Matius 3:6 - Perjanjian Baru Bahasa Melayu Maluku Utara

⁶ Dorang mangaku dong pe dosa-dosa, turus Yohanes baptis pa dorang di kali Yordan.

Matius 3:6 ပူးပေါင်းရင်းမြစ်များ

Matius 3:11

Kita baptis pa ngoni deng aer, tanda ngoni so bertobat kong iko pa Tuhan Allah. Tapi abis kita ini, ada satu Orang yang mo datang, Dia pe kuasa lebe basar dari kita. Kong mo jadi Dia pe suru-suru yang bawa Dia pe sandal saja me, kita tara pantas. Dia itu nanti yang mo baptis pa ngoni pake Roh Kudus deng api.

Markus 1:5

Kong banya skali orang dari kota Yerusalem deng samua tampa laeng di daera Yudea datang pa Yohanes. Dorang mangaku dong pe dosa, turus Yohanes baptis pa dorang di kali Yordan.

Lukas 1:16

Dia yang nanti mo kase mangarti pa banya orang Israel supaya bale iko pa Tuhan Allah, dorang pe Tuhan.

Lukas 3:16

Tapi Yohanes bilang pa dorang samua, “Kita baptis pa ngoni deng aer, tanda ngoni so bertobat kong iko pa Tuhan Allah. Tapi nanti, ada satu Orang yang mo datang, Dia pe kuasa lebe basar dari kita. Kong mo jadi Dia pe tukang suru-suru, yang buka Dia pe tali sandal saja me, kita tara pantas. Dia itu nanti yang mo baptis pa ngoni pake Roh Kudus deng api.

Kisah Para Rasul 1:5

Barang, dulu Yohanes baptis pa orang deng aer, tapi tara lama lagi Tuhan Allah mo baptis pa ngoni deng Roh Kudus.”

Kisah Para Rasul 11:16

Pe dapa lia itu, kita dapa inga yang Tuhan Yesus perna bilang, ‘Yohanes Pembaptis, baptis pa orang deng aer, tapi ngoni mo dapa baptis deng Roh Kudus.’

Kisah Para Rasul 19:18

Banya orang dari dorang yang so jadi percaya itu datang mangaku di orang banya pe muka, kalakuang-kalakuang jahat yang dorang perna biking.

Kisah Para Rasul 22:16

Skarang, jang tunggu lama! Badiri suda, kong kase ngana pe diri dapa baptis, minta pa Tuhan supaya Dia kase ampun ngana pe dosa-dosa.’

1 Korintus 10:2

Waktu dorang samua sama-sama bajalang di bawa awan deng dapa lewat Laut Mera, dorang itu sama deng so dapa baptis dalam awan deng dalam laut untuk jadi orang yang iko pa nabi Musa.

Kolose 2:12

Waktu ngoni dapa baptis, itu sama deng ngoni so mati kong dapa kubur sama-sama deng Yesus Kristus, itu berarti, ngoni so kase tinggal ngoni pe hidup yang cuma iko manusia pe mau. Kong deng ngoni dapa baptis itu suda, itu sama deng ngoni so hidup ulang sama-sama deng Yesus Kristus, jadi ngoni pe hidup me so beruba jadi baru, karna ngoni percaya pa Tuhan Allah yang Dia pe kuasa hebat, yang so kase hidup ulang pa Yesus Kristus.

Ibrani 6:2

ajaran tentang baptisan, ajaran tentang taru tangan di atas orang untuk kase berdoa, ajaran tentang orang yang so mati nanti mo hidup ulang, deng ajaran tentang orang yang tara percaya nanti mo dapa hukuman dari Tuhan Allah slama-lamanya.

Ibrani 9:10

Barang, aturan-aturan di janji yang lama itu, cuma ator tentang apa yang orang musti makang deng minum, deng cara-cara untuk orang biking bersi diri saja. Kong samua aturan itu cuma ator di manusia pe bagian luar diri saja, bukang untuk manusia pe dalam hati, turus aturan itu cuma ada dia pe guna sampe di waktu Tuhan Allah ganti deng janji yang baru.

Yakobus 5:16

Jadi lebe bae ngoni baku mangaku ngoni pe dosa deng baku kase berdoa, supaya ngoni jadi sembu. Orang yang hidup butul pa Tuhan Allah pe muka, dia pe doa ada kuasa basar skali sampe ada dia pe hasil.

1 Petrus 3:21

Banjir basar itu, kalu skarang bole kase sama deng baptisan. Baptisan itu pe tujuan bukang untuk kase bersi ngoni pe badan dari yang kotor, tapi untuk minta pa Tuhan Allah supaya kase bersi ngoni pe hati dari dosa. Baptisan itu jadi tanda, Tuhan Allah so kase slamat pa torang karna Yesus Kristus so mati kong hidup ulang.

1 Yohanes 1:9

Kalu torang mangaku torang pe dosa pa Tuhan Allah, Dia mo kase ampun pa torang deng Dia mo kase bersi pa torang dari samua yang jahat yang torang so biking. Dia kase ampun torang pe dosa, itu karna Dia adil deng Dia pasti mo biking samua yang Dia so janji.