Matius 4:3 - Perjanjian Baru Bahasa Melayu Maluku Utara

³ Waktu itu, Iblis tukang goda itu datang pa Yesus kong bilang, “Ngana ini Anak Allah, to? Kalu bagitu, Ngana parenta suda supaya batu-batu ini jadi roti.”

Matius 4:3 ပူးပေါင်းရင်းမြစ်များ

Matius 14:33

Pe lia samua itu, orang-orang yang ada di parau semba pa Yesus deng bilang, “Guru ini butul Anak Allah.”

Matius 16:16

Kong Simon Petrus jawab, “Guru itu suda Mesias, Raja yang Tuhan Allah janji mo kase slamat pa manusia. Guru itu Anak Allah yang hidup!”

Matius 26:63

Tapi Yesus cuma badiam. Kong imam basar itu bilang lagi pa Dia, “Demi Tuhan Allah yang hidup, Ngana bilang kamari pa torang, apa butul Ngana itu Mesias, Raja yang Tuhan Allah janji dari dulu? Kong apa butul Ngana me Anak Allah ka bukang?”

Matius 3:17

Kong dapa dengar Tuhan Allah pe suara dari sorga bagini, “Ini Kita pe Anak, Kita paling sayang pa Dia. Dia yang biking Kita pe hati sanang.”

Markus 1:1

Ini Kabar Bae tentang Yesus Kristus, Anak Allah.

Markus 3:11

Tiap kali orang-orang yang kemasukan setang dapa lia pa Yesus, dorang langsung berlutut pa Dia pe muka, kong dorang bataria, “Ngana suda Anak Allah.”

Markus 5:7

Turus Yesus bilang pa dia, “Ee, setang! Ngana kaluar dari dia!” Kong orang itu bataria kuat-kuat, dia bilang, “Ado Yesus, Tuhan Allah yang Paling Tinggi pe Anak! Ngana mo biking apa pa kita? Demi Tuhan Allah, jang siksa pa kita!”

Lukas 1:35

Malaekat itu jawab pa dia, “Bagini. Nanti Roh Kudus mo datang pa ngana. Tuhan Allah yang Paling Tinggi itu mo kuasai pa ngana. Jadi, Anak yang akan ngana kase lahir itu suci, deng orang mo pangge pa Dia, Anak Allah.

Lukas 22:70

Pe dengar itu, dorang samua bilang, “Kalu bagitu, Ngana ini Anak Allah?” Yesus jawab pa dorang, “Ngoni sandiri yang bilang bagitu.”

Lukas 4:3

Kong Iblis bilang pa Yesus bagini, “Ngana ini Anak Allah, to? Kalu bagitu, Ngana parenta suda batu ini jadi roti!”

Lukas 4:41

Di situ me ada babarapa orang yang kemasukan setang. Yesus parenta setang-setang itu kaluar dari orang-orang itu. Setang-setang kaluar babataria bagini, “Ngana ini Anak Allah.” Tapi Yesus togor deng karas pa dorang, Dia me larang dong bicara, barang setang-setang itu tau, Yesus itu Mesias, Raja yang Tuhan Allah janji mo kase slamat pa manusia.

Lukas 4:9

Abis itu, Iblis bawa pa Yesus di kota Yerusalem, kong taru pa Yesus di tampa yang paling tinggi di atas Ruma Ibada Pusat. Turus, dia bilang pa Yesus bagini, “Ngana ini Anak Allah, to? Kalu bagitu, Ngana bajatu dari sini ka bawa suda!

Yohanes 1:34

Kita so lia pa Dia deng kita pe mata kapala sandiri, jadi kita kase tau pa orang-orang, Dia itu suda Anak Allah!”

Yohanes 1:49

Pe dengar itu, Natanael kage kong mangaku, “Guru, skarang kita percaya, Guru memang Anak Allah. Guru ini orang Israel pe Raja!”

Yohanes 20:31

Tapi samua yang so tatulis di kitab ini, itu ada tulis supaya ngoni percaya Yesus itu Mesias, Raja yang Tuhan Allah janji mo kase slamat pa manusia, deng Dia itu Anak Allah. Kalu ngoni so percaya pa Dia, ngoni mo dapa hidup deng Dia slama-lamanya.

Yohanes 9:35

Yesus dapa dengar, orang yang dulu buta itu so dapa larang maso lagi di ruma ibada agama Yahudi. Kong Yesus pigi baku dapa deng orang itu, turus bilang pa dia, “Ngana percaya pa Anak Manusia yang dari sorga?”

Kisah Para Rasul 9:20

Waktu itu suda, Saulus maso di ruma-ruma ibada agama Yahudi kong mulai kase tau pa orang-orang, Yesus itu butul Anak Allah.

2 Korintus 1:19

Ngoni bole percaya kita pe bicara skarang ini, karna Yesus Kristus, Anak Allah yang kita, Silwanus deng Timotius ada kase tau pa ngoni, tetap biking apa yang Dia so bilang. Dia pantas torang percaya. Dia tara perna bilang “iyo” kong di Dia pe hati bilang “tarada”.

Galatia 2:20

Jadi, skarang kita hidup tara iko kita pe kekuatan sandiri lagi, tapi Yesus Kristus yang hidup deng berkuasa pa kita pe diri. Kong selama kita hidup di dunia skarang ini, kita hidup cuma deng percaya saja pa Anak Allah. Dia yang so sayang pa kita deng yang so serakan Dia pe diri mati untuk kita.

1 Tesalonika 3:5

Jadi kita utus Timotius pa ngoni, karna kita rasa tara puas kalu tara dengar ngoni pe kabar. Kita mo cari tau kalu ngoni masi percaya turus pa Yesus ka so tarada. Kita hawater, jang sampe Iblis, setang-setang pe raja goda pa ngoni, kong ngoni so tara percaya lagi pa Yesus. Kalu sampe jadi bagitu, torang pe karja kase ajar Kabar Bae pa ngoni tarada dia pe guna.

Ibrani 12:16

Ngoni jaga supaya jang ada dari ngoni yang baseks sabarang. Jang lagi ada yang tara hormati pa Tuhan Allah sama deng dulu Esau. Esau itu ada hak untuk dapa janji berkat dari Tuhan Allah, tapi dia pandang enteng janji berkat itu kong jual dia pe hak sebagai ana yang tua, cuma untuk makanang satu piring.

Ibrani 4:14

Skarang ini torang so untung, karna torang so ada Imam Basar yang Paling Hebat. Dia itu suda Yesus Kristus, Anak Allah. Dia yang kase bae-bae torang manusia yang berdosa pe hubungan deng Tuhan Allah. Dia so nae di sorga, kong so ada sama-sama deng Tuhan Allah. Jadi, mari suda torang tetap kuat percaya pa Dia.

Ibrani 7:3

Tentang Melkisedek ini, orang tara tau dia pe asal-usul. Dia pe papa sapa, dia pe mama sapa, tarada yang tau. Tara ada lagi yang tau dia lahir tempo apa deng mati tempo apa. Jadi sama deng Anak Allah, Melkisedek tetap jadi imam sampe slama-lamanya.

1 Yohanes 3:8

Tapi sapa yang biking dosa turus, dia itu Iblis pe ana, karna Iblis itu jaga biking dosa dari dulu. Jadi Yesus Anak Allah itu datang untuk kase ancor samua yang Iblis biking.

Wahyu 2:10

Ngoni tara usa tako kalu nanti ngoni masi dapa siksa. Dengar bae-bae, nanti babarapa orang dari ngoni, Iblis mo coba, ngoni butul-butul percaya pa Kita ka tarada. Cobaan itu macam bagini, ngoni mo dapa maso di penjara kong dapa siksa di situ selama spulu hari. Tapi biar ngoni dapa siksa sampe mo mati me, ngoni musti tetap percaya pa Kita. Kalu ngoni tetap batahang percaya, Kita mo kase pa ngoni hidup deng Tuhan Allah slama-lamanya, itu sama deng ngoni dapa makota, tanda ngoni so menang.