Matius 4:18 - Perjanjian Baru Bahasa Melayu Maluku Utara

¹⁸ Satu kali bagini, Yesus ada bajalang iko di talaga Galilea pe pinggir, kong Dia dapa lia dua orang ade kaka. Yang satu dia pe nama Simon, yang orang biasa pangge pa dia Petrus, deng yang satu lagi dia pe nama Andreas. Dorang dua ada bajala ikang di talaga, barang dong pe karja bacari ikang.

Matius 4:18 ပူးပေါင်းရင်းမြစ်များ

Matius 10:2

Dua blas murit itu jadi Dia pe utusan-utusan, yang orang sebut rasul. Ini dorang pe nama-nama: yang pertama nama Simon (dia pe nama laeng, Petrus), Andreas (Simon pe sudara kandung), Yakobus deng Yohanes (Zebedeus pe ana-ana),

Matius 15:29

Abis itu, Yesus deng Dia pe murit-murit kase tinggal tampa itu, kong bajalang di talaga Galilea pe pinggir. Turus, dorang nae di atas gunung kong dudu di situ.

Matius 16:18

Karna itu, Kita kase nama pa ngana Petrus, yang pe arti, batu fandasi yang kuat. Kong di atas batu fandasi itu Kita mo kase badiri Kita pe jemaat. Kong Kita pe jemaat itu akan ada turus, tarada apa-apa yang mampo kase berenti pa dorang, biar itu kuasa kematian.

Matius 4:19

Yesus pangge pa dorang dua, “Mari, iko pa Kita! Ngoni biasa bacari ikang, tapi Kita mo ajar pa ngoni untuk cari orang supaya dorang iko pa Kita.”

Markus 7:31

Abis itu, Yesus deng Dia pe murit-murit kase tinggal daera Tirus, iko di kota Sidon. Dorang pigi di talaga Galilea, di daera Dekapolis.

Lukas 6:14

Simon (yang biasa Yesus pangge Petrus), Andreas (Simon pe sudara), Yakobus, Yohanes, Filipus, Bartolomeus,

Yohanes 21:1

Abis itu, Yesus kase tunju Dia pe diri pa Dia pe murit-murit lagi di talaga Tiberias pe pinggir. Bagini dia pe carita:

Yohanes 6:1

Satu kali bagini, Yesus nae di parau kong pigi di talaga Galilea pe sabla. Talaga Galilea itu pe nama laeng, talaga Tiberias.

Yohanes 6:8

Kong di situ lagi ada Yesus pe murit satu, dia pe nama Andreas. Dia itu Simon Petrus pe sudara. Kong dia bilang pa Yesus bagini,