Matius 5:15 - Perjanjian Baru Bahasa Melayu Maluku Utara

¹⁵ Tara ada orang yang pasang lampu kong tutu dia pe cahaya. Tapi pasti dia taru lampu itu di dia pe tampa supaya kase tarang pa samua orang yang ada di dalam ruma itu.

Matius 5:15 ပူးပေါင်းရင်းမြစ်များ

Markus 4:21

Abis itu Yesus bilang lagi pa dorang bagini, “Tarada orang yang pasang lampu kong tutu deng satu barang atau taru di bawa koi, la dia pe cahaya tara kaluar. Tapi pasti dia taru di dia pe tampa.

Lukas 11:33

Yesus bilang satu umpama lagi bagini, “Tarada orang yang pasang lampu kong taru di bawa kolong ruma atau kase tutu deng satu barang la dia pe cahaya tara kaluar. Tapi, pasti dia taru di dia pe tampa supaya samua orang yang maso di ruma bisa lia lampu pe cahaya.

Lukas 11:36

Kalu ngoni samua pe hidup ini tarang deng tara ada bagian yang galap biar cuma sadiki, pasti ngoni pe hidup akan tarang skali sama deng lampu pe cahaya yang ada kase tarang pa ngoni.”

Lukas 8:16

Yesus bilang lagi, “Tara ada orang yang pasang lampu kong tutu lampu itu deng satu barang atau taru di bawa koi. Tapi pasti dia taru lampu itu di dia pe tampa supaya samua orang yang maso di ruma bisa lia lampu pe cahaya.

Filipi 2:15

supaya ngoni hidup deng hati bersi, deng tarada orang yang bisa kase sala pa ngoni. Kalu ngoni pe hidup macam bagitu, orang akan lia ngoni pe bae itu sama deng dong lia bintang-bintang yang kase tarang dunia ini. Itu akan jadi jelas pa orang-orang, ngoni memang Tuhan Allah pe ana-ana yang tarada sala di tenga-tenga orang yang jahat deng orang yang tara tau apa yang butul.

Ibrani 9:2

Dorang biking Tenda itu pe ruang ada dua. Ruang pertama dia pe nama Ruang Suci. Di situ ada kase badiri tampa taru lampu, deng ada lagi meja yang ada taru roti yang imam mo serakan pa Tuhan Allah.

Wahyu 2:5

Karna itu, ngoni inga suda, ngoni pe cara hidup waktu ngoni baru percaya, so laeng skali deng yang skarang. Jadi, bertobat suda, kong biking yang bae sama deng waktu ngoni pertama percaya pa Kita. Kalu ngoni tara bagitu, nanti Kita mo datang kong hukum pa ngoni. Itu sama deng Kita mo ambe ngoni pe tiang yang jaga taru lampu dari dia pe tampa.