Matius 4:12 - Perjanjian Baru Bahasa Melayu Maluku Utara

¹² Waktu itu, Yesus dapa dengar, Yohanes Pembaptis dapa maso di penjara. Pe dengar kabar itu, Dia pulang di kampong Nazaret di daera Galilea.

Matius 4:12 ပူးပေါင်းရင်းမြစ်များ

Matius 11:2

Waktu itu, Yohanes Pembaptis ada di penjara. Kong waktu Yohanes dengar tentang samua yang Yesus Kristus biking, dia suru dia pe murit-murit pigi batanya pa Yesus.

Matius 14:3

Raja Herodes bilang bagitu, barang tempo hari, dia yang suru tangka pa Yohanes kong ika deng rante, turus kase maso di penjara. Dia biking bagitu karna masala Herodias. Dia pe carita bagini: raja Herodes ambe pa Herodias kong kase jadi dia pe bini. Padahal, Herodias so kawing deng Filipus, Herodes pe sudara sandiri.

Markus 1:14

Waktu Yohanes Pembaptis dapa maso di penjara, Yesus pigi di daera Galilea, kong kase tau Kabar Bae dari Tuhan Allah di sana.

Markus 6:17

Raja Herodes bilang bagitu, barang tempo hari dia yang suru tangka pa Yohanes, kong ika deng rante, turus kase maso di penjara. Dia biking bagitu karna masala Herodias. Dia pe carita bagini: raja Herodes ambe pa Herodias kong kase jadi dia pe bini. Padahal, Herodias so kawing deng Filipus, raja Herodes pe sudara sandiri.

Lukas 23:5

Tapi dorang lebe tamba bilang yang tara bae lagi tentang Yesus, dong bilang, “Dia ini so pengaru banya orang di samua daera Yudea deng Dia pe ajaran supaya malawang pa pemerinta. Dia mulai dari daera Galilea kong so sampe di sini, di kota Yerusalem.”

Lukas 3:20

Tapi Herodes tara bertobat. Mala dia lebe tamba jahat, dia kase maso pa Yohanes di penjara.

Lukas 4:14

Abis itu, Yesus bale ulang di daera Galilea. Roh Kudus pe kuasa ada pa Dia, kong kabar tentang Dia tasiar pa samua orang di daera itu.

Lukas 4:31

Abis itu, Yesus pigi di kota Kapernaum di daera Galilea. Tiap hari Sabat, Dia mangajar di ruma ibada agama Yahudi.

Yohanes 1:43

Dia pe beso, Yesus ambe keputusan untuk pigi di daera Galilea. Dia baku dapa deng Filipus, kong bilang pa dia, “Filipus, mari iko pa Kita!”

Yohanes 2:11

Mujizat yang Yesus biking di Kana di daera Galilea, itu jadi Yesus pe mujizat yang pertama. Deng mujizat itu, Yesus so kase tunju Dia pe kuasa yang hebat sampe Dia pe murit-murit jadi percaya pa Dia.

Yohanes 3:24

Waktu itu Yohanes bolong dapa kase maso di dalam penjara.

Yohanes 4:43

Pe abis dua hari Yesus tinggal di kota Sikhar, Dia pulang di daera Galilea.

Yohanes 4:54

Yesus kase sembu ana itu, itu jadi Yesus pe mujizat yang kedua yang Dia biking di daera Galilea waktu Dia pulang dari daera Yudea.