Matius 6:4 - Perjanjian Baru Bahasa Melayu Maluku Utara

⁴ Biar suda orang laeng tara tau ngoni ada bakase apa-apa pa orang susa, yang penting ngoni pe Bapa di sorga tau. Dia lia ngoni biking bagitu, kong Dia akan balas deng yang bae pa ngoni.”

Matius 6:4 ပူးပေါင်းရင်းမြစ်များ

Matius 10:42

Kong sapa yang bantu pa orang biasa-biasa saja karna orang itu so iko pa Kita, biar cuma kase aer satu galas saja, Kita bilang pa ngoni, orang yang bantu itu pasti dapa upah dari Tuhan.”

Matius 6:18

supaya orang laeng tara tau ngoni sementara bapuasa, cuma ngoni pe Bapa yang manusia tara bisa lia itu saja yang tau. Kalu ngoni biking bagitu, ngoni pe Bapa yang lia itu, akan balas deng yang bae pa ngoni.”

Matius 6:3

Tapi, kalu ngoni mo bakase apa-apa pa orang-orang susa, ngoni bakase deng babadiam. Itu sama deng apa yang ngoni pe tangan kanan biking, ngoni pe tangan kiri tara tau.

Matius 6:6

Tapi kalu ngoni berdoa, maso di ngoni pe kamar kong tutu pintu, baru ngoni berdoa pa ngoni pe Bapa yang manusia tara bisa lia. Kalu ngoni biking bagitu, ngoni pe Bapa yang lia itu, akan balas deng yang bae pa ngoni.

Lukas 14:14

Kalu bapa biking bagitu, Tuhan Allah yang akan biking bapa sanang, karna dorang itu tarada apa-apa yang dorang bisa kase pa bapa. Nanti Tuhan Allah akan balas bapa pe bae di hari kiamat, waktu Tuhan Allah kase hidup ulang pa orang-orang yang butul pa Tuhan Allah pe muka.”

Lukas 8:17

Itu pe arti, apa yang skarang ada tasambunyi, nanti orang mo dapa tau, deng samua rahasia akan tabongkar.

1 Korintus 4:5

Karna itu, jang ngoni nilai orang laeng sala kalu bolong dia pe waktu. Nanti waktu Tuhan datang ulang, itu dia pe waktu untuk Tuhan mo adili pa samua orang. Kong waktu itu, Dia mo buka samua hal yang orang sambunyi dalam galap. Dia me akan buka apa yang orang rencana dalam hati. Waktu itu, Tuhan Allah akan puji pa tiap orang yang pantas dapa puji.

Ibrani 4:13

Di langit deng di bumi me tarada satu yang tasambunyi dari Tuhan Allah. Barang, Dia bisa lia samua-samua, sampe torang pe pikiran deng hati me Dia tau. Kong nanti torang musti tanggung jawab pa Tuhan Allah samua-samua yang torang so biking.

Yudas 1:24

Tuhan Allah ada kuasa untuk jaga pa ngoni supaya ngoni tara taiko biking dosa. Dia me biking ngoni jadi orang yang tara sala apa-apa, kong bawa pa ngoni badiri deng hati yang paling sanang di Dia pe muka yang hebat itu.

Wahyu 2:23

Kita akan bunu orang-orang yang jaga iko parampuang itu pe ajaran, supaya samua jemaat akan tau, Kita ini yang tau manusia pe pikiran deng manusia pe isi hati. Kong, Kita mo hukum tiap orang iko deng apa yang dia biking.