Matius 6:30 - Perjanjian Baru Bahasa Melayu Maluku Utara

³⁰ Rumpu di kobong saja Tuhan Allah piara deng biking bagus, padahal rumpu itu cuma ada hari ini, deng beso so dapa bakar. Apalagi ngoni manusia, pasti Tuhan Allah akan piara pa ngoni deng biking bagus ngoni pe hidup. Jadi bikiapa kong ngoni kurang percaya pa Dia?

Matius 6:30 ပူးပေါင်းရင်းမြစ်များ

Matius 14:31

Kong Yesus capat-capat pegang Petrus pe tangan, turus angka pa dia. Yesus bilang, “Ee, ngana yang kurang percaya, bikiapa kong ngana ragu?”

Matius 16:8

Tapi Yesus dapa tau apa yang dorang ada baku bilang itu, jadi Dia bilang pa dorang, “Ngoni kira Kita bicara bagitu barang ngoni tara bawa roti? Wah, berarti ngoni masi kurang percaya pa Kita!

Matius 17:17

Pe dengar bagitu, Yesus bilang, “Bukang maeng ngoni orang-orang skarang ini yang tara percaya deng yang sesat! Barapa lama lagi Kita musti tinggal sama-sama deng ngoni? Deng sampe barapa lama lagi Kita musti basabar deng ngoni? Bawa suda ana itu kamari!”

Matius 8:26

Kong Yesus bangun, turus bilang pa dorang, “Ee, ngoni orang yang kurang percaya, bikiapa kong ngoni tako?” Turus Yesus badiri kong togor pa angin deng omba itu deng suara karas. Waktu itu suda, angin deng omba itu berenti, kong talaga itu jadi todo skali.

Markus 4:40

Abis itu, Yesus bilang pa Dia pe murit-murit, “Bikiapa kong ngoni tako? Deng bikiapa kong ngoni masi bolong percaya pa Kita?”

Markus 9:19

Kong Yesus bilang pa dorang bagini, “Bukang maeng ngoni orang-orang skarang ini yang tara percaya! Barapa lama lagi Kita musti sama-sama deng ngoni? Deng sampe barapa lama lagi Kita musti basabar deng ngoni? Bawa suda ana itu kamari!”

Lukas 12:28

Rumpu di kobong saja Tuhan Allah piara deng biking bagus, padahal rumpu itu cuma ada hari ini, deng beso so dapa bakar. Apalagi ngoni manusia, pasti Tuhan akan piara pa ngoni deng biking bagus ngoni pe hidup. Jadi bikiapa kong ngoni kurang percaya pa Dia?

Lukas 9:41

Kong Yesus bilang, “Bukang maeng ngoni orang-orang skarang ini yang tara percaya deng yang sesat! Barapa lama lagi Kita musti tinggal sama-sama deng ngoni? Deng sampe barapa lama lagi Kita musti basabar deng ngoni? Bawa suda ana itu kamari!”

Yohanes 20:27

Kong Dia bilang pa Tomas, “Tomas, lia Kita pe tangan ini kong ngana cucu suda ngana pe jari pa Kita pe tangan. Ngana kase maso ngana pe tangan pa Kita pe lambung ini. Jadi jang bilang ngana tara percaya lagi Kita so hidup ulang, tapi percaya suda.”

Ibrani 3:12

Jadi sudara-sudara, ngoni musti ati-ati. Jang sampe ada satu dari ngoni yang pe hati jahat sama deng itu, sampe so tara percaya deng tara iko lagi pa Tuhan Allah yang hidup.

1 Petrus 1:24

Karna di Kitab Suci ada tatulis bagini, “Manusia pe hidup deng pe hebat tara mo tahang lama. Manusia sama deng rumpu yang babunga bagus, tapi tara lama bunga itu mo jatu, turus rumpu itu mo kiring,