Matius 6:5 - Perjanjian Baru Bahasa Melayu Maluku Utara

⁵ Yesus bilang lagi, “Kalu ngoni berdoa, jang berdoa sama deng orang munafik. Barang, dorang itu kalu berdoa suka badiri di ruma-ruma ibada agama Yahudi deng di muka umum, dong pe maksut supaya orang lia deng puji pa dorang. Dengar bae-bae e, pujian yang dorang dapa dari manusia itu, itu suda dorang pe upah.

Matius 6:5 ပူးပေါင်းရင်းမြစ်များ

Matius 21:22

Deng, kalu ngoni berdoa pa Tuhan, apa saja yang ngoni minta, pasti Dia mo kase, asal ngoni butul-butul percaya.”

Matius 23:13

Yesus bilang lagi, “Cilaka suda ngoni guru-guru agama Yahudi yang ahli lima kitab Musa deng orang-orang Yahudi dari aliran Farisi! Ngoni munafik samua. Barang, ngoni sandiri tara kase ngoni pe diri jadi Tuhan Allah pe umat la Dia Berkuasa sebagai Raja pa ngoni pe hidup, deng ngoni sandiri me pele pa orang-orang yang berusaha mo jadi Dia pe umat. Itu sama deng ngoni so tutu pintu pa dorang. [

Matius 23:5

Samua yang dorang biking, dorang biking cuma supaya orang puji pa dorang. Macam deng dong pe pangika kapala deng tangan, yang dong tulis isi Kitab Suci kong dong biking kase lebar-lebar. Turus, dorang pe juba pe banang-banang me dong biking kase lebe panjang supaya orang tau kata, dong iko pa Tuhan deng bae.

Matius 23:6

Kalu dorang maso di acara-acara pesta deng di ruma ibada, dong suka dudu di muka di tampa yang paling terhormat.

Matius 6:1

Yesus bilang lagi, “Inga bae-bae! Jang ngoni biking apa yang butul pa orang-orang pe muka deng maksut supaya dorang lia la puji pa ngoni. Kalu ngoni biking bagitu, ngoni tara akan mo dapa upah dari ngoni pe Bapa yang di sorga.

Matius 6:16

Yesus bilang lagi, “Kalu ngoni bapuasa, jang kase tunju muka suak sama deng orang munafik. Dorang sangaja kase tunju bagitu supaya orang laeng lia dong sementara bapuasa kong puji pa dorang. Ngoni dengar bae-bae e! Pujian yang dorang dapa dari manusia itu, itu suda dorang pe upah.

Matius 6:2

Jadi, kalu ngoni mo bakase apa-apa la bantu pa orang-orang susa, jang kase dengar itu pa orang-orang, macam deng orang-orang munafik. Waktu dorang bakase doi di ruma-ruma ibada atau di jalang-jalang, dorang jaga tiop trompet la orang tau dorang ada bakase kong orang puji pa dorang. Dengar bae-bae, pujian yang dorang dapa dari manusia itu, itu suda dorang pe upah.

Matius 9:38

Karna itu, ngoni minta suda pa Tuhan Allah yang punya kobong itu, supaya Dia tamba orang yang mo bapete pa Dia pe kobong.”

Markus 11:25

Tapi kalu ngoni berdoa kong ngoni pe hati tara sanang pa orang yang biking sala pa ngoni, ngoni musti kase ampun pa orang itu dulu, supaya ngoni pe Bapa di sorga me akan kase ampun pa ngoni dari ngoni pe dosa-dosa.”

Markus 12:38

Yesus kase tau lagi pa dorang, “Ngoni musti ati-ati deng guru-guru agama Yahudi yang ahli lima kitab Musa. Dorang itu kalu bajalang, suka pake juba panjang yang kase tunju dorang itu orang penting, deng dorang paling suka orang hormati di orang banya pe muka.

Lukas 11:43

Cilaka suda ngoni orang-orang dari aliran Farisi! Kalu di ruma ibada, ngoni suka dudu di tampa yang paling muka, kong kalu di tampa umum, ngoni suka orang hormati pa ngoni.

Lukas 18:1

Abis itu, Yesus bilang umpama satu pa Dia pe murit-murit supaya dorang turus-turus berdoa pa Tuhan Allah deng jang dong ilang smangat untuk minta tolong pa Dia.

Lukas 18:13

Tapi tukang tagi pajak itu, dia badiri jao-jao. Dia tara barani mangada di langit, tapi dia sapu-sapu dia pe dada tanda manyasal, kong babilang, ‘Ya Tuhan Allah, kasiang ka pa kita. Kita ini orang berdosa.’

Lukas 20:47

Dorang me suka biking bodo pa janda-janda la ambe dong pe ruma. Baru dorang kalu berdoa kase panjang-panjang supaya orang tau dorang itu orang bae. Dorang ini pasti mo dapa hukuman yang paling barát.”

Lukas 6:24

“Tapi ngoni yang skarang ini kaya, cilaka suda ngoni, karna ngoni so rasa sanang dari ngoni pe harta.

Yohanes 16:24

Dari dulu sampe skarang ngoni bolong minta apa-apa pa Kita pe Bapa pake Kita pe nama. Minta suda apa yang ngoni perlu kong ngoni akan dapa itu, supaya ngoni pe hati mo jadi sanang skali.

Efesus 6:18

Kong di sagala waktu, ngoni musti salalu berdoa deng minta pa Tuhan Allah, kase biar suda supaya Roh Kudus yang bantu waktu ngoni berdoa. Ngoni musti salalu siap berdoa deng jang berenti berdoa lagi untuk samua orang yang so jadi Tuhan Allah pe umat.

1 Tesalonika 5:17

Ngoni musti salalu berdoa.

Yakobus 4:6

Tapi untung bae Tuhan Allah kase Dia pe bae pa torang lebe basar. Jadi Dia bilang bagini, “Tuhan Allah tara suka deng orang yang sombong, tapi Dia kase Dia pe bae pa orang yang tara sombong.”