Matius 6:28 - Perjanjian Baru Bahasa Melayu Maluku Utara

²⁸ Kong ngoni me tara perlu hawater deng ngoni pe baju. Coba ngoni perhatikan bunga-bunga yang batumbu di kobong, bagus skali. Bunga-bunga itu tara bakarja, deng tara biking banang untuk jadi baju.

Matius 6:28 ပူးပေါင်းရင်းမြစ်များ

Matius 10:10

Ngoni me jang bawa tas bakal, baju ganti, sandal atau tongkat. Karna orang yang bakarja kase tau Kabar Bae dari Tuhan, pantas untuk tarima apa yang dia perlu untuk dia pe hidup.

Matius 6:25

Yesus bilang lagi, “Karna itu, inga bae-bae yang Kita bilang pa ngoni, tara usa ngoni hawater deng ngoni pe hidup, apa yang ngoni mo makang atau apa yang ngoni mo minum. Ngoni me tara usa hawater deng ngoni pe badan, apa yang ngoni mo pake. Ngoni tau ngoni pe hidup itu lebe penting dari apa yang ngoni mo makang deng minum. Deng ngoni pe badan itu lebe penting dari baju yang ngoni mo pake.

Matius 6:27

Kalu ngoni hawater deng ngoni pe hidup hari-hari, apa ngoni bisa kase panjang sadiki ngoni pe umur? Tara bisa, to?

Matius 6:31

Jadi, ngoni tara usa hawater kong bilang, ‘Apa yang torang mo makang?’ Atau ‘Apa yang torang mo minum?’ Atau ‘Apa yang torang mo pake?’

Lukas 10:41

Tapi Tuhan Yesus jawab pa Marta bagini, “Marta! Marta! Ngana cuma hawater deng kase sibuk diri sandiri deng banya hal tu!

Lukas 12:11

Kong kalu ada orang bawa pa ngoni untuk mo adili, biar itu di ruma ibada agama Yahudi, atau di pemerinta-pemerinta, ngoni tara usa tako tentang apa yang ngoni musti bilang atau bagimana ngoni mo babela ngoni pe diri.

Lukas 12:22

Turus, Yesus bilang pa Dia pe murit-murit bagini, “Karna itu, Kita bilang pa ngoni: tara usa ngoni hawater deng ngoni pe hidup, apa yang ngoni mo makang. Ngoni me tara usa hawater deng ngoni pe badan, apa yang ngoni mo pake.

Lukas 12:27

Coba perhatikan bagimana bunga-bunga itu batumbu. Bunga-bunga itu tara bakarja, deng tara biking banang untuk jadi baju. Tapi dengar bae-bae yang Kita bilang pa ngoni, raja Salomo yang kaya deng hebat itu me, dia pe baju tara lebe bagus dari bunga-bunga itu pe bagus.

Lukas 3:11

Yohanes bilang, “Sapa yang ada baju dua, satu musti kase pa orang yang tarada baju, deng sapa yang ada makanang, musti kase lagi pa orang yang tarada makanang.”

Filipi 4:6

Jadi tara usa suda ngoni hawater tentang apa-apa. Tapi, ngoni musti berdoa suda, minta pa Tuhan Allah tentang samua hal. Ngoni kase tau suda samua ngoni pe perlu pa Tuhan Allah, deng bilang tarimakasi banya pa Dia.

1 Petrus 5:7

Serakan suda samua ngoni pe rasa hawater pa Dia, karna Dia yang jaga deng sayang pa ngoni.