Matius 4:9 - Perjanjian Baru Bahasa Melayu Maluku Utara

⁹ Kong Iblis bilang pa Yesus, “Samua yang Ngana lia ini kita mo kase pa Ngana, asal Ngana berlutut semba pa kita.”

Matius 4:9 ပူးပေါင်းရင်းမြစ်များ

Matius 26:15

Pe sampe di sana, dia tanya pa dorang, “Kalu kita serakan Yesus pa ngoni, apa yang ngoni mo kase pa kita?” Kong dorang kase doi perak tiga pulu pa Yudas.

Matius 4:10

Tapi Yesus bilang pa dia, “Ee Iblis, pigi suda dari sini! Karna di Kitab Suci ada tatulis bagini, ‘Ngoni musti semba pa Tuhan Allah, Dia itu ngoni pe Tuhan, deng cuma pa Dia saja yang ngoni musti dengar-dengaran.’ ”

Yohanes 12:31

Skarang ini Tuhan Allah mo adili pa orang-orang yang ada di dunia ini, kong Iblis, setang-setang pe raja yang ada kuasa di dunia ini me Tuhan Allah mo kase kala.

Yohanes 13:3

Yesus tau Dia pe Bapa so kase samua kuasa pa Dia. Dia me tau Dia itu datang dari Tuhan Allah, Dia pe Bapa, kong Dia lagi nanti mo bale ulang pa Tuhan Allah.

Yohanes 14:30

Kita so tara bicara banya lagi deng ngoni, karna Iblis, setang-setang pe raja mo datang. Iblis berkuasa di dunia ini, tapi dia tara berkuasa untuk ator pa Kita.

Yohanes 16:11

Kong ketiga, Dia lagi mo kase sadar pa dorang, Tuhan Allah pasti mo hukum pa orang-orang yang biking dosa, karna Iblis, setang-setang pe raja yang berkuasa di dunia ini so dapa hukuman.

2 Korintus 4:4

Dorang tara percaya Kabar Bae itu karna Iblis, setang-setang pe raja, yang tutu dong pe pikiran. Iblis itu yang orang banya di dunia iko pa dia. Deng bagitu, dorang tara dapa tau Kabar Bae itu butul, deng dorang tara mangarti Yesus Kristus yang pe kuasa luar biasa itu sama persis deng Tuhan Allah.

1 Timotius 3:6

Orang yang pimpin jemaat tara bole orang yang baru percaya pa Yesus Kristus, supaya jang dorang makang puji. Karna kalu dorang makang puji, dorang jadi sombong, kong Tuhan Allah mo hukum pa dorang sama deng Tuhan Allah hukum pa Iblis, setang-setang pe raja.

Wahyu 19:10

Kong kita berlutut di malaekat itu pe muka la mo semba pa dia. Tapi dia togor pa kita bagini, “Jangan! Jang ngana semba pa kita! Semba saja pa Tuhan Allah. Karna kita ini cuma sama deng ngana deng sudara-sudara laeng yang jaga biking apa yang Tuhan suru. Torang samua ini yang jaga kase tau tentang Yesus pa orang-orang. Sapa yang kase tau itu, dia itu butul-butul yang Roh Kudus pake untuk kase tau Tuhan Allah pe pasáng.”

Wahyu 19:16

Di Dia pe juba deng Dia pe paha ada tatulis nama, ‘Raja dari samua raja, deng Tuhan dari samua tuhan’.