Matius 5:11 - Perjanjian Baru Bahasa Melayu Maluku Utara

¹¹ Paling sanang suda ngoni yang karna ngoni iko pa Kita, ngoni dapa hina, dapa siksa, deng ada yang kase tara bae ngoni pe nama.

Matius 5:11 ပူးပေါင်းရင်းမြစ်များ

Matius 10:18

Karna ngoni iko pa Kita, nanti dorang bawa pa ngoni mangada pa gubernur-gubernur deng pa raja-raja. Tapi itu ngoni pe kesempatan untuk kase tau tentang Kita pa dorang deng pa orang-orang yang tara kanal pa Tuhan Allah.

Matius 10:22

Kong samua orang akan binci pa ngoni karna ngoni iko pa Kita. Tapi orang yang tetap percaya pa Kita sampe dia pe ahir hidup, dia itu yang Tuhan Allah mo kase slamat.

Matius 10:25

So cukup suda kalu satu murit jadi sama deng dia pe guru, kong so cukup suda kalu satu orang karja mo jadi sama deng dia pe tuang. Kita ini sama deng ngoni pe tuang, kong ngoni ini Kita pe umat. Kalu orang-orang bilang Kita ini Beelzebul, setang-setang pe raja, lebe soe lagi ngoni yang iko pa Kita. Jadi ngoni musti ati-ati!”

Matius 10:39

Jadi sapa yang hidup cuma untuk dia pe diri sandiri, dia itu akan mati tapisa deng Tuhan Allah slama-lamanya. Tapi, sapa yang kase dia pe hidup karna iko pa Kita, dia itu akan dapa hidup deng Tuhan Allah slama-lamanya.”

Matius 19:29

Kong tiap orang yang iko pa Kita sampe dia so kase tinggal dia pe ruma, dia pe sudara laki-laki atau sudara parampuang, dia pe papa atau dia pe mama, dia pe ana-ana atau dia pe kobong, orang itu akan tarima ulang saratus kali lipa samua itu, deng dia me akan dapa hidup deng Tuhan Allah slama-lamanya.

Matius 24:9

Kong waktu itu, orang-orang yang tara percaya mo tangka pa ngoni, turus mo serakan untuk siksa deng bunu pa ngoni. Kong orang-orang dari samua suku bangsa akan binci pa ngoni karna ngoni iko pa Kita.

Matius 27:39

Orang-orang yang lewat di Yesus pe muka salib goyang-goyang kapala untuk hina pa Yesus.

Markus 13:13

Kong samua orang akan binci pa ngoni karna ngoni iko pa Kita. Tapi orang yang tetap percaya pa Kita sampe dia pe ahir hidup, Tuhan Allah mo kase slamat pa dia.”

Markus 13:9

Jadi ngoni musti ati-ati! Karna ngoni percaya pa Kita, orang-orang mo serakan pa ngoni la dapa adili di pemimpin-pemimpin agama Yahudi. Ngoni me mo dapa pukul di ruma-ruma ibada agama Yahudi. Dorang mo kase mangada pa ngoni pa gubernur-gubernur deng raja-raja. Kong dong tanya-tanya pa ngoni. Tapi di situ ngoni pe kesempatan untuk kase tau tentang Kita pa dorang.

Markus 4:17

Tapi firman itu, dorang tara simpang bae-bae di dong pe hati, jadi tara batahang lama. Bagitu dorang dapa siksa deng menderita karna percaya firman itu, dorang langsung so tara percaya lagi pa Tuhan.

Markus 8:35

Barang, sapa yang mo hidup cuma untuk dia pe diri sandiri, dia itu akan mati tapisa deng Tuhan Allah slama-lamanya. Tapi sapa yang kase dia pe hidup karna dia iko pa Kita deng karna dia kase tau Kabar Bae dari Tuhan Allah, dia itu yang mo dapa hidup deng Tuhan Allah slama-lamanya.

Lukas 21:12

Tapi kalu samua itu bolong jadi, ngoni akan dapa tangka deng dapa siksa karna ngoni percaya pa Kita. Dorang akan serakan pa ngoni di ruma-ruma ibada agama Yahudi, kong mo adili pa ngoni baru kase maso pa ngoni di penjara. Deng ngoni akan dapa kase mangada pa raja-raja deng pa gubernur-gubernur. Samua itu mo jadi pa ngoni, karna ngoni ada iko pa Kita.

Lukas 6:22

Paling sanang suda ngoni yang karna ngoni iko pa Anak Manusia, orang binci pa ngoni, tara tarima pa ngoni, hina pa ngoni, deng kase tara bae ngoni pe nama.

Lukas 9:24

Karna sapa yang hidup cuma untuk dia pe diri sandiri, dia itu akan mati tapisa deng Tuhan Allah slama-lamanya. Tapi orang yang tara iko dia pe mau sandiri karna dia iko pa Kita, dia itu akan dapa hidup deng Tuhan Allah slama-lamanya.

Yohanes 15:21

Dorang mo siksa pa ngoni karna ngoni ada iko pa Kita, deng karna dorang tara kanal butul pa Tuhan Allah yang so utus pa Kita.

Yohanes 9:28

Kong dorang hina pa dia bagini, “Ee, ngana itu yang jadi Orang itu pe murit, tapi torang ini nabi Musa pe murit-murit.

Kisah Para Rasul 9:16

Kita sandiri yang akan kase tunju pa dia, dia mo dapa banya siksa karna dia iko pa Kita.”

Roma 8:36

Sama deng ada tatulis di Kitab Suci bagini: “Karna torang iko pa Tuhan, tiap hari orang cari la mo bunu pa torang, dorang anggap torang sama deng domba-domba yang so siap mo dapa potong.”

1 Korintus 4:10

Torang ini orang anggap bodo karna torang jaga kase tau tentang Yesus Kristus. Tapi ngoni, orang anggap ngoni pande, barang ngoni so percaya pa Yesus Kristus. Torang ini orang anggap tara ada pengaru, tapi ngoni, orang anggap Tuhan Allah pe kuasa basar ada pa ngoni. Ngoni dapa hormati dari orang-orang, tapi pa torang, orang hina-hina.

2 Korintus 4:11

Barang, selama torang masi hidup di dunia ini, ada saja orang yang cari mo bunu pa torang karna torang iko pa Yesus Kristus. Deng dorang biking bagitu, jadi jelas pa samua orang, Yesus Kristus so hidup ulang karna dorang lia Yesus Kristus pe kuasa ada pa torang pe badan yang nanti mo mati ini.

Filipi 1:29

Jang ngoni tako, karna Tuhan Allah kase Dia pe bae pa ngoni bukang supaya ngoni percaya pa Yesus Kristus saja, tapi Dia me ator supaya ngoni dapa siksa dari orang yang tara percaya, kong deng bagitu, Yesus Kristus dapa puji.

1 Petrus 2:23

Waktu orang hina pa Dia, Dia tara balas hina pa orang itu. Waktu orang siksa pa Dia, Dia tara ancam mo balas pa dorang yang siksa pa Dia. Mala, Dia cuma serakan saja Dia pe diri pa Tuhan Allah, yang mo adili orang deng adil.

1 Petrus 4:14

Kalu ngoni dapa hina karna ngoni iko pa Yesus Kristus, ngoni itu paling sanang suda! Barang, itu berarti Tuhan Allah pe Roh yang luar biasa ada sama-sama deng ngoni.

Wahyu 2:3

Kita me tau, ngoni tetap batahang percaya pa Kita, biar lagi ngoni dapa siksa deng menderita karna percaya. Biar bagitu me ngoni tara perna mundur.