Matius 6:6 - Perjanjian Baru Bahasa Melayu Maluku Utara

⁶ Tapi kalu ngoni berdoa, maso di ngoni pe kamar kong tutu pintu, baru ngoni berdoa pa ngoni pe Bapa yang manusia tara bisa lia. Kalu ngoni biking bagitu, ngoni pe Bapa yang lia itu, akan balas deng yang bae pa ngoni.

Matius 6:6 ပူးပေါင်းရင်းမြစ်များ

Matius 14:23

Waktu Yesus so suru orang banya itu pulang, Dia nae di bukit untuk berdoa di situ sandiri. Waktu so malam, Yesus masi sandiri di situ.

Matius 6:18

supaya orang laeng tara tau ngoni sementara bapuasa, cuma ngoni pe Bapa yang manusia tara bisa lia itu saja yang tau. Kalu ngoni biking bagitu, ngoni pe Bapa yang lia itu, akan balas deng yang bae pa ngoni.”

Matius 6:4

Biar suda orang laeng tara tau ngoni ada bakase apa-apa pa orang susa, yang penting ngoni pe Bapa di sorga tau. Dia lia ngoni biking bagitu, kong Dia akan balas deng yang bae pa ngoni.”

Yohanes 1:48

Natanael bilang pa Yesus, “Bagimana kong Bapa kanal pa kita?” Yesus jawab, “Waktu Filipus bolong pangge pa ngana, Kita so kamuka dapa lia pa ngana di bawa pohong ara itu.”

Yohanes 20:17

Yesus bilang pa Maria, “Jang pegang pa Kita, karna Kita bolong bale pa Kita pe Bapa. Tapi ngana pigi suda pa Kita pe sudara-sudara yang jaga iko pa Kita kong bilang pa dorang, Kita skarang mo nae pigi pa Kita pe Bapa deng ngoni pe Bapa lagi. Dia itu lagi Kita pe Tuhan Allah deng ngoni lagi pe Tuhan Allah.”

Kisah Para Rasul 10:30

Kornelius bilang pa dia, “Ampa hari lalu, kira-kira sama deng skarang ini jam tiga sore, kita ada berdoa di kita pe ruma. Kage-kage ada satu orang badiri pa kita pe muka. Orang itu pe baju bacahaya skali.

Kisah Para Rasul 10:9

Dia pe beso kira-kira tenga hari, tiga orang itu so dekat di kota Yope. Waktu itu Petrus nae di atas ruma la mo berdoa.

Kisah Para Rasul 9:40

Turus Petrus suru pa dorang samua kaluar dari kamar, kong dia berlutut, turus berdoa. Dia mangada di mayat itu kong bilang, “Tabita, bangun suda!” Kong Tabita buka dia pe mata. Waktu dia lia pa Petrus, dia langsung bangun kong dudu.

Roma 8:5

Orang-orang yang hidup cuma iko manusia pe mau yang suka biking dosa, dorang itu cuma pikir barang yang tara bae yang biking sanang dong pe diri sandiri, tapi kalu orang-orang yang hidup iko Roh Kudus pe mau, dorang itu cuma pikir barang yang bae yang biking Roh Kudus itu sanang.

Efesus 3:14

Jadi sudara-sudara, waktu kita inga Tuhan Allah pe bae yang Dia so kase pa ngoni itu, kita berlutut berdoa pa Tuhan Allah torang pe Bapa.