dia pe umat. Kita minta pa Tuhan Allah torang pe Bapa, deng pa Tuhan Yesus Kristus, supaya kase yang bae pa ngoni, deng salalu biking ngoni pe hati tetap tenang.

Roma 8:15

Torang tau, tong itu Tuhan Allah pe ana-ana, karna Tuhan Allah pe Roh yang Dia so kase pa torang itu, tara biking torang tako sama deng orang karja yang tako dia pe tuang. Tapi Tuhan Allah pe Roh itu so biking torang jadi Tuhan Allah pe ana-ana, sampe torang me bole pangge pa Dia itu, “Papa e, ya Bapa!”

Galatia 1:1

Surat ini dari kita Paulus. Kita ini Yesus Kristus pe utusan yang orang sebut rasul. Kita jadi rasul, bukang karna manusia yang suru, atau karna manusia yang pili pa kita, tapi Yesus Kristus deng Tuhan Allah yang pili pa kita. Tuhan Allah itu suda torang pe Bapa, yang kase hidup ulang pa Yesus Kristus waktu Dia mati.

Galatia 4:6

Kong karna torang so jadi Tuhan Allah pe ana-ana, Tuhan Allah so suru pa Dia pe Anak pe Roh tinggal di torang pe hati, kong Roh yang ada di torang pe hati itu bakarja deng biking torang bole pangge pa Tuhan Allah itu, “Papa e, ya Bapa!”

1 Timotius 6:16

Cuma Tuhan Allah saja yang tara perna mati. Dia hidup di dalam tarang. Tarang itu tarang skali, sampe orang me tara bole badekat pa Dia. Deng tarada orang yang perna lia pa Dia, deng memang butul tara orang bisa lia pa Dia. Samua hormat untuk Dia, deng samua kuasa ada pa Dia sampe slama-lamanya. Amin!

1 Petrus 1:17

Ngoni pangge Tuhan Allah itu “Bapa” waktu ngoni berdoa pa Dia. Dia itu suda yang mo adili pa samua orang tara pake pili-pili iko deng dorang pe kalakuang. Karna itu, ngoni musti hidup deng rasa tako pa Dia selama ngoni manumpang di dunia ini.

Wahyu 4:11

“Ya Tuhan Allah torang pe Tuhan. Cuma Tuhan saja yang pantas mo dapa puji deng hormat, deng Tuhan yang punya kuasa. Barang, Tuhan so cipta samua-samua yang ada, kong samua itu ada karna Tuhan suka itu ada, Tuhan yang biking samua itu.”

Wahyu 5:12

Dorang manyanyi kuat-kuat bagini, “Dia ini Anak Domba yang so perna dapa bunu. Dia yang pantas tarima kuasa, kekayaan, deng pikiran bae untuk ator samua. Dia me pantas tarima kekuatan, puji deng hormat, deng Dia lagi luar biasa.”