Matius 4:23 - Perjanjian Baru Bahasa Melayu Maluku Utara

²³ Abis itu, Yesus bakuliling di samua tampa di daera Galilea kong mangajar di ruma-ruma ibada agama Yahudi. Dia kase tau Kabar Bae tentang Tuhan Allah Berkuasa sebagai Raja pa orang-orang yang percaya. Dia me kase sembu pa orang-orang dari samua panyake deng kase sembu pa orang-orang cacat.

Matius 4:23 ပူးပေါင်းရင်းမြစ်များ

Matius 11:5

orang buta so bisa dapa lia, orang lumpu so bisa bajalang, orang lepra so sembu, orang pongo so bisa dengar, orang mati so hidup ulang, deng orang miskin so dengar Kabar Bae dari Tuhan Allah.”

Matius 12:9

Yesus kase tinggal tampa itu kong pigi di ruma ibada agama Yahudi.

Matius 13:19

Bibit yang jatu di jalang itu sama deng orang-orang yang dengar firman tentang Tuhan Allah Berkuasa sebagai Raja, tapi dorang tara mangarti butul-butul. Pe abis dorang dengar firman Tuhan itu, Iblis, setang-setang pe raja datang kong ambe firman itu dari dorang pe hati.

Matius 13:54

Pe sampe di Dia pe kampong di Nazaret, Yesus mangajar di ruma ibada agama Yahudi di situ. Kong orang-orang jadi herang skali, turus bilang, “Dia tau ajaran itu dari mana? Turus sapa yang kase kuasa pa Dia la biking mujizat-mujizat itu?

Matius 14:14

Waktu Yesus turung dari parau, Dia lia orang banya itu, kong Dia rasa kasiang pa dorang. Turus Dia kase sembu pa orang-orang yang saki.

Matius 24:14

Kong nanti Kabar Bae tentang Tuhan Allah Berkuasa sebagai Raja akan tasiar di seluru dunia la samua suku dapa kesempatan untuk tarima Kabar Bae itu. Abis itu, baru dunia mo kiamat.”

Matius 3:2

“Bertobat suda kong iko pa Tuhan Allah, karna so tara lama lagi Tuhan Allah mo Berkuasa sebagai Raja pa orang-orang yang percaya pa Dia.”

Matius 9:35

Yesus bakuliling di samua kota deng kampong, kong mangajar di ruma-ruma ibada agama Yahudi. Dia kase tau Kabar Bae tentang Tuhan Allah Berkuasa sebagai Raja pa orang-orang yang percaya. Dia me kase sembu pa orang-orang dari samua panyake deng kase sembu pa orang-orang cacat.

Markus 1:14

Waktu Yohanes Pembaptis dapa maso di penjara, Yesus pigi di daera Galilea, kong kase tau Kabar Bae dari Tuhan Allah di sana.

Markus 1:21

Yesus deng Dia pe murit-murit sampe di Kapernaum. Pas di hari Sabat, Yesus langsung maso di ruma ibada agama Yahudi kong mangajar di situ.

Markus 1:39

Turus, Yesus pigi di samua tampa di daera Galilea. Dia kase tau Kabar Bae dari Tuhan Allah pa dorang di ruma-ruma ibada agama Yahudi, deng user setang-setang dari orang yang kemasukan.

Markus 3:10

Barang, Dia so kase sembu banya orang, jadi orang-orang yang saki me banya lagi yang datang baku-baku gepe untuk bapegang pa Dia.

Markus 6:2

Pas hari Sabat, Yesus mangajar di ruma ibada agama Yahudi. Waktu orang-orang di situ dengar Yesus pe ajaran, dorang herang skali, kong dong baku bilang bagini, “Ee, orang ini pe ajaran itu Dia tau dari mana? Bagimana Dia pande bagitu? Dia dapa kuasa dari mana sampe bisa biking mujizat-mujizat bagitu?

Lukas 10:9

Turus, ngoni kase sembu pa orang-orang saki di tampa itu, deng kase tau pa orang-orang di situ, ‘So tara lama lagi Tuhan Allah mo Berkuasa sebagai Raja pa orang-orang yang percaya pa Dia.’

Lukas 13:10

Satu kali Yesus mangajar di ruma ibada agama Yahudi. Waktu Yesus mangajar itu pas hari Sabat, hari yang orang agama Yahudi tara bole bakarja.

Lukas 16:16

Orang jaga ajar aturan-aturan yang ada di lima kitab Musa deng yang ada di nabi-nabi pe kitab sampe waktu Yohanes Pembaptis datang. Kong mulai waktu itu, Kabar Bae tentang Tuhan Allah mo Berkuasa sebagai Raja so tasiar di mana-mana. Kong banya orang yang berusaha karas mo jadi Dia pe umat.

Lukas 20:1

Satu kali bagini, Yesus mangajar di Ruma Ibada Pusat pe kompleks. Dia ada kase tau pa dorang Kabar Bae dari Tuhan Allah. Waktu Yesus sementara mangajar, imam-imam kapala, guru-guru agama Yahudi yang ahli lima kitab Musa, deng tua-tua Yahudi datang di situ.

Lukas 4:14

Abis itu, Yesus bale ulang di daera Galilea. Roh Kudus pe kuasa ada pa Dia, kong kabar tentang Dia tasiar pa samua orang di daera itu.

Lukas 5:17

Satu kali, Yesus mangajar di ruma satu. Waktu itu ada babarapa orang Yahudi dari aliran fanatik yang pe nama Farisi deng ada lagi guru agama Yahudi yang ahli lima kitab Musa. Dorang itu dudu dengar Dia mangajar. Dorang datang dari samua kampong di daera Galilea deng Yudea, deng dari kota Yerusalem lagi. Tuhan Allah pe kuasa ada pa Yesus sampe Dia bole kase sembu orang-orang saki.

Lukas 6:17

Abis itu, Yesus turung dari gunung sama-sama deng Dia pe murit-murit dua blas orang, kong dong berenti di tampa satu yang rata. Di situ me so ada banya orang yang jaga iko pa Dia deng banya orang laeng lagi yang datang dari daera Yudea, dari kota Yerusalem, deng dari Tirus deng Sidon, dua kota yang ada di pinggir pante.

Lukas 6:6

Satu kali, di hari Sabat yang laeng, Yesus maso di ruma ibada agama Yahudi kong mangajar. Di situ ada satu orang yang dia pe tangan kanan mati.

Lukas 7:21

Waktu dorang datang itu, Yesus sementara kase sembu banya orang dari dong pe panyake macam-macam. Dia me user setang-setang dari orang-orang yang kemasukan. Deng Dia me ada kase sembu banya orang buta sampe dong bisa dapa lia lagi.

Lukas 7:22

Jadi Yesus bilang pa Yohanes pe murit-murit bagini, “Ngoni bale pa Yohanes kong bilang apa yang ngoni so lia deng dengar: orang buta so bisa dapa lia, orang lumpu so bisa bajalang, orang lepra so sembu, orang pongo so dengar, orang mati so hidup ulang deng orang miskin so dengar Kabar Bae dari Tuhan Allah.”

Lukas 8:1

Abis itu, Yesus pigi bajalang bakuliling di kota-kota deng di kampong-kampong, Dia kase tau Kabar Bae tentang Tuhan Allah mo Berkuasa sebagai Raja pa orang-orang yang percaya pa Dia. Dia pe murit dua blas orang itu ada iko sama-sama deng Dia,

Lukas 9:11

Tapi orang banya dapa tau tampa yang Yesus deng Dia pe murit-murit pigi. Jadi dong pigi iko pa Dia. Yesus tarima bae-bae pa dorang kong mangajar pa dorang tentang bagimana Tuhan Allah Berkuasa sebagai Raja pa orang-orang yang percaya pa Dia, deng Dia me kase sembu pa orang-orang saki.

Lukas 9:60

Tapi Yesus bilang pa dia, “Orang yang tara percaya pa Kita, sama deng orang yang so mati. Kase biar suda orang yang tara percaya itu urus dorang pe penguburan sandiri. Tapi ngana, ngana pigi kong kase tau kabar tentang Tuhan Allah Berkuasa sebagai Raja pa orang-orang yang percaya pe hidup.”

Yohanes 18:20

Turus Yesus jawab pa dia, “Kita salalu bicara turus tarang di orang banya pe muka. Kita kase ajar pa orang-orang di ruma-ruma ibada agama Yahudi deng di Ruma Ibada Pusat, tampa yang orang-orang agama Yahudi jaga bakumpul. Kita kase ajar pa orang-orang di tampa-tampa umum, bukang di tampa-tampa yang tasambunyi.

Yohanes 6:59

Yesus bilang samua ini di kota Kapernaum waktu Dia mangajar di ruma ibada agama Yahudi.

Yohanes 7:1

Abis bicara pa orang banya, Yesus pigi bajalang dari tampa satu ka tampa yang laeng di daera Galilea. Dia tara mau pigi di daera Yudea karna pemimpin-pemimpin agama Yahudi di sana ada cari pa Dia la mo bunu.

Kisah Para Rasul 10:38

Tuhan Allah pili pa Yesus dari Nazaret kong kase Dia pe Roh Kudus deng kase Dia pe kuasa. Abis itu, Yesus bajalang bakuliling kong biking banya barang yang bae, deng kase sembu pa orang-orang yang Iblis kuasai, barang Tuhan Allah ada sama-sama deng Dia.

Kisah Para Rasul 18:4

Tiap hari Sabat, Paulus bacarita deng orang-orang Yahudi deng Yunani di ruma ibada agama Yahudi. Dia berusaha la dorang jadi percaya pa Yesus.

Kisah Para Rasul 20:25

Ngoni yang kita so kase tau tentang bagimana mo jadi Tuhan Allah pe umat, skarang kita so tau, ngoni akan so tara lia pa kita lagi.

Kisah Para Rasul 28:31

Paulus kase tau pa dorang tentang bagimana Tuhan Allah Berkuasa sebagai Raja pa Dia pe umat. Dia me kase ajar pa dorang tentang Tuhan Yesus Kristus. Dia bicara turus tarang deng barani, kong tarada yang larang pa dia.

Roma 10:15

Bagitu me, tarada orang yang akan kase tau kabar tentang Dia kalu tarada yang utus pa dorang, to? Jadi sama deng di Kitab Suci ada tatulis, “Pe sanang skali dapa lia orang yang datang untuk kase tau Kabar Bae dari Tuhan Allah!”