Matius 4:20 - Perjanjian Baru Bahasa Melayu Maluku Utara

²⁰ Pe dengar itu, dorang dua langsung kase tinggal dong pe jala kong iko pa Yesus.

Matius 4:20 ပူးပေါင်းရင်းမြစ်များ

Matius 10:37

Sapa yang sayang dia pe papa deng mama lebe dari dia pe sayang pa Kita, dia itu tara pantas iko pa Kita. Kong sapa yang sayang dia pe ana laki-laki atau ana parampuang lebe dari dia pe sayang pa Kita, dia itu me tara pantas iko pa Kita.

Matius 19:27

Kong Petrus bilang pa Yesus, “Torang ini so kase tinggal samua yang torang punya kong so iko pa Guru. Jadi apa yang torang mo dapa?”

Matius 4:19

Yesus pangge pa dorang dua, “Mari, iko pa Kita! Ngoni biasa bacari ikang, tapi Kita mo ajar pa ngoni untuk cari orang supaya dorang iko pa Kita.”

Matius 4:21

Abis itu, Yesus bajalang lagi kong Dia dapa lia dua orang ade kaka lagi. Yang satu dia pe nama Yakobus, yang satu lagi pe nama Yohanes. Dorang dua ada sama-sama deng dong pe papa Zebedeus kase bae-bae dong pe jala dalam parau. Kong Yesus pangge pa dong dua.

Lukas 5:11

Abis itu, Simon deng dia pe tamang-tamang hela dong pe parau-parau di pinggir talaga. Dorang kase tinggal samua itu kong iko pa Yesus.

Galatia 1:16

Waktu Tuhan Allah pangge pa kita itu, deng sanang hati Dia kase lia Dia pe Anak, la kita kanal sapa Dia supaya kita bole kase tau pa orang-orang yang bukang Yahudi tentang Dia pe Anak itu. Kong waktu kita so abis lia Dia pe Anak, kita tara minta pa sapa-sapa untuk bantu pa kita kase mangarti Kabar Bae tentang Yesus Kristus itu, karna kita so tarima langsung dari Dia.