Matius 6:13 - Perjanjian Baru Bahasa Melayu Maluku Utara

¹³ Kong jang kase biar torang tagoda biking barang yang jahat, tapi kase lapas suda pa torang dari yang jahat. [Karna Bapa yang jadi Raja, Bapa yang punya kuasa, deng yang pantas dapa puji deng hormat sampe slama-lamanya. Amin.’]

Matius 6:13 ပူးပေါင်းရင်းမြစ်များ

Matius 26:41

Bajaga-jaga deng berdoa suda, supaya jang ngoni tagoda biking dosa, karna biar ngoni pe hati suka mo iko pa Kita, tapi ngoni pe badan tara mampo.”

Matius 28:20

Kong ngoni ajar pa dorang supaya dorang biking samua parenta yang Kita so perna ajar pa ngoni. Ngoni inga bae-bae e, Kita salalu sama-sama deng ngoni turus sampe ahir jaman.”

Matius 5:37

Jadi kalu memang butul, bilang saja, ‘Iyo’. Kalu tarada, bilang saja ‘Tarada’. Karna kalu ngoni bilang lebe dari itu, itu pe asal so dari Iblis, setang-setang pe raja.”

Matius 6:10

Torang minta Bapa datang la Berkuasa sebagai Raja pa torang pe hidup. Deng biar samua Bapa pe mau jadi di dunia ini, sama deng yang so jadi di sorga.

Yohanes 17:15

Bapa, Kita tara minta pa Bapa supaya Bapa kase jao pa dorang dari orang-orang yang tara percaya pa Bapa. Tarada. Tapi Kita minta supaya Bapa jaga pa dorang dari Iblis, setang-setang pe raja.

1 Korintus 10:13

Tiap kali ngoni dapa coba untuk biking dosa, ngoni musti inga, samua manusia jaga dapa cobaan macam bagitu. Tapi Tuhan Allah salalu setia deng Dia pe janji pa ngoni, jadi Dia tara akan kase biar ngoni dapa cobaan yang lebe dari yang ngoni mampo tanggung. Waktu ngoni dapa cobaan, Dia akan kase jalang kaluar, supaya ngoni mampo tahang mangada cobaan itu.

1 Korintus 14:16

Karna, kalu ngoni berdoa bilang tarimakasi pa Tuhan Allah pake bahasa roh dari ngoni pe roh saja, nanti orang-orang yang ada di situ tara akan bilang “Amin” pa ngoni pe doa itu, barang dorang tara mangarti apa yang ngoni bilang.

2 Korintus 1:20

Torang tau itu butul, barang samua yang Tuhan Allah janji pa Dia pe umat, Dia so biking waktu Yesus Kristus datang untuk kase slamat pa torang. Karna itu torang bilang, “Amin, memang butul”. Kong karna Yesus itu butul, mari torang puji deng hormat pa Tuhan Allah.

Galatia 1:4

Tuhan Yesus Kristus yang so serakan Dia pe diri untuk tebus torang pe dosa-dosa, supaya Dia bole kase bebas pa torang dari kuasa jahat yang skarang ada di dunia ini. Dia biking samua itu, iko Tuhan Allah, torang pe Bapa pe mau.

1 Tesalonika 1:10

deng ngoni me tunggu-tunggu Anak Allah yang mo datang ulang dari sorga. Dia itu suda Yesus, yang biar so mati tapi Tuhan Allah so kase hidup ulang pa Dia. Yesus itu suda yang kase slamat pa torang yang percaya pa Dia dari Tuhan Allah pe hukuman nanti.

2 Tesalonika 3:3

Tuhan Allah itu setia. Dia mo kase kuat ngoni pe hati deng jaga pa ngoni dari yang jahat.

1 Timotius 1:17

Mari torang hormati pa Tuhan Allah. Dia itu Raja sagala jaman. Tarada yang bisa lia Dia, Dia ada slama-lamanya, deng Dia cuma satu saja. Puji deng hormat pa Dia sampe slama-lamanya. Amin.

Ibrani 11:36

Ada lagi orang yang karna dorang percaya pa Tuhan Allah, dorang dapa hina deng ada yang dapa pukul deng tali yang ada barang tajam di dia pe ujung, sampe ada yang dapa rante kong dapa maso penjara.

1 Petrus 5:8

Ngoni musti kuasai ngoni pe diri deng bajaga-jaga! Barang Iblis, yang jadi ngoni pe musu itu, dia sama deng singa yang bajalang kasana-kamari bacari makanang la mo talang manta-manta.

2 Petrus 2:9

Jadi, conto-conto itu biking jelas, Tuhan Allah pasti kase slamat Dia pe umat dari dorang pe sengsara. Dia me akan tahang orang-orang yang tara biking Dia pe mau, kong nanti di hari kiamat, Dia mo hukum pa dorang itu.

1 Yohanes 3:8

Tapi sapa yang biking dosa turus, dia itu Iblis pe ana, karna Iblis itu jaga biking dosa dari dulu. Jadi Yesus Anak Allah itu datang untuk kase ancor samua yang Iblis biking.

Wahyu 1:18

Kita ini yang hidup! Memang Kita so perna mati, tapi lia skarang Kita so hidup ulang, kong Kita tetap hidup sampe slama-lamanya. Kita yang pegang samua kunci maut, itu berarti, Kita ada kuasa untuk kase hidup ulang orang yang so mati. Pa Kita me ada kunci kerajaan maut, itu berarti, Kita ada kuasa di tampa orang-orang yang mati.

Wahyu 19:1

Abis itu, kita dengar di sorga, sama deng ada orang banya pe suara kuat skali. Dorang bicara kuat-kuat bilang bagini, “Haleluya, mari torang puji deng hormat pa Tuhan Allah! Dia itu torang pe Tuhan Allah. Dia yang kase slamat pa Dia pe umat. Dia itu yang berkuasa!

Wahyu 19:4

Kong dua pulu ampa pemimpin deng ampa binatang yang luar biasa itu berlutut semba pa Tuhan Allah yang dudu di kursi raja, kong dong bilang bagini, “Haleluya, puji pa Tuhan Allah! Amin.”

Wahyu 2:10

Ngoni tara usa tako kalu nanti ngoni masi dapa siksa. Dengar bae-bae, nanti babarapa orang dari ngoni, Iblis mo coba, ngoni butul-butul percaya pa Kita ka tarada. Cobaan itu macam bagini, ngoni mo dapa maso di penjara kong dapa siksa di situ selama spulu hari. Tapi biar ngoni dapa siksa sampe mo mati me, ngoni musti tetap percaya pa Kita. Kalu ngoni tetap batahang percaya, Kita mo kase pa ngoni hidup deng Tuhan Allah slama-lamanya, itu sama deng ngoni dapa makota, tanda ngoni so menang.

Wahyu 21:4

Dia akan hapus dorang samua pe aer mata. So tarada lagi yang mo mati, so tarada lagi yang mo rasa sedi atau manangis, deng so tarada lagi yang mo rasa saki. Barang, samua yang lama itu so tarada.”

Wahyu 3:10

Ngoni tetap batahang percaya pa Kita biar ngoni dapa siksa, kong deng bagitu ngoni so biking Kita pe parenta. Karna itu, nanti Kita mo jaga pa ngoni supaya ngoni tara dapa siksa yang hebat yang nanti mo jadi untuk samua orang di dunia ini. Siksa itu untuk uji samua orang di dunia ini la dapa tau sapa orang-orang yang butul-butul percaya pa Tuhan Allah.

Wahyu 3:14

Anak Manusia yang dari sorga bilang lagi pa kita, “Yohanes, tulis suda untuk malaekat yang jaga pa jemaat di kota Laodikia. Ngana tulis bagini: Ini pasáng dari yang pe nama Amin, yang pe arti, Yang Butul, deng yang setia kase tau samua tentang Tuhan Allah, deng samua yang Dia bilang itu butul. Kong Tuhan Allah pake pa Dia untuk biking samua-samua yang ada di dunia ini:

Wahyu 5:13

Abis itu, kita dengar samua orang deng samua binatang yang ada di sorga, di dunia, di tampa orang mati, deng di dalam laut, bilang bagini, “Torang puji deng hormat pa Tuhan Allah yang dudu di kursi raja, deng pa Anak Domba. Tuhan Allah deng Anak Domba itu luar biasa deng berkuasa sampe slama-lamanya.”