Matius 6:25 - Perjanjian Baru Bahasa Melayu Maluku Utara

²⁵ Yesus bilang lagi, “Karna itu, inga bae-bae yang Kita bilang pa ngoni, tara usa ngoni hawater deng ngoni pe hidup, apa yang ngoni mo makang atau apa yang ngoni mo minum. Ngoni me tara usa hawater deng ngoni pe badan, apa yang ngoni mo pake. Ngoni tau ngoni pe hidup itu lebe penting dari apa yang ngoni mo makang deng minum. Deng ngoni pe badan itu lebe penting dari baju yang ngoni mo pake.

Matius 6:25 ပူးပေါင်းရင်းမြစ်များ

Matius 10:19

Kalu dorang bawa pa ngoni kong serakan pa ngoni untuk dapa adili, jang ngoni tako apa yang ngoni musti bilang. Nanti di waktu itu suda, Tuhan Allah akan kase pa ngoni apa yang ngoni mo bilang pa dorang.

Matius 13:22

Bibit yang jatu di tana yang ada rumpu baduri, itu sama deng orang-orang yang so dengar firman, tapi dong pe hati tara tenang tentang dong pe hidup, deng dong cuma cari harta. Jadi firman yang dorang dengar itu dorang tara biking, sampe firman itu tara bawa hasil apa-apa.

Matius 6:31

Jadi, ngoni tara usa hawater kong bilang, ‘Apa yang torang mo makang?’ Atau ‘Apa yang torang mo minum?’ Atau ‘Apa yang torang mo pake?’

Matius 6:34

Jadi, ngoni tara usa hawater apa yang mo jadi beso, karna beso ada dia pe susa sandiri. Cukup suda susa yang ngoni so rasa hari ini, tara usa lagi bapikir hari beso pe susa.”

Markus 13:11

Kalu ada yang bawa pa ngoni kong serakan pa ngoni untuk mo adili, jang ngoni tako apa yang ngoni musti bilang. Ngoni bilang saja apa yang Roh Kudus suru ngoni bilang, karna itu bukang ngoni pe kata-kata yang kaluar tapi Roh Kudus.

Markus 4:19

tapi dorang pe hati tara tenang tentang dong pe hidup, deng dorang cuma cari harta deng keinginan-keinginan yang laeng. Jadi firman yang dorang dengar itu dorang tara biking, sampe firman itu tara bawa hasil apa-apa.

Lukas 12:11

Kong kalu ada orang bawa pa ngoni untuk mo adili, biar itu di ruma ibada agama Yahudi, atau di pemerinta-pemerinta, ngoni tara usa tako tentang apa yang ngoni musti bilang atau bagimana ngoni mo babela ngoni pe diri.

Lukas 8:14

Bibit yang jatu di tana yang ada rumpu baduri, itu sama deng orang-orang yang so dengar firman, tapi dorang pe hati tara tenang tentang dong pe hidup, dorang cuma cari harta, deng cuma suka hidup sanang. Jadi firman yang dorang dengar itu dorang tara biking, sampe firman itu tara bawa hasil apa-apa, sama deng bibit yang tara babua.

Roma 8:32

Dia pe Anak sandiri saja Dia tara tahang-tahang, tapi Dia kase sampe mati di kayu salib supaya tebus torang pe dosa. Karna itu, torang jadi tau, apa saja yang bae untuk torang, pasti Dia kase.

1 Korintus 7:32

Kita mau supaya jang ngoni talalu bapikir tentang samua yang ada di dunia ini sampe so tara layani pa Tuhan bae-bae. Laki-laki yang tara kawing, dia pe perhatian ada lebe banya untuk Tuhan, bagimana supaya dia kase sanang Tuhan pe hati.

Filipi 4:6

Jadi tara usa suda ngoni hawater tentang apa-apa. Tapi, ngoni musti berdoa suda, minta pa Tuhan Allah tentang samua hal. Ngoni kase tau suda samua ngoni pe perlu pa Tuhan Allah, deng bilang tarimakasi banya pa Dia.

2 Timotius 2:4

Kalu tentara yang sementara biking dia pe tugas, dia tara bapusing deng urusan-urusan laeng. Dia cuma biking dia pe tugas, supaya dia pe komandan sanang pa dia. Torang musti biking bagitu la kase sanang torang pe Tuhan saja.

1 Petrus 5:7

Serakan suda samua ngoni pe rasa hawater pa Dia, karna Dia yang jaga deng sayang pa ngoni.