Matius 4:4 - Perjanjian Baru Bahasa Melayu Maluku Utara

⁴ Tapi Yesus tara mau kong bilang bagini, “Di Kitab Suci ada tatulis bagini, ‘Manusia hidup bukang cuma dari roti saja, tapi dari samua firman yang Tuhan Allah bilang.’ ”

Matius 4:4 ပူးပေါင်းရင်းမြစ်များ

Matius 15:11

“Dengar bae-bae yang Kita bilang ini supaya ngoni mangarti! Apa yang maso di orang pe mulu, itu tara akan biking orang jadi berdosa pa Tuhan. Tapi apa yang kaluar dari orang pe mulu, itu yang biking sampe orang itu jadi berdosa pa Tuhan.”

Matius 4:10

Tapi Yesus bilang pa dia, “Ee Iblis, pigi suda dari sini! Karna di Kitab Suci ada tatulis bagini, ‘Ngoni musti semba pa Tuhan Allah, Dia itu ngoni pe Tuhan, deng cuma pa Dia saja yang ngoni musti dengar-dengaran.’ ”

Matius 4:7

Tapi Yesus tara mau kong Dia bilang pa Iblis bagini, “Di Kitab Suci ada tatulis lagi bagini, ‘Jang ngoni coba-coba pa Tuhan Allah, ngoni pe Tuhan.’ ”

Markus 7:20

Yesus bilang lagi, “Tapi kata-kata yang kaluar dari orang pe mulu, itu yang biking dia jadi berdosa.

Lukas 4:12

Tapi Yesus tara mau kong Dia bilang bagini, “Ada tatulis di Kitab Suci, ‘Jang ngoni coba-coba pa Tuhan Allah, ngoni pe Tuhan.’ ”

Lukas 4:4

Yesus tara mau kong bilang pa dia, “Di Kitab Suci ada tatulis bagini, ‘Manusia hidup bukang cuma dari roti saja.’ ”

Lukas 4:8

Tapi Yesus bilang pa dia, “Di Kitab Suci ada tatulis bagini, ‘Ngoni musti semba pa Tuhan Allah. Dia itu ngoni pe Tuhan, deng cuma pa Dia saja yang ngoni musti dengar-dengaran.’ ”

Yohanes 15:26

Nanti Kita mo utus Roh Kudus untuk tolong pa ngoni, Roh Kudus itu dari Tuhan Allah. Roh Kudus itu yang mo kase tau yang butul tentang Tuhan Allah deng mo kase tau pa orang-orang tentang Kita.

Yohanes 6:63

Manusia tara mungkin mo dapa hidup deng Tuhan Allah slama-lamanya pake dia pe usaha sandiri, cuma Roh Kudus yang bole biking manusia hidup deng Tuhan Allah slama-lamanya. Samua kata-kata yang Kita bilang pa ngoni, pe asal dari Roh Kudus, kong kata-kata itu lagi yang kase hidup deng Tuhan Allah slama-lamanya.

Roma 15:4

Samua yang tatulis dari dulu di Kitab Suci, ada tulis untuk kase ajar pa torang, supaya torang bole tetap percaya biar dapa siksa, deng supaya kase smangat pa torang untuk percaya deng yakin pa Tuhan Allah.

Efesus 6:17

Ngoni musti yakin Tuhan Allah so kase slamat pa ngoni dari dosa-dosa, karna slamat itu bole kase sama deng topi besi yang tentara pake untuk pele dia pe kapala. Deng ngoni musti salalu siap pake Tuhan Allah pe firman yang Tuhan Allah pe Roh so kase pa ngoni. Kalu ngoni salalu siap bagitu, ngoni itu sama deng tentara yang pegang parang tajam untuk salalu siap lawan dia pe musu.