Matius 5:39 - Perjanjian Baru Bahasa Melayu Maluku Utara

³⁹ Tapi Kita mo bilang pa ngoni e, kalu ada orang biking barang yang jahat pa ngoni, ngoni tara bole balas deng yang jahat pa dia. Mala, kalu ada orang yang tampeleng ngoni pe pipi kanan, ngoni kase lagi ngoni pe pipi kiri.

Matius 5:39 ပူးပေါင်းရင်းမြစ်များ

Matius 5:40

Deng kalu ada orang yang tuntut pa ngoni di pengadilan supaya dia menang untuk dapa ngoni pe baju, ngoni kase lagi ngoni pe juba pa dia.

Lukas 22:64

dong ika Dia pe mata pake kaeng, turus tanya pa Dia, “Kalu Ngana butul-butul orang yang bawa Tuhan Allah pe pasáng, coba Ngana bilang, sapa yang pukul pa Ngana ini?”

Lukas 6:7

Di situ me ada guru-guru agama Yahudi yang ahli lima kitab Musa deng orang-orang Yahudi dari aliran fanatik yang pe nama Farisi. Dorang lia-lia turus pa Yesus, supaya kalu Dia kase sembu orang di hari Sabat, dorang bisa dapa alasan untuk kase sala pa Dia. Jadi dorang ingin tau kalu Yesus akan kase sembu orang di hari Sabat, hari yang orang agama Yahudi tara bole bakarja.

Yohanes 18:23

Kong Yesus bilang pa dia, “Kalu yang Kita bilang itu sala, coba kase tunju dia pe sala di mana, tapi kalu yang Kita bilang itu butul, bikiapa kong bapa tampeleng pa Kita?”

1 Korintus 6:7

Tapi sebenarnya, deng ngoni ada masala saja di antara ngoni orang percaya, itu so kase tunju ngoni itu so sala skali. Jadi, kalu ada orang yang biking jahat pa ngoni biar tara ada dia pe alasan, atau ada yang kase foya pa ngoni la ambe ngoni pe barang, lebe bae ngoni tarima saja, tara usa bawa masala itu kamana-mana.

1 Tesalonika 5:15

Perhatikan bae-bae, jang sampe ada orang yang balas orang pe jahat deng yang jahat. Tapi ngoni musti salalu berusaha biking yang bae di antara ngoni sandiri deng samua orang.

Ibrani 12:4

Waktu ngoni berusaha lawan dosa, ngoni bolong dapa siksa macam deng Yesus Kristus yang pe dara tatumpa.

Yakobus 5:6

Ngoni so hukum pa orang-orang yang hidup butul pa Tuhan Allah pe muka, mala sampe ngoni bunu pa dorang, tapi dorang tara bisa malawang pa ngoni.

1 Petrus 3:9

Jang balas yang jahat deng yang jahat, deng jang balas momake deng momake. Tapi ngoni musti minta pa Tuhan supaya berkati pa dorang, karna Tuhan pangge pa ngoni untuk berkati pa orang laeng. Deng bagitu ngoni me akan dapa berkat.