Matius 6:19 - Perjanjian Baru Bahasa Melayu Maluku Utara

¹⁹ Yesus bilang lagi, “Jang ngoni kumpul harta di dunia, karna gai deng karat mo kase rusak, deng papancuri mo bulengkar kong ambe harta itu.

Matius 6:19 ပူးပေါင်းရင်းမြစ်များ

Matius 19:21

Yesus bilang pa dia, “Kalu ngana suka mo iko pa Tuhan Allah deng sempurna, ngana pigi suda kong jual samua ngana pe harta, la kase dia pe doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”

Matius 6:20

Tapi lebe bae ngoni pake ngoni pe hidup ini untuk biking Tuhan Allah pe mau. Kalu ngoni biking bagitu, itu sama deng ngoni kumpul harta di sorga. Karna di sorga nanti, gai deng karat tara bisa kase rusak harta itu deng papancuri me tara bisa bulengkar deng ambe harta itu.

Lukas 12:21

Bagitu yang akan mo jadi pa orang yang cuma tau kumpul harta untuk dia pe diri sandiri saja. Dia tara peduli deng Tuhan Allah pe mau, dia itu sama deng orang yang tarada arti apa-apa pa Tuhan Allah pe muka.”

Lukas 12:33

Jual suda ngoni pe harta kong kase dia pe doi untuk orang-orang miskin! Kalu ngoni biking bagitu, itu sama deng ngoni ada kumpul harta di sorga yang tara akan mo abis-abis. Karna di sorga tara ada papancuri yang mo ambe harta itu deng tarada gai yang mo kase rusak harta itu.

Lukas 12:39

Tapi ngoni me musti inga bae-bae umpama satu ini: kalu tuang ruma tau jam barapa papancuri mo datang, tantu dia tara mo kase biar dia pe ruma papancuri mo maso.

Lukas 18:22

Pe dengar itu, Yesus bilang, “Tapi masi ada satu yang ngana bolong biking. Ngana jual samua ngana pe harta kong kase bage-bage doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”

Lukas 18:24

Yesus haga pa dia kong tau dia sedi. Turus Yesus bilang bagini, “Pe susa skali orang kaya kase dia pe diri la Tuhan Allah Berkuasa sebagai Raja pa dia pe hidup.

1 Timotius 6:17

Timotius, ngana musti kase inga pa orang-orang kaya di dunia ini, supaya jang dorang basombong deng jang cuma baharap pa dong pe harta saja. Barang, harta di dunia ini, hari ini ada, tapi beso so abis. Dorang yang kaya itu musti baharap pa Tuhan Allah. Tuhan Allah kase pa torang apa yang torang perlu. Dia yang kase samua pa torang sampe talebe-lebe, supaya torang bole rasa samua itu.

Ibrani 13:5

Jang ngoni gila doi, tapi lebe bae ngoni puas suda deng apa yang ada pa ngoni. Barang, Tuhan Allah so perna bilang bagini, “Kita tara akan perna kase biar pa ngana, deng Kita tara akan perna kase tinggal pa ngana sandiri.”