Matius 5:18 - Perjanjian Baru Bahasa Melayu Maluku Utara

¹⁸ Ngoni dengar bae-bae e! Langit deng bumi pasti mo ancor, tapi aturan-aturan di lima kitab Musa deng di nabi-nabi laeng pe kitab itu tara akan ilang, biar satu huruf me. Samua itu tetap ada sampe yang Tuhan Allah bilang dulu itu so jadi samua.

Matius 5:18 ပူးပေါင်းရင်းမြစ်များ

Matius 10:15

Inga bae-bae e, nanti di hari kiamat, waktu Tuhan mo adili pa samua orang, orang yang tara tarima pa ngoni itu akan dapa hukuman yang paling barát, lebe barát dari hukuman yang orang dari kota Sodom deng kota Gomora perna dapa.”

Matius 10:23

Jadi kalu orang siksa pa ngoni di kota yang satu, ngoni lari suda di kota yang laeng. Inga bae-bae e, sebelum ngoni selesai kase tau Kabar Bae itu di samua kota di Israel, Anak Manusia yang dari sorga so datang.

Matius 10:42

Kong sapa yang bantu pa orang biasa-biasa saja karna orang itu so iko pa Kita, biar cuma kase aer satu galas saja, Kita bilang pa ngoni, orang yang bantu itu pasti dapa upah dari Tuhan.”

Matius 11:11

Yesus bilang lagi, “Inga bae-bae e, dari samua orang yang parampuang so kase lahir di dunia ini, tara ada satu yang lebe basar dari Yohanes Pembaptis. Tapi skarang, sapa saja, biar dia orang biasa-biasa saja, kalu Tuhan Allah Berkuasa sebagai Raja pa dia pe hidup, orang itu lebe basar dari Yohanes.

Matius 13:17

Inga e! Dulu, banya nabi deng orang yang jaga biking yang butul pa Tuhan Allah pe muka, dorang suka mo lia apa yang ngoni lia skarang ini, tapi dorang tara riki lia. Dorang me suka mo dengar apa yang ngoni dengar skarang ini, tapi dorang tara riki dengar.”

Matius 16:28

Dengar bae-bae yang Kita bilang pa ngoni. Dari antara ngoni yang ada di sini, ada yang tara akan mati sebelum dorang lia Anak Manusia datang Berkuasa sebagai Raja.”

Matius 17:20

Kong Yesus bilang pa dorang, “Itu karna ngoni tara percaya butul-butul pa Tuhan Allah. Dengar bae-bae yang Kita bilang pa ngoni, kalu ngoni pe percaya itu ada, biar cuma kacil sama deng biji yang paling kacil di dunia ini, ngoni bole bilang pa gunung ini, ‘Pinda ka sana!’ Pasti gunung ini tapinda ka sana. Jadi samua ngoni bole biking, asal ngoni percaya pa Tuhan. [

Matius 18:18

Inga e, apa yang ngoni larang di dunia ini, itu lagi yang Tuhan Allah larang. Deng apa yang ngoni kase ijin di dunia ini, itu lagi yang Tuhan Allah kase ijin.

Matius 18:3

Turus, Dia bilang pa dorang, “Inga bae-bae yang Kita mo bilang pa ngoni ini: kalu ngoni tara ruba ngoni pe hidup jadi sama deng ana kacil yang tara sombong ini, ngoni tara akan jadi Tuhan Allah pe umat yang Dia Berkuasa sebagai Raja.

Matius 19:23

Abis itu, Yesus bilang pa Dia pe murit-murit, “Inga bae-bae yang Kita bilang pa ngoni e, memang pe susa skali orang kaya mo kase dia pe diri la Tuhan Allah Berkuasa sebagai Raja pa dia pe hidup.

Matius 19:28

Yesus bilang pa dorang, “Dengar bae-bae yang Kita bilang pa ngoni ini, nanti di waktu Tuhan Allah so biking dunia ini jadi baru ulang, Anak Manusia yang dari sorga mo dudu di atas kursi raja yang luar biasa. Waktu itu, ngoni samua yang iko pa Kita mo dudu lagi di dua blas kursi raja untuk adili pa dua blas suku bangsa Israel.

Matius 21:21

Kong Yesus bilang pa dorang, “Dengar bae-bae e, kalu ngoni percaya pa Tuhan deng tara ragu-ragu, ngoni bukang cuma mampo kase kiring pohong itu, ngoni me bole parenta pa gunung ini, ‘Taangka suda kong talempar di laut!’ Pasti itu akan jadi.

Matius 21:31

Jadi menurut ngoni, dari dua ana itu sapa yang biking dorang pe papa pe mau?” Pemimpin-pemimpin agama Yahudi itu jawab, “Ana yang tua.” Kong Yesus bilang pa dorang, “Karna itu, dengar yang Kita mo bilang pa ngoni ini, orang-orang berdosa yang dong pe karja tagi-tagi pajak, deng parampuang-parampuang tara bae, dorang itu yang kamuka dari ngoni mo jadi Tuhan Allah pe umat yang Dia Berkuasa sebagai Raja.

Matius 23:36

Dengar bae-bae yang Kita bilang ini. Ngoni yang ada skarang ini, ngoni akan dapa hukum karna samua hal-hal jahat itu.”

Matius 24:2

Kong Yesus bilang pa dorang, “Ngoni lia gedung-gedung itu, to? Dengar bae-bae e, nanti ada dia pe waktu, samua itu akan dapa kase ancor sampe rata, kong tara ada satu batu lagi yang mo tasusun pa dia pe tampa.”

Matius 24:47

Inga bae-bae yang Kita bilang ini, pasti dia pe tuang mo angka pa dia kong kase percaya pa dia untuk awasi samua dia pe tuang pe barang.

Matius 25:12

Tapi pengantin laki-laki bilang dari dalam, ‘Dengar e, kita tara kanal pa ngoni.’ ”

Matius 25:40

Kong nanti Raja itu akan bilang pa dorang bagini, ‘Inga bae-bae yang Kita bilang pa ngoni ini, samua yang ngoni biking untuk tolong pa satu orang dari Kita pe sudara-sudara yang orang anggap tara penting, itu sama deng ngoni so biking untuk Kita.’

Matius 25:45

Kong Dia akan jawab pa dorang bagini, ‘Inga bae-bae yang Kita bilang pa ngoni ini, tiap kali ngoni tara mau tolong pa satu dari Kita pe sudara yang orang anggap tara penting, itu sama lagi deng ngoni tara mau tolong pa Kita.’ ”

Matius 5:26

Inga bae-bae, ngoni tara akan kaluar dari penjara itu sebelum ngoni bayar lunas samua biaya sidang yang hakim suru bayar.”

Matius 6:16

Yesus bilang lagi, “Kalu ngoni bapuasa, jang kase tunju muka suak sama deng orang munafik. Dorang sangaja kase tunju bagitu supaya orang laeng lia dong sementara bapuasa kong puji pa dorang. Ngoni dengar bae-bae e! Pujian yang dorang dapa dari manusia itu, itu suda dorang pe upah.

Matius 6:2

Jadi, kalu ngoni mo bakase apa-apa la bantu pa orang-orang susa, jang kase dengar itu pa orang-orang, macam deng orang-orang munafik. Waktu dorang bakase doi di ruma-ruma ibada atau di jalang-jalang, dorang jaga tiop trompet la orang tau dorang ada bakase kong orang puji pa dorang. Dengar bae-bae, pujian yang dorang dapa dari manusia itu, itu suda dorang pe upah.

Matius 8:10

Pe dengar komandan itu bilang bagitu, Yesus jadi herang skali, kong Dia bilang pa orang-orang yang iko pa Dia, “Dengar bae-bae yang Kita bilang pa ngoni, bolong perna Kita dapa satu orang dari bangsa Israel yang dia pe percaya kuat sama deng orang yang dari bangsa Roma ini!

Markus 10:15

Inga bae-bae yang Kita mo bilang pa ngoni ini: sapa yang tara tarima pa Tuhan Allah sama deng ana kacil yang tara sombong, dia tara akan jadi Tuhan Allah pe umat yang Dia Berkuasa sebagai Raja pa dia pe hidup.”

Markus 10:29

Yesus bilang pa dorang bagini, “Inga bae-bae yang Kita bilang pa ngoni ini. Sapa saja yang karna iko pa Kita deng kase tau Kabar Bae dari Tuhan Allah, sampe dia kase tinggal dia pe ruma, dia pe sudara laki-laki atau sudara parampuang, dia pe mama atau papa, dia pe ana-ana, atau dia pe kobong,

Markus 11:23

Dengar bae-bae yang Kita bilang pa ngoni, kalu ada orang yang bilang pa gunung ini, ‘Taangka kong tapinda suda di laut,’ yang dia bilang itu pasti jadi, yang penting dia pe hati tara ragu-ragu deng dia percaya, apa yang dia minta itu mo jadi.

Markus 12:43

Turus Yesus pangge pa Dia pe murit-murit kong Dia bilang bagini, “Dengar bae-bae e, pa Tuhan Allah pe muka, janda miskin ini so kase lebe banya dari samua orang yang ada kase derma di kotak persembahan itu.

Markus 13:30

Dengar bae-bae yang Kita bilang pa ngoni ini, orang-orang yang hidup skarang ini ada yang masi hidup sampe samua itu jadi.

Markus 14:18

Bagitu dorang sementara dudu makang, Yesus bilang bagini, “Inga bae-bae yang Kita bilang ini. Dari ngoni yang dudu makang deng Kita ini, ada satu orang yang akan mo bahianat pa Kita.”

Markus 14:25

Dengar bae-bae yang Kita bilang ini, dari sini kasana, Kita so tara akan minum anggur lagi. Tapi nanti waktu Tuhan Allah Berkuasa sebagai Raja pa Dia pe umat, baru Kita minum lagi anggur yang baru.”

Markus 14:30

Turus Yesus bilang pa dia, “Dengar bae-bae yang Kita bilang pa ngana, malam ini suda, sebelum ayam bakuku dua kali, ngana so manyangkal tiga kali, bilang ngana tara kanal pa Kita.”

Markus 14:9

Inga bae-bae yang Kita bilang ini, di mana saja orang-orang kase tau Kabar Bae dari Tuhan Allah di seluru dunia, pasti dorang mo carita apa yang parampuang ini so biking pa Kita sampe orang-orang akan inga pa dia turus.”

Markus 3:28

Ngoni dengar bae-bae e, samua dosa yang orang biking masi bole dapa ampun, bagitu lagi yang hina pa manusia bole dapa ampun.

Markus 6:11

Tapi kalu orang-orang di tampa itu tara tarima deng tara dengar pa ngoni, ngoni kase tinggal pa dorang suda. Abu yang ada pa ngoni pe kaki me ngoni kase tada di situ, la kase inga dorang so sala pa Tuhan Allah.”

Markus 8:12

Pe dengar itu, Yesus hela napas panjang kong bilang bagini, “Bikiapa kong orang-orang yang hidup skarang ini mo minta mujizat supaya tau Kita dari Tuhan Allah? Kita bilang pa ngoni e, Kita sama skali tara akan kase tunju mujizat apa-apa pa orang-orang yang hidup skarang ini.”

Markus 9:1

Yesus bilang lagi pa dorang, “Dengar bae-bae yang Kita bilang pa ngoni. Dari antara ngoni yang ada di sini, ada yang tara akan mati sebelum dorang lia Tuhan Allah Berkuasa sebagai Raja deng Dia pe kuasa yang basar.”

Markus 9:41

Jadi ngoni inga bae-bae: sapa yang bantu pa ngoni karna ngoni iko pa Kristus, biar dia cuma kase ngoni aer satu galas saja, orang yang bantu itu pasti dapa upah dari Tuhan.”

Lukas 11:51

mulai dari Habel sampe nabi Zakharia, yang dapa bunu di Ruma Ibada Pusat, antara tampa yang jaga bakar binatang korban persembahan deng Ruang Paling Suci. Dengar bae-bae yang Kita bilang ini: orang-orang skarang ini yang akan mo dapa hukum dari samua yang so jadi itu.

Lukas 12:37

Orang-orang karja itu paling sanang skali karna waktu dorang pe tuang pulang, dong pe tuang dapa riki dorang masi bajaga tunggu pa dia. Kita mo bilang pa ngoni: dorang itu paling sanang skali karna dong pe tuang akan pake baju karja kong siap-siap layani pa dorang. Turus dia mo suru dia pe orang-orang karja itu dudu la makang, kong nanti dia sandiri yang mo layani pa dorang.

Lukas 13:35

Karna itu, Tuhan Allah akan bajao dari ngoni pe kota, kong kota itu akan jadi sunyi. Dengar bae-bae e, ngoni so tara akan lia lagi pa Kita. Tapi nanti waktu Kita datang ulang, ngoni akan lia lagi pa Kita kong bilang bagini, ‘Puji pa Dia yang Tuhan Allah so utus datang kamari.’ ”

Lukas 16:17

Biar bagitu me, samua yang tatulis di lima kitab Musa deng di nabi-nabi laeng pe kitab pasti mo jadi. Lebe gampang langit deng bumi mo ancor daripada satu huruf dari Tuhan Allah pe aturan itu tara jadi.”

Lukas 18:17

Inga bae-bae yang Kita mo bilang pa ngoni ini: sapa yang tara tarima pa Tuhan Allah sama deng ana yang tara sombong, dia tara akan jadi Tuhan Allah pe umat yang Dia Berkuasa sebagai Raja pa dia pe hidup.”

Lukas 18:29

Yesus jawab, “Inga bae-bae yang Kita bilang pa ngoni ini. Tiap orang yang kase dia pe diri la Tuhan Allah Berkuasa sebagai Raja pa dia pe hidup, sampe dia so kase tinggal dia pe ruma, dia pe bini atau dia pe sudara, dia pe orang tua atau dia pe ana-ana,

Lukas 23:43

Kong Yesus bilang pa dia, “Kita bilang pa ngana, hari ini suda ngana akan ada sama-sama deng Kita di Firdaus.”

Lukas 4:24

Ngoni inga bae-bae yang Kita mo bilang ini. Nabi yang jaga kase turus Tuhan Allah pe pasáng sama deng Kita, tarada yang dapa hargai di dia pe kampong sandiri.

Yohanes 1:51

Kong Yesus bilang lagi, “Inga bae-bae yang Kita mo bilang ini, nanti ngoni akan lia langit tabalá kong Tuhan Allah pe malaekat-malaekat turung nae pigi pa Kita Anak Manusia.”

Yohanes 10:1

Yesus bicara pake umpama satu, “Inga bae-bae yang Kita bilang ini. Sapa yang maso di kandang domba kong tara iko pintu, tapi nae iko pagar, dia itu papancuri deng tukang rampok.

Yohanes 10:7

Jadi, Yesus bilang satu kali lagi, “Inga bae-bae yang Kita bilang ini. Kita ini suda yang bole kase sama deng pintu di kandang domba.

Yohanes 12:24

Inga bae-bae yang Kita bilang ini. Apa yang mo jadi pa Kita nanti, Kita ambe conto bagini: kalu orang tanam gandum pe biji, biji itu tara batumbu kalu tara isi dalam tana. Itu sama deng biji itu mati dulu baru mo batumbu, abis itu baru dia mo babua banya.

Yohanes 13:16

Inga bae-bae conto ini. Orang karja tara lebe penting dari dia pe tuang, bagitu lagi deng orang yang dapa utus, tara lebe penting dari orang yang utus pa dia.

Yohanes 13:38

Turus Yesus jawab bagini, “Ngana bilang, ngana siap mati untuk Kita? Inga bae-bae yang Kita bilang ini. Malam ini sebelum ayam bakuku, ngana so manyangkal tiga kali, bilang ngana tara kanal pa Kita.”

Yohanes 14:12

Inga bae-bae yang Kita mo bilang pa ngoni ini. Sapa saja yang percaya pa Kita, orang itu butul-butul mo biking apa saja yang Kita so biking. Mala, dia bole biking yang lebe basar lagi dari yang Kita so biking, karna Kita pigi pa Kita pe Bapa.

Yohanes 16:20

Inga bae-bae yang Kita mo bilang ini. Waktu ngoni so tara lia lagi pa Kita, ngoni memang mo manangis deng bataria, tapi orang-orang yang tara percaya pa Kita mo sanang. Ngoni mo sedi, tapi nanti ngoni pe sedi itu mo beruba jadi sanang.

Yohanes 16:23

Kong waktu torang baku dapa ulang itu, ngoni so tara mo tanya apa-apa lagi pa Kita. Kita bilang pa ngoni, waktu itu lagi, samua yang ngoni minta pa Kita pe Bapa, Dia mo kase pa ngoni karna ngoni so jadi Kita pe umat.

Yohanes 21:18

Inga bae-bae yang Kita mo bilang ini. Waktu ngana masi muda, ngana pake baju sandiri deng ngana bajalang ka mana saja ngana suka. Tapi kalu ngana so jadi tua, ngana mo kase ngana pe tangan kong orang mo ika, turus bawa pa ngana di tampa yang ngana tara suka mo pigi.”

Yohanes 3:11

Inga bae-bae yang Kita mo bilang ini, Kita deng orang yang iko pa Kita, kase tau tentang apa yang torang so lia deng yang torang tau butul, tapi ngoni tara mo percaya.

Yohanes 3:3

Yesus bilang pa dia, “Inga bae-bae yang Kita mo bilang ini. Cuma orang yang lahir ulang, yang bisa jadi Tuhan Allah pe umat yang Dia Berkuasa sebagai Raja pa orang itu pe hidup.”

Yohanes 3:5

Yesus bilang, “Inga bae-bae yang Kita mo bilang ini: tiap orang yang ingin jadi Tuhan Allah pe umat, dia musti lahir dari aer, deng lahir lagi dari Roh Kudus. Kalu tara bagitu, Tuhan Allah tara Berkuasa sebagai Raja pa dia pe hidup.

Yohanes 5:19

Yesus tau dorang mara pa Dia karna Dia bilang, Tuhan Allah itu Dia pe Bapa, jadi Yesus kase turus Dia pe bicara pa dorang bagini, “Inga bae-bae yang Kita mo bilang ini. Kita Anak Allah, Kita tara ada kuasa mo biking apa-apa iko Kita pe mau sandiri. Kita cuma biking apa yang Bapa biking, karna apa saja yang Bapa biking, itu lagi yang Kita biking.

Yohanes 6:26

Yesus jawab pa dorang, “Dengar bae-bae yang Kita mo bilang ini. Ngoni ini ada cari pa Kita, bukang karna ngoni lia mujizat-mujizat kong mangarti sapa Kita, tapi ngoni cari pa Kita karna Kita so kase makang pa ngoni sampe kanyang.

Yohanes 6:32

Turus Yesus bilang pa dorang, “Dengar bae-bae yang Kita mo bilang pa ngoni ini. Bukang nabi Musa yang kase makanang dari sorga pa torang pe orang tua dulu-dulu, tapi Kita pe Bapa yang kase. Kong skarang Kita pe Bapa lagi yang kase pa ngoni makanang yang butul dari sorga.

Yohanes 6:47

Dengar bae-bae yang Kita bilang ini. Sapa saja yang percaya pa Kita, dia itu so dapa hidup deng Tuhan Allah slama-lamanya.

Yohanes 6:53

Kong Yesus bilang pa dorang, “Dengar bae-bae yang Kita mo bilang ini. Kalu ngoni tara makang Kita Anak Manusia pe badan deng tara minum Kita pe dara, ngoni tara dapa hidup deng Tuhan Allah slama-lamanya.

Yohanes 8:34

Yesus bilang pa dorang, “Inga bae-bae yang Kita bilang ini. Tiap orang yang biking dosa, dia taika deng dosa, sama deng dosa itu biking dia jadi orang karja.

Yohanes 8:51

Inga bae-bae yang Kita bilang pa ngoni ini. Sapa saja yang iko Kita pe ajaran, dia tara akan mati sampe slama-lamanya.”

Yohanes 8:58

Yesus jawab, “Dengar bae-bae yang Kita bilang pa ngoni ini. Waktu Abraham bolong lahir, Kita ini so kamuka ada.”

1 Petrus 1:25

tapi Tuhan pe firman tetap ada sampe slama-lamanya.” Firman itu suda Kabar Bae tentang Yesus Kristus yang orang-orang so kase tau pa ngoni samua.

Wahyu 20:11

Abis itu, kita lia kursi raja satu warna puti yang basar, deng kita lia lagi Tuhan Allah ada dudu di atas kursi raja itu. Turus, dari Tuhan Allah pe muka itu, langit deng bumi langsung ilang sampe so tara dapa lia lagi.