Matius 5:30 - Perjanjian Baru Bahasa Melayu Maluku Utara

³⁰ Kong kalu ngoni pe tangan kanan biking sampe ngoni jadi berdosa, potong suda kong buang tangan itu! Karna lebe bae ngoni pe tangan sabla ilang, daripada ngoni pe tangan lengkap tapi ngoni pe badan anteru maso di neraka.”

Matius 5:30 ပူးပေါင်းရင်းမြစ်များ

Matius 11:6

Kong Yesus suru bilang lagi pa Yohanes, “Orang yang tara tolak pa Kita kong percaya turus, dia itu yang paling sanang.”

Matius 13:21

Tapi firman itu dorang tara simpang bae-bae di dong pe hati, jadi tara batahang lama. Kalu dorang dapa siksa deng menderita karna percaya firman itu, dorang langsung tara percaya lagi pa Tuhan.

Matius 16:23

Tapi Yesus babale kong togor pa Petrus, “Badiam ngana! Ngana pe bicara sama deng Iblis pe bicara. Ngana halangi Kita untuk biking Tuhan Allah pe mau. Barang, ngana cuma pikir apa yang manusia pikir, bukang apa yang Tuhan Allah pikir.”

Matius 17:27

Bagitu lagi deng torang, tong ini Tuhan Allah pe ana-ana, jadi sebenarnya tong tara usa bayar pajak untuk Tuhan Allah pe Ruma Ibada. Tapi supaya dorang tara tersinggung, ngana pigi suda di talaga la mangael ikang. Ambe ikang yang pertama skali ngana dapa, kong buka dia pe mulu. Di situ ngana mo dapa doi yang cukup untuk bayar torang dua pe pajak untuk Ruma Ibada Pusat. Ngana ambe suda doi itu kong bayar tong dua pe pajak.”

Matius 18:8

Jadi kalu ngoni pe tangan atau kaki biking ngoni berdosa sampe jadi tara percaya lagi, potong kong buang suda itu. Lebe bae ngoni maso sorga cuma deng tangan satu atau kaki satu saja, daripada kaki tangan lengkap tapi ngoni dapa buang di neraka yang dia pe api tara mati-mati.

Matius 22:13

Turus, raja itu bilang pa dia pe orang-orang karja bagini, ‘Ngoni ika orang itu pe kaki deng tangan kong buang pa dia kaluar di tampa yang paling galap. Di tampa itu, orang-orang mo manangis sampe dong pe gigi mo babunyi karna sengsara.’ ”

Matius 25:20

Orang karja yang tarima doi mas lima tas itu ka sana pa dia pe tuang kong dia kase doi mas spulu tas pa dia pe tuang itu. Kong orang karja itu bilang pa dia pe tuang, ‘Bapa, bapa kase percaya pa kita doi mas lima tas, kong skarang lia, kita so dapa untung doi mas lima tas lagi.’

Matius 26:31

Waktu dorang sementara bajalang, Yesus bilang pa dorang, “Malam ini suda, ngoni samua pe percaya pa Kita akan tagoyang sampe ngoni lari kase tinggal pa Kita. Barang, Tuhan Allah so perna bilang di Kitab Suci bagini, ‘Kita akan bunu pa gembala, kong domba-domba yang dia jaga akan talamburang kasana-kamari.’

Matius 5:22

Tapi Kita mo bilang pa ngoni e, sapa yang mara saja pa dia pe sudara, dia musti dapa hukum. Kong sapa yang momake pa dia pe sudara, musti dapa urus di agama Yahudi pe kumpulan yang paling tinggi yang pe nama Mahkama Agama. Deng sapa yang bilang dia pe sudara bodo, dia musti dapa hukum di api neraka yang mamanyala.

Matius 5:29

Kalu gara-gara ngoni pe mata kanan sampe ngoni jadi berdosa, cungkel suda kong buang mata itu! Karna lebe bae ngoni pe mata sabla ilang kong ngoni tara dapa hukum, daripada ngoni pe mata itu lengkap tapi ngoni pe badan anteru dapa buang di neraka.

Markus 9:43

Kalu ngoni pe tangan sabla biking sampe ngoni jadi berdosa, potong suda ngoni pe tangan itu! Karna lebe bae ngoni maso sorga cuma deng tangan sabla, daripada ngoni pe dua tangan lengkap tapi ngoni maso di neraka, dalam api yang tara perna mati.

Lukas 12:5

Skarang, Kita mo kase tunju pa ngoni sapa yang musti ngoni tako. Ngoni musti tako cuma pa Tuhan Allah saja yang ada kuasa untuk bunu ngoni pe badan deng ada kuasa lagi untuk hukum ngoni di neraka. Jadi, Kita bilang pa ngoni, ngoni musti tako saja pa Dia!

Lukas 17:2

Lebe bae ika orang itu pe leher deng gantong batu basar satu pa dia, kong buang pa dia di dalam laut. Lebe bae dia mati bagitu, daripada dia biking satu dari orang yang pe percaya bolong kuat jadi berdosa.

Roma 9:33

Dorang itu lagi sama deng yang Tuhan Allah bilang di Kitab Suci bagini, “Ngoni dengar bae-bae, Kita so taru batu satu di gunung Sion, kong sapa yang tara percaya, dorang pe kaki mo tagate di batu itu kong dorang mo jatu. Tapi sapa yang percaya pa Dia, dorang itu tara akan kecewa.”

1 Korintus 8:13

Jadi, kalu gara-gara makanang itu biking kita pe sudara yang percaya pa Tuhan jadi berdosa, itu sama deng kita so biking dia pe kaki tagate di batu kong jatu. Jadi lebe bae kita sama skali tara usa makang daging itu lagi selama kita hidup. Karna kita tara mau skali kita pe sudara jadi berdosa lagi gara-gara kita.

Galatia 5:11

Sudara-sudara, ada orang yang bilang kata, kita ini jaga kase ajar orang musti iko aturan sunat yang ada di lima kitab Musa. Padahal, kita tara perna ajar bagitu, karna kalu kita ajar bagitu, pasti orang-orang yang sama-sama Yahudi deng kita tara siksa pa kita. Tapi yang kita kase ajar pa orang-orang itu, dorang musti percaya pa Yesus Kristus yang mati di kayu salib. Kong gara-gara kita kase ajar bagitu, ini yang jadi masala basar pa dorang sampe dorang tara mau percaya, sama deng dorang pe kaki ada tagate di batu.

1 Petrus 2:8

Kong ada lagi yang tatulis bagini, “Batu itu yang biking banya orang tagate, kong dorang cilaka.” Jadi bagini: orang-orang yang tara mau iko Tuhan Allah pe firman tentang Yesus, dorang itu sama deng orang-orang yang tagate di batu kong cilaka. Tuhan Allah so ator memang apa yang jadi itu pa dorang.