Matius 6:22 - Perjanjian Baru Bahasa Melayu Maluku Utara

²² Yesus bilang lagi, “Ngoni pe mata sama deng lampu yang kase tarang ngoni pe diri. Jadi kalu ngoni pe mata lia deng jelas, ngoni pe hidup lagi iko tarang.

Matius 6:22 ပူးပေါင်းရင်းမြစ်များ

Matius 5:15

Tara ada orang yang pasang lampu kong tutu dia pe cahaya. Tapi pasti dia taru lampu itu di dia pe tampa supaya kase tarang pa samua orang yang ada di dalam ruma itu.

Kisah Para Rasul 2:46

Tiap hari, dorang bakumpul deng satu hati di Ruma Ibada Pusat pe kompleks. Dorang me makang sama-sama dari ruma yang satu pigi di ruma yang laeng deng rasa sanang deng hati yang sunggu-sunggu.

2 Korintus 11:3

Tapi kita tako jang sampe ada yang pengaru pa ngoni deng dong pe ajaran yang sala sampe ngoni so tara percaya lagi pa Yesus Kristus deng hati yang sunggu-sunggu. Itu sama deng Hawa dulu yang dapa tipu dari ular sampe malawang Tuhan Allah pe parenta karna ular pe putar bale itu.

Efesus 6:5

Ngoni orang-orang karja yang ngoni pe tuang so bili, ngoni musti dengar-dengaran pa ngoni pe tuang yang ada di dunia ini. Ngoni musti hormati deng tako pa dorang deng hati yang sunggu-sunggu, sama deng ngoni dengar-dengaran pa Yesus Kristus.

Kolose 3:22

Bagitu lagi deng ngoni orang-orang karja yang ngoni pe tuang so bili, ngoni musti dengar-dengaran pa ngoni pe tuang di dunia ini dalam sagala hal. Jang ngoni dengar-dengaran pa ngoni pe tuang cuma untuk cari muka pa dia. Tapi ngoni bakarja deng sunggu-sunggu karna ngoni tako pa Tuhan.