Matius 4:7 - Perjanjian Baru Bahasa Melayu Maluku Utara

⁷ Tapi Yesus tara mau kong Dia bilang pa Iblis bagini, “Di Kitab Suci ada tatulis lagi bagini, ‘Jang ngoni coba-coba pa Tuhan Allah, ngoni pe Tuhan.’ ”

Matius 4:7 ပူးပေါင်းရင်းမြစ်များ

Matius 21:16

Kong dorang bilang pa Yesus, “Ii, Ngana tara dengar yang ana-ana bilang itu?” Yesus bilang pa dorang, “Kita dengar. Ngoni pasti so baca yang Tuhan Allah bilang di Kitab Suci bagini, ‘Tuhan so kase ajar pa ana-ana yang masi mera-mera deng ana-ana kacil la dorang puji pa Dia.’ ”

Matius 21:42

Kong Yesus bilang pa dorang, “Ngoni pasti so perna baca di Kitab Suci tentang itu, to? Bagini, ‘Batu yang tukang-tukang bangunan so tara pake, Tuhan Allah so biking jadi batu fandasi yang paling penting. Tuhan Allah biking bagitu, sampe torang lia itu bagus skali.’ ”

Matius 4:10

Tapi Yesus bilang pa dia, “Ee Iblis, pigi suda dari sini! Karna di Kitab Suci ada tatulis bagini, ‘Ngoni musti semba pa Tuhan Allah, Dia itu ngoni pe Tuhan, deng cuma pa Dia saja yang ngoni musti dengar-dengaran.’ ”

Matius 4:4

Tapi Yesus tara mau kong bilang bagini, “Di Kitab Suci ada tatulis bagini, ‘Manusia hidup bukang cuma dari roti saja, tapi dari samua firman yang Tuhan Allah bilang.’ ”

Lukas 4:12

Tapi Yesus tara mau kong Dia bilang bagini, “Ada tatulis di Kitab Suci, ‘Jang ngoni coba-coba pa Tuhan Allah, ngoni pe Tuhan.’ ”

Kisah Para Rasul 15:10

Jadi, kalu so bagitu, bikiapa kong ngoni mo coba pa Tuhan Allah la lia kalu Dia mo mara ka tarada? Ngoni mo paksa pa orang-orang bukang Yahudi yang so percaya itu supaya iko aturan-aturan di lima kitab Musa. Padahal, torang pe orang tua dulu-dulu deng torang sandiri lagi me tara mampo iko aturan-aturan itu.

Kisah Para Rasul 5:9

Petrus bilang pa dia, “Bikiapa kong ngoni dua satu hati mo coba Tuhan pe Roh? Coba ngana lia! Orang-orang yang baru kubur ngana pe laki itu so badiri di muka pintu. Dorang me mo bawa pa ngana la mo kubur.”

1 Korintus 10:9

Torang tara bole coba Tuhan pe sabar, sama deng babarapa orang dari dorang jaga biking bagitu. Karna itu, dorang dapa gigi dari ular bisa, kong mati.

Ibrani 3:9

selama ampa pulu taong di padang gurun, ngoni pe orang tua dulu-dulu so lia Kita biking mujizat. Tapi biar bagitu, dorang tetap uji deng coba Kita pe sabar.