Matius 3:5 - Perjanjian Baru Bahasa Melayu Maluku Utara

⁵ Waktu itu, banya orang datang pa Yohanes. Dorang datang dari kota Yerusalem, dari samua tampa laeng di daera Yudea, deng dari daera-daera di sekitar kali Yordan.

Matius 3:5 ပူးပေါင်းရင်းမြစ်များ

Matius 2:1

Yesus lahir di Betlehem di daera Yudea, waktu Herodes jadi raja di sana. Waktu itu, babarapa orang yang pintar lia bintang pe arti, dorang datang dari bagian timur pigi di kota Yerusalem.

Matius 4:25

Mulai waktu itu, banya skali orang yang iko pa Yesus: orang-orang dari daera Galilea, dari daera Dekapolis, dari kota Yerusalem, dari daera Yudea, deng dari daera yang ada di kali Yordan pe sabla.

Markus 1:5

Kong banya skali orang dari kota Yerusalem deng samua tampa laeng di daera Yudea datang pa Yohanes. Dorang mangaku dong pe dosa, turus Yohanes baptis pa dorang di kali Yordan.

Lukas 16:16

Orang jaga ajar aturan-aturan yang ada di lima kitab Musa deng yang ada di nabi-nabi pe kitab sampe waktu Yohanes Pembaptis datang. Kong mulai waktu itu, Kabar Bae tentang Tuhan Allah mo Berkuasa sebagai Raja so tasiar di mana-mana. Kong banya orang yang berusaha karas mo jadi Dia pe umat.

Lukas 3:3

Karna itu, Yohanes pigi di samua daera dekat kali Yordan, kong kase tau pa orang-orang bagini, “Bertobat suda kong iko pa Tuhan Allah, deng bagitu Tuhan Allah mo kase ampun pa ngoni. Kong kase suda ngoni pe diri la dapa baptis, itu tanda ngoni so bertobat.”

Lukas 3:7

Orang banya datang pa Yohanes supaya Yohanes baptis pa dorang. Kong Yohanes bilang pa dorang, “Ee, ngoni orang-orang jahat! Ngoni pe jahat sama deng ular bisa. Jang ngoni kira kalu ngoni so datang kamari dapa baptis, ngoni bole mo dapa lolos dari Tuhan Allah pe hukuman.

Yohanes 3:23

Waktu Yesus masi di daera Yudea itu, Yohanes me ada baptis orang tapi di kampong Ainon, dekat Salim, barang banya aer di situ. Banya orang datang di situ untuk dapa baptis.

Yohanes 5:35

Apa yang Yohanes kase tau tentang Kita itu, itu bole mo kase sama deng lampu yang manyala kong bacahaya tarang. Kong cahaya itu biking sanang pa ngoni tapi cuma rabu-rabu saja.