Matius 5:47 - Perjanjian Baru Bahasa Melayu Maluku Utara

⁴⁷ Kalu ngoni cuma kase salam pa ngoni pe tamang-tamang, jang ngoni anggap Tuhan Allah mo pikir ngoni ini lebe bae dari orang laeng. Barang, orang-orang yang tara kanal pa Tuhan Allah me balas kase salam pa orang yang kase salam pa dorang.

Matius 5:47 ပူးပေါင်းရင်းမြစ်များ

Matius 10:12

Waktu ngoni maso di orang pe ruma, ngoni kase salam, minta Tuhan berkati pa orang-orang yang tinggal di situ.

Matius 5:20

Jadi, dengar bae-bae yang Kita bilang ini. Guru-guru agama Yahudi yang ahli lima kitab Musa deng orang Yahudi dari aliran Farisi, dorang jaga iko Tuhan Allah pe aturan-aturan, cuma dorang tara biking yang butul pa Tuhan Allah pe muka. Tapi ngoni ini musti biking yang butul pa Tuhan Allah pe muka kalu ngoni mau jadi Tuhan Allah pe umat yang Dia Berkuasa sebagai Raja pa ngoni pe hidup.”

Matius 5:46

Kalu ngoni cuma sayang pa orang yang sayang pa ngoni, apa yang ngoni mo dapa? Jang ngoni baharap Tuhan Allah mo kase apa-apa pa ngoni. Tukang tagi pajak yang paling berdosa me sayang pa orang yang sayang pa dorang.

Matius 5:48

Jadi, ngoni musti sayang pa samua orang deng sempurna, sama deng ngoni pe Bapa di sorga yang sayang pa samua orang deng sempurna.”

Lukas 6:32

Kita suru bagitu, karna kalu ngoni cuma sayang pa orang yang sayang pa ngoni saja, tarada dia pe untung pa Tuhan Allah pe muka. Barang, orang-orang berdosa me sayang pa orang-orang yang sayang pa dorang.

Kolose 4:14

Dokter Lukas yang torang sayang ada kirim salam pa ngoni. Bagitu lagi deng Demas, dia lagi ada kirim salam pa ngoni.

Kolose 4:15

Ngoni jemaat di Kolose, tolong kase tau torang pe salam pa torang pe sudara-sudara yang percaya di Laodikia, deng pa tong pe sudara yang percaya yang dia pe nama Nimfa, deng pa jemaat yang jaga bakumpul baibada di dia pe ruma.

1 Petrus 2:20

Barang, kalu ngoni menderita karna biking dosa, apa dia pe untung? Tarada to? Tapi kalu ngoni menderita karna biking barang yang bae kong ngoni tetap sabar, Tuhan Allah pasti kase Dia pe bae pa ngoni.