Matius 4:19 - Perjanjian Baru Bahasa Melayu Maluku Utara

¹⁹ Yesus pangge pa dorang dua, “Mari, iko pa Kita! Ngoni biasa bacari ikang, tapi Kita mo ajar pa ngoni untuk cari orang supaya dorang iko pa Kita.”

Matius 4:19 ပူးပေါင်းရင်းမြစ်များ

Matius 16:24

Turus, Yesus bilang pa Dia pe murit-murit, “Sapa yang mo iko pa Kita, dia tara bole iko dia pe mau. Dia musti siap menderita sampe mati karna iko pa Kita, itu sama deng dia pikul dia pe salib, kong iko pa Kita.

Matius 19:21

Yesus bilang pa dia, “Kalu ngana suka mo iko pa Tuhan Allah deng sempurna, ngana pigi suda kong jual samua ngana pe harta, la kase dia pe doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”

Matius 4:18

Satu kali bagini, Yesus ada bajalang iko di talaga Galilea pe pinggir, kong Dia dapa lia dua orang ade kaka. Yang satu dia pe nama Simon, yang orang biasa pangge pa dia Petrus, deng yang satu lagi dia pe nama Andreas. Dorang dua ada bajala ikang di talaga, barang dong pe karja bacari ikang.

Matius 4:20

Pe dengar itu, dorang dua langsung kase tinggal dong pe jala kong iko pa Yesus.

Matius 8:22

Tapi Yesus bilang pa dia, “Iko suda pa Kita skarang, kong kase biar suda orang mati urus dorang pe penguburan sandiri.”

Matius 9:9

Abis itu, Yesus pigi kase tinggal tampa itu, kong Dia dapa lia ada tukang tagi pajak satu dudu bakarja pa dia pe tampa batagi pajak. Orang itu pe nama Matius. Kong Yesus bilang pa dia, “Mari iko pa Kita.” Pe dengar bagitu, Matius badiri kong iko pa Yesus.

Markus 2:14

Abis itu, Yesus bajalang lagi kong Dia dapa lia satu orang yang pe nama Lewi. Dia itu, Alfeus pe ana. Lewi ini tukang tagi pajak. Dia ada dudu di dia pe tampa karja, tampa untuk tarima pajak. Yesus bilang pa dia, “Mari iko pa Kita!” Pe dengar itu, Lewi turus badiri kong iko pa Yesus.

Lukas 5:27

Abis itu, Yesus kaluar dari ruma itu, kong Dia lia ada tukang tagi pajak satu sementara dudu di dia pe tampa batagi pajak. Tukang tagi pajak itu pe nama Lewi. Yesus bilang pa dia, “Mari iko pa Kita.”

Lukas 9:59

Abis itu Yesus bilang pa orang yang laeng lagi, “Mari iko pa Kita.” Tapi orang itu jawab pa Dia, “Bapa, kase ijin kita kubur dulu pa kita pe papa. Abis itu, baru kita datang iko pa Bapa.”

Yohanes 1:43

Dia pe beso, Yesus ambe keputusan untuk pigi di daera Galilea. Dia baku dapa deng Filipus, kong bilang pa dia, “Filipus, mari iko pa Kita!”

Yohanes 12:26

Sapa yang suka biking apa yang Kita suru, dia musti iko pa Kita, kong di mana saja Kita ada, dia lagi musti ada di situ. Kong sapa yang biking apa yang Kita suru, Kita pe Bapa akan hormati pa dia.”

Yohanes 21:22

Yesus jawab pa Petrus, “Kalu Kita mau dia tetap hidup sampe Kita datang ulang yang kedua kali, itu bukang ngana pe urusan. Tapi ngana, iko suda pa Kita.”

2 Korintus 12:16

Ngoni sandiri tau to, kita tara perna jadi beban pa ngoni. Tapi ada dari ngoni yang bilang kata, kita tipu pa ngoni la kita dapa untung.