Matius 6:2 - Perjanjian Baru Bahasa Melayu Maluku Utara

² Jadi, kalu ngoni mo bakase apa-apa la bantu pa orang-orang susa, jang kase dengar itu pa orang-orang, macam deng orang-orang munafik. Waktu dorang bakase doi di ruma-ruma ibada atau di jalang-jalang, dorang jaga tiop trompet la orang tau dorang ada bakase kong orang puji pa dorang. Dengar bae-bae, pujian yang dorang dapa dari manusia itu, itu suda dorang pe upah.

Matius 6:2 ပူးပေါင်းရင်းမြစ်များ

Matius 15:7

Ee, ngoni orang-orang munafik! Apa yang Tuhan Allah bilang dulu pa nabi Yesaya tentang ngoni itu so jadi, bagini,

Matius 16:3

Kong kalu pagi hari ngoni lia awan so tabal deng baitam, ngoni bilang, ‘Hari ini mo ujang’. Ngoni tau tanda-tanda di langit itu, deng ngoni me tau cuaca yang mo jadi itu, tapi ngoni tara tau lia tanda-tanda yang Tuhan Allah biking skarang ini.

Matius 22:18

Tapi Yesus tau dorang pe rencana jahat itu. Jadi Dia bilang pa dorang bagini, “Woe orang-orang munafik, bikiapa kong ngoni mo cari-cari Kita pe sala?

Matius 23:5

Samua yang dorang biking, dorang biking cuma supaya orang puji pa dorang. Macam deng dong pe pangika kapala deng tangan, yang dong tulis isi Kitab Suci kong dong biking kase lebar-lebar. Turus, dorang pe juba pe banang-banang me dong biking kase lebe panjang supaya orang tau kata, dong iko pa Tuhan deng bae.

Matius 23:6

Kalu dorang maso di acara-acara pesta deng di ruma ibada, dong suka dudu di muka di tampa yang paling terhormat.

Matius 24:51

Turus dia pe tuang mo hukum pa dia deng hukuman yang barát. Dia dapa hukuman mati. Kong dia pe nasib sama deng orang-orang munafik. Di situ, dorang mo manangis turus-turus sampe dong pe gigi bababunyi karna menderita skali.”

Matius 5:18

Ngoni dengar bae-bae e! Langit deng bumi pasti mo ancor, tapi aturan-aturan di lima kitab Musa deng di nabi-nabi laeng pe kitab itu tara akan ilang, biar satu huruf me. Samua itu tetap ada sampe yang Tuhan Allah bilang dulu itu so jadi samua.

Matius 6:16

Yesus bilang lagi, “Kalu ngoni bapuasa, jang kase tunju muka suak sama deng orang munafik. Dorang sangaja kase tunju bagitu supaya orang laeng lia dong sementara bapuasa kong puji pa dorang. Ngoni dengar bae-bae e! Pujian yang dorang dapa dari manusia itu, itu suda dorang pe upah.

Matius 6:3

Tapi, kalu ngoni mo bakase apa-apa pa orang-orang susa, ngoni bakase deng babadiam. Itu sama deng apa yang ngoni pe tangan kanan biking, ngoni pe tangan kiri tara tau.

Matius 6:5

Yesus bilang lagi, “Kalu ngoni berdoa, jang berdoa sama deng orang munafik. Barang, dorang itu kalu berdoa suka badiri di ruma-ruma ibada agama Yahudi deng di muka umum, dong pe maksut supaya orang lia deng puji pa dorang. Dengar bae-bae e, pujian yang dorang dapa dari manusia itu, itu suda dorang pe upah.

Matius 7:5

Ee, ngoni orang munafik, kase kaluar dulu balak spanggal dari ngoni pe mata, baru ngoni bisa lia bae-bae, supaya ngoni bisa kase kaluar ampas kayu dari ngoni pe sudara pe mata.

Markus 12:39

Kalu di ruma ibada deng di acara-acara pesta, dorang itu paling suka dudu di muka di tampa paling terhormat.

Markus 7:6

Yesus bilang pa dorang, “Ee, ngoni orang-orang munafik! Apa yang Tuhan Allah bilang dulu pa nabi Yesaya tentang ngoni itu so jadi, bagini, ‘Bangsa ini puji pa Kita cuma deng dong pe mulu, tapi dong pe hati jao dari Kita.

Lukas 11:41

Karna itu, ngoni kase suda apa yang ada pa ngoni deng hati yang bae untuk tolong orang-orang miskin, la deng bagitu ngoni mo biking ngoni pe diri deng hati jadi butul-butul bersi.

Lukas 11:43

Cilaka suda ngoni orang-orang dari aliran Farisi! Kalu di ruma ibada, ngoni suka dudu di tampa yang paling muka, kong kalu di tampa umum, ngoni suka orang hormati pa ngoni.

Lukas 12:33

Jual suda ngoni pe harta kong kase dia pe doi untuk orang-orang miskin! Kalu ngoni biking bagitu, itu sama deng ngoni ada kumpul harta di sorga yang tara akan mo abis-abis. Karna di sorga tara ada papancuri yang mo ambe harta itu deng tarada gai yang mo kase rusak harta itu.

Lukas 12:56

Ngoni memang munafik! Ngoni ini bole tau cuaca cuma deng lia tanda-tanda di langit deng di dunia. Tapi bikiapa kong ngoni tara mangarti yang Tuhan Allah biking skarang ini?”

Lukas 13:15

Kong Tuhan Yesus bilang pa orang itu, “Ee, ngoni orang-orang munafik! Biar itu hari Sabat lagi, ngoni jaga lapas ngoni pe sapi deng keledai dari kandang, kong pigi kase minum. Itu me karja to?

Lukas 20:46

“Ngoni musti ati-ati deng guru-guru agama Yahudi yang ahli lima kitab Musa. Dorang itu kalu bajalang, suka pake juba panjang yang kase tunju dorang orang penting, deng dorang paling suka orang hormati di orang banya pe muka. Kalu di ruma ibada deng di acara-acara pesta, dorang itu paling suka dudu di muka di tampa paling terhormat.

Lukas 6:24

“Tapi ngoni yang skarang ini kaya, cilaka suda ngoni, karna ngoni so rasa sanang dari ngoni pe harta.

Lukas 6:42

Jadi bagimana kong ngoni bisa bilang pa ngoni pe sudara, ‘Sudara e, mari kita kase kaluar ampas kayu dari ngana pe mata,’ padahal balak spanggal di ngoni pe mata sandiri, ngoni kase biar. Ee, ngoni orang munafik, kase kaluar dulu balak spanggal dari ngoni pe mata, baru ngoni bisa lia bae-bae, supaya ngoni bisa kase kaluar ampas kayu dari ngoni pe sudara pe mata.”

Yohanes 13:29

Tapi karna Yudas yang pegang doi kas, ada babarapa murit yang pikir kaapa Yesus suru dia pigi bili apa-apa untuk dorang pe keperluan hari raya. Dorang pikir lagi Yudas mo kase sumbangan pa orang-orang miskin.

Yohanes 5:41

Kita tara perlu manusia mo puji deng hormat pa Kita.

Yohanes 5:44

Ngoni suka dapa puji deng hormat dari orang, tapi ngoni tara biking Tuhan Allah pe mau supaya ngoni dapa puji dari Tuhan Allah yang cuma satu itu. Jadi, tara mungkin ngoni mo percaya pa Kita.

Yohanes 7:18

Sapa saja yang mangajar pake dia pe pikiran sandiri, dia itu cuma mo cari puji deng hormat untuk dia pe diri sandiri. Tapi sapa saja yang mau supaya orang-orang puji deng hormat pa Tuhan Allah yang utus pa dia, dia itu pasti bicara yang butul deng tara bafoya.

Kisah Para Rasul 10:2

Dia ini rajin iko Tuhan Allah pe mau. Dia deng dia pe keluarga jaga semba pa Tuhan Allah. Dia jaga bantu pa orang-orang Yahudi yang susa deng dia me rajin berdoa pa Tuhan Allah.

Kisah Para Rasul 10:31

Turus dia bilang pa kita, ‘Kornelius, Tuhan Allah so dengar samua ngana pe doa deng Dia so lia ngana jaga bantu pa orang-orang susa.

Kisah Para Rasul 10:4

Kornelius haga pa malaekat itu deng rasa tako skali, kong dia bilang, “Ada apa bapa?” Malaekat itu bilang pa dia, “Tuhan Allah so dengar ngana pe doa, deng Dia so lia samua yang ngana so bantu pa orang-orang susa. Tuhan Allah tetap inga yang ngana so biking itu.

Kisah Para Rasul 11:29

Pe dengar bagitu, orang-orang yang percaya pa Yesus ambe keputusan la mo kumpul doi sumbangan kong kirim pa orang-orang yang percaya yang tinggal di daera Yudea. Dorang kase itu, iko dorang pe kemampuan masing-masing.

Kisah Para Rasul 24:17

Sebenarnya so babarapa taong kita so tara pigi-pigi di Yerusalem. Tapi yang kita pigi baru-baru itu, kita mo antar doi sumbangan pa orang-orang Yahudi yang hidup susa deng mo kase binatang jadi korban persembahan pa Tuhan Allah di Ruma Ibada Pusat.

Kisah Para Rasul 9:36

Di kota Yope, ada orang percaya satu yang pe nama Tabita. Dalam bahasa Yunani dia pe nama Dorkas. Tabita itu orang yang percaya pa Yesus. Dia jaga biking hal-hal bae deng jaga tolong pa orang-orang yang susa.

Roma 12:8

Kalu Tuhan Allah so kase karunia pa torang untuk kase smangat orang, torang musti biking itu. Kalu Tuhan Allah so kase karunia pa torang untuk kase pa orang apa yang torang punya, torang musti kase itu deng tulus. Kalu Tuhan Allah so kase karunia pa torang untuk jadi pemimpin, torang musti bapimpin bae-bae. Kong kalu Tuhan Allah so kase karunia pa torang untuk kasiang la tolong pa orang yang susa, torang musti biking itu deng hati sanang.

1 Korintus 13:3

Biar lagi kita kase barbage samua yang kita punya pa orang susa, deng biar lagi kita serakan kita pe diri untuk dapa bakar karna iko pa Tuhan Yesus, tapi kalu kita tara sayang pa orang laeng, samua itu tarada dia pe guna untuk kita.

Galatia 2:10

Dorang tiga cuma minta pa torang supaya torang tetap inga pa orang-orang miskin deng jaga bantu pa dorang, deng memang itu yang kita suka skali biking.

Efesus 4:28

Orang yang papancuri, berenti suda bapancuri. Tapi lebe bae dia rajin bakarja, supaya deng dia pe hasil karja itu dia bole barbage pa orang yang ada kekurangan.

1 Tesalonika 2:6

Tara perna torang cari pujian dari ngoni atau orang laeng. Torang ini Tuhan Yesus pe utusan yang orang sebut rasul, jadi sebenarnya torang bole suru pa ngoni la bantu torang pe hidup hari-hari, tapi torang tara mau bagitu.

1 Timotius 6:18

Kase inga pa orang-orang kaya itu supaya dorang biking banya barang yang bae. Dorang musti suka kase pa orang-orang apa yang dorang perlu, deng apa yang ada pa dorang musti kase bage-bage pa orang-orang deng sanang hati.

Filemon 1:7

Filemon, kita pe sudara, ngana pe sayang pa orang-orang yang so jadi Tuhan Allah pe umat, itu yang biking kita sanang skali. Kong itu biking kita pe hati jadi lebe kuat, karna ngana so biking dorang pe hati jadi sanang ulang.

Ibrani 13:16

Deng jang ngoni lupa biking yang bae pa orang, deng tolong pa dorang. Barang, deng ngoni bantu orang, itu sama saja deng ngoni so serakan ngoni pe korban persembahan pa Tuhan Allah yang biking Dia pe hati sanang.

1 Petrus 4:11

Ambe conto bagini, kalu ada orang yang dapa karunia untuk kase tau Tuhan Allah pe firman pa orang-orang, dia musti pake karunia itu supaya orang mangarti Tuhan Allah pe firman. Kalu ada orang yang dapa karunia untuk bantu pa orang, dia pake karunia yang dia pe kekuatan dari Tuhan Allah itu untuk tolong pa orang. Jadi, pake karunia yang ada pa ngoni itu bae-bae la orang bole puji deng hormat pa Tuhan Allah. Tuhan Allah dapa puji karna ngoni itu Yesus Kristus pe umat. Tuhan Allah itu memang hebat deng Dia pe kuasa ada sampe slama-lamanya. Amin.