Matius 5:48 - Perjanjian Baru Bahasa Melayu Maluku Utara

⁴⁸ Jadi, ngoni musti sayang pa samua orang deng sempurna, sama deng ngoni pe Bapa di sorga yang sayang pa samua orang deng sempurna.”

Matius 5:48 ပူးပေါင်းရင်းမြစ်များ

Matius 5:16

Bagitu lagi deng ngoni. Ngoni musti biking hal-hal yang bae supaya orang-orang dapa lia apa yang ngoni biking itu kong puji deng hormat pa Tuhan Allah, ngoni pe Bapa yang ada di sorga.”

Matius 5:45

Kalu ngoni biking bagitu, ngoni kase tunju, ngoni itu Bapa yang di sorga pe ana-ana. Dia yang biking matahari basinar pa orang yang bae-bae deng pa orang yang jahat. Dia me yang kase turung ujang pa orang yang biking barang yang butul deng pa orang yang biking barang yang tara butul.

Matius 5:47

Kalu ngoni cuma kase salam pa ngoni pe tamang-tamang, jang ngoni anggap Tuhan Allah mo pikir ngoni ini lebe bae dari orang laeng. Barang, orang-orang yang tara kanal pa Tuhan Allah me balas kase salam pa orang yang kase salam pa dorang.

Lukas 6:36

Ngoni musti kase tunju rasa kasiang pa orang-orang, sama deng torang pe Bapa di sorga yang kase tunju Dia pe rasa kasiang pa samua orang.”

Lukas 6:40

Tarada murit yang lebe dari dia pe guru. Tapi kalu dia so selesai balajar dari dia pe guru, dia bisa jadi sama deng dia pe guru.

2 Korintus 13:11

Sudara-sudara, di ahir kita pe surat ini, kita minta ngoni samua hati sanang suda karna Tuhan. Ngoni berusaha la ngoni tamba butul-butul iko pa Tuhan Allah. Kong ngoni tarima kita pe nasehat samua ini. Ngoni hidup satu hati, deng hidup baku bawa bae-bae. Kalu ngoni hidup bagitu, Tuhan Allah yang sayang pa torang deng yang biking torang pe hati jadi tenang, akan sama-sama deng ngoni.

2 Korintus 13:9

Barang, biar orang lia torang ini pemimpin yang tara kuat, torang pe hati tetap sanang asal ngoni pe percaya kuat pa Tuhan Yesus. Torang minta pa Tuhan la ngoni jadi tamba butul-butul iko pa Dia.

2 Korintus 7:1

Sudara-sudara yang kita sayang, karna torang so tarima Tuhan Allah pe janji-janji itu, mari suda torang kase bersi torang pe diri dari samua yang biking torang berdosa, bae itu yang ada pa tong pe hati, pikiran deng yang torang biking. Kong deng torang biking bagitu, torang yang so bersi dari dosa pa Tuhan Allah pe muka tamba hari jadi lebe tamba sempurna deng tako pa Tuhan Allah.

Efesus 3:1

Sudara-sudara, kita Paulus dapa kase maso di penjara, barang kita kase tau Kabar Bae tentang Kristus Yesus untuk ngoni orang-orang bukang Yahudi.

Kolose 1:28

Jadi, kamana saja torang pigi, Yesus Kristus itu saja yang torang kase tau pa tiap-tiap orang. Torang jaga kase inga deng kase ajar pa dorang, pake hikmat yang Tuhan Allah kase pa torang, supaya pa Tuhan Allah pe muka, tiap-tiap orang itu butul-butul percaya pa Yesus Kristus.

Kolose 4:12

Epafras lagi ada kirim salam pa ngoni. Dia satu jemaat deng ngoni, dia lagi jaga biking apa yang Kristus Yesus suru. Dia salalu berdoa sunggu-sunggu untuk ngoni. Dia minta pa Tuhan Allah supaya ngoni pe percaya pa Kristus Yesus jadi kuat deng supaya ngoni butul-butul tau Tuhan Allah pe mau.

Yakobus 1:4

Jang ngoni berenti percaya, tetap batahang bagitu. Kalu ngoni biking bagitu turus, ngoni pe percaya mo tamba kuat, deng ngoni pe percaya jadi sempurna deng tara kurang apa-apa.

1 Yohanes 3:3

Samua orang yang baharap pa Tuhan sama deng itu, orang itu musti salalu hidup deng hati bersi sama deng Yesus Kristus yang suci itu.