Matius 5:4 - Perjanjian Baru Bahasa Melayu Maluku Utara

⁴ Paling sanang suda orang-orang yang pe hati sedi, karna Tuhan Allah akan hibur pa dorang.

Matius 5:4 ပူးပေါင်းရင်းမြစ်များ

Lukas 16:25

Tapi Abraham bilang bagini, ‘Ana e, inga dulu waktu ngana masi hidup di dunia, ngana so dapa samua yang bae. Tapi kasiang Lazarus, selama hidup, dia cuma dapa samua yang tara bae saja. Jadi skarang dia dapa sanang di sini, kong ngana dapa sengsara.

Lukas 6:21

Paling sanang suda ngoni yang skarang ini lapar, karna Tuhan Allah akan kase puas pa ngoni. Paling sanang suda ngoni yang skarang ini manangis, karna Tuhan Allah akan biking ngoni tatawa.

Lukas 6:25

Kong ngoni yang skarang ini kanyang, cilaka suda ngoni, karna nanti ngoni mo lapar. Kong ngoni yang skarang ini tatawa, cilaka suda ngoni, karna nanti ngoni mo sedi deng manangis.

Lukas 7:38

Dia badiri pa Yesus pe balakang, di dekat Yesus pe kaki, kong dia manangis. Dia kase basa Yesus pe kaki deng dia pe aer mata, turus dia lap kase kiring deng dia pe rambu. Dia ciom Yesus pe kaki, deng dia siram minya wangi itu palang-palang pa Yesus pe kaki.

Lukas 7:50

Tapi Yesus bilang pa parampuang itu, “Ngana so slamat karna ngana percaya pa Kita. Jadi pulang suda deng hati tenang!”

Yakobus 1:12

Orang yang dapa cobaan kong batahang deng tetap percaya pa Tuhan, dia itu orang yang paling sanang. Karna kalu dia berhasil lolos dari samua cobaan itu, dia mo dapa hadia. Hadia itu, hidup deng Tuhan Allah slama-lamanya. Itu yang Tuhan Allah so janji mo kase pa orang-orang yang sayang pa Dia.

Wahyu 21:4

Dia akan hapus dorang samua pe aer mata. So tarada lagi yang mo mati, so tarada lagi yang mo rasa sedi atau manangis, deng so tarada lagi yang mo rasa saki. Barang, samua yang lama itu so tarada.”