Matius 3:2 - Perjanjian Baru Bahasa Melayu Maluku Utara

² “Bertobat suda kong iko pa Tuhan Allah, karna so tara lama lagi Tuhan Allah mo Berkuasa sebagai Raja pa orang-orang yang percaya pa Dia.”

Matius 3:2 ပူးပေါင်းရင်းမြစ်များ

Matius 10:7

Jadi ngoni pigi kase tau pa dorang bagini, ‘So tara lama lagi, Tuhan Allah akan Berkuasa sebagai Raja pa orang-orang yang percaya’.

Matius 11:20

Abis itu, Yesus mulai mara pa orang-orang yang ada di babarapa kota, karna biar Dia so banya kali biking mujizat, tapi dorang tara mau bertobat.

Matius 12:41

Nanti di waktu Tuhan mo adili pa samua orang, orang-orang Niniwe dulu akan hidup ulang sama-sama deng ngoni orang-orang skarang ini, kong dorang akan kase sala pa ngoni. Barang, orang-orang Niniwe itu bertobat waktu Yunus kase tau Tuhan Allah pe pasáng pa dorang. Tapi skarang ini di sini, ada Orang yang lebe penting dari nabi Yunus, kong ngoni tara mo dengar la bertobat tu!

Matius 13:11

Kong Yesus jawab, “Tuhan Allah biking ngoni bisa tau rahasia tentang bagimana Tuhan Allah Berkuasa sebagai Raja, tapi pa orang laeng, tarada.

Matius 13:24

Kong Yesus kase carita lagi umpama satu pa orang banya itu. Dia bilang, “Tuhan Allah Berkuasa sebagai Raja, itu pe keadaan sama deng umpama ini: ada tuang kobong satu yang baambur bibit gandum bagus di dia pe kobong.

Matius 13:31

Kong Yesus carita umpama satu lagi pa dorang. Dia bilang, “Tuhan Allah Berkuasa sebagai Raja mulai pa sadiki orang, kong lebe hari lebe tamba banya, itu sama deng biji tanaman kacil yang orang ambe kong tanam di kobong.

Matius 13:33

Yesus carita lagi umpama laeng pa dorang bagini, “Tuhan Allah Berkuasa sebagai Raja pa Dia pe umat, mulai pa sadiki orang, kong lebe hari lebe tamba banya. Itu sama lagi deng ragi yang parampuang satu ambe kong campur deng tarigu ampa pulu liter. Ragi itu biking sampe roti itu nae jadi banya.”

Matius 13:47

Yesus bilang lagi, “Tuhan Allah Berkuasa sebagai Raja pa Dia pe umat, itu bole kase sama deng umpama ini lagi: ada babarapa orang yang buang jala basar di talaga kong dorang dapa ikang macam-macam.

Matius 13:52

Kong Yesus bilang pa dorang, “Jadi tiap guru agama yang ahli lima kitab Musa, kong dia lagi tau ajaran tentang Tuhan Allah Berkuasa sebagai Raja, dia itu sama deng tuang ruma yang kase kaluar harta yang baru deng harta yang lama dari dia pe tampa simpang harta.”

Matius 18:23

Ngana musti biking bagitu karna Tuhan Allah Berkuasa sebagai Raja pa Dia pe umat, sama deng umpama ini: ada raja satu yang mo urus dia pe orang-orang karja yang bautang pa dia.

Matius 20:1

Yesus bilang lagi, “Cara Tuhan Allah Berkuasa sebagai Raja, sama deng umpama ini. Ada tuang tana satu yang ada kobong anggur. Masi amper siang, dia so kaluar cari orang-orang la bakarja pa dia pe kobong anggur.

Matius 22:2

“Tuhan Allah Berkuasa sebagai Raja pa Dia pe umat, sama deng umpama ini: ada raja satu yang biking dia pe ana pe pesta kawing.

Matius 23:13

Yesus bilang lagi, “Cilaka suda ngoni guru-guru agama Yahudi yang ahli lima kitab Musa deng orang-orang Yahudi dari aliran Farisi! Ngoni munafik samua. Barang, ngoni sandiri tara kase ngoni pe diri jadi Tuhan Allah pe umat la Dia Berkuasa sebagai Raja pa ngoni pe hidup, deng ngoni sandiri me pele pa orang-orang yang berusaha mo jadi Dia pe umat. Itu sama deng ngoni so tutu pintu pa dorang. [

Matius 25:1

Yesus bilang lagi, “Nanti kalu Anak Manusia yang dari sorga datang ulang kong Berkuasa sebagai Raja, itu pe keadaan bole kase sama deng umpama ini: ada nona-nona spulu orang yang bawa lentera untuk sambut pengantin laki-laki.

Matius 25:14

Yesus bilang lagi, “Kalu Anak Manusia yang dari sorga datang ulang kong Berkuasa sebagai Raja, itu pe keadaan bole kase sama deng umpama ini: ada satu orang yang mo pigi di tampa yang jao. Waktu dia so mo pigi, dia pangge dia pe orang karja samua bakumpul, kong dia kase percaya dia pe harta pa dorang la kase putar dia pe doi supaya dapa untung.

Matius 4:17

Waktu di Kapernaum, Yesus mulai kase tau Tuhan Allah pe pasáng pa orang-orang, “Bertobat suda kong iko pa Tuhan Allah, karna so tara lama lagi Tuhan Allah mo Berkuasa sebagai Raja pa orang-orang yang percaya pa Dia!”

Matius 4:23

Abis itu, Yesus bakuliling di samua tampa di daera Galilea kong mangajar di ruma-ruma ibada agama Yahudi. Dia kase tau Kabar Bae tentang Tuhan Allah Berkuasa sebagai Raja pa orang-orang yang percaya. Dia me kase sembu pa orang-orang dari samua panyake deng kase sembu pa orang-orang cacat.

Matius 5:10

Paling sanang suda orang-orang yang dapa siksa karna biking barang yang butul, karna dorang itu suda yang jadi Tuhan Allah pe umat yang Dia Berkuasa sebagai Raja.

Matius 5:3

“Paling sanang suda orang-orang yang rasa dong pe diri tara pantas pa Tuhan Allah pe muka, karna dorang itu suda yang jadi Tuhan Allah pe umat yang Dia Berkuasa sebagai Raja.

Matius 6:10

Torang minta Bapa datang la Berkuasa sebagai Raja pa torang pe hidup. Deng biar samua Bapa pe mau jadi di dunia ini, sama deng yang so jadi di sorga.

Matius 6:33

Yang paling penting, ngoni cari suda pa Tuhan Allah supaya Dia yang Berkuasa sebagai Raja pa ngoni pe hidup, deng supaya ngoni biking yang butul pa Dia pe muka. Deng bagitu, Tuhan Allah akan kase samua yang ngoni perlu.

Markus 1:15

Dia bilang bagini, “Dia pe waktu yang Tuhan Allah tentukan so sampe. Tuhan Allah so mo Berkuasa sebagai Raja pa orang-orang yang percaya pa Dia. Jadi, bertobat suda deng percaya Kabar Bae itu.”

Markus 1:4

Tuhan pe utusan itu pe nama Yohanes Pembaptis. Dia datang di padang gurun, tampa yang jao dari kampong, kong di situ dia kase tau pa orang-orang bagini, “Bertobat suda kong iko pa Tuhan Allah, deng bagitu Tuhan Allah mo kase ampun pa ngoni. Kong kase suda ngoni pe diri la dapa baptis, itu tanda ngoni so bertobat.”

Markus 6:12

Abis dengar itu, murit-murit pigi kase tau pa orang-orang la dorang so musti bertobat kong iko pa Tuhan.

Lukas 1:16

Dia yang nanti mo kase mangarti pa banya orang Israel supaya bale iko pa Tuhan Allah, dorang pe Tuhan.

Lukas 11:20

Tapi Kita, kalu Kita user setang-setang pake Tuhan Allah pe kuasa, itu berarti Tuhan Allah so Berkuasa sebagai Raja pa ngoni pe tenga-tenga.

Lukas 13:3

Tarada! Tapi Kita bilang pa ngoni e: kalu ngoni tara bertobat dari ngoni pe dosa-dosa, ngoni samua me akan mati sama deng dorang.

Lukas 13:5

Tarada! Tapi Kita bilang lagi pa ngoni, kalu ngoni tara bertobat, ngoni samua me akan mati sama deng dorang.”

Lukas 15:10

Kita bilang pa ngoni, di sorga me bagitu, Tuhan Allah pe malaekat-malaekat sanang skali kalu ada satu orang yang berdosa kong dia bertobat.”

Lukas 15:7

Kita bilang pe ngoni e, umpama itu pe arti bagini, Tuhan Allah deng malaekat di sorga akan sanang skali kalu ada satu orang berdosa yang bertobat. Dorang lebe sanang, kalu satu orang berdosa yang bertobat daripada sembilan pulu sembilan orang yang so rasa diri butul kong tara perlu bertobat.”

Lukas 16:30

Kong orang kaya itu bilang bagini, ‘Itu bolong cukup, bapa Abraham. Musti ada satu dari orang mati yang hidup ulang kong pigi kase tau pa dorang la dorang bertobat.’

Lukas 21:31

Bagitu lagi kalu hari-hari sengsara yang Kita bilang itu so mulai jadi, ngoni jadi tau, so tara lama lagi Tuhan Allah mo Berkuasa sebagai Raja pa Dia pe umat.

Lukas 24:47

Deng nanti Kita pe umat mo bawa Kabar Bae pake Kita pe nama pa samua suku bangsa di dunia supaya dorang bertobat dari dorang pe dosa kong Tuhan Allah mo kase ampun pa dorang. Kong dorang mo kase tau Kabar Bae itu pa orang-orang, mulai dari kota Yerusalem.

Lukas 6:20

Yesus haga pa Dia pe murit-murit kong bilang bagini, “Paling sanang suda ngoni yang tarada apa-apa, karna ngoni jadi Tuhan Allah pe umat yang Dia Berkuasa sebagai Raja.

Lukas 9:2

Abis itu, Yesus suru dorang pigi kase tau pa orang-orang tentang bagimana Tuhan Allah Berkuasa sebagai Raja pa Dia pe umat deng Dia suru dong pigi kase sembu pa orang-orang yang saki.

Kisah Para Rasul 11:18

Pe dengar bagitu, orang-orang Yahudi yang percaya pa Yesus so tara kase sala lagi pa Petrus. Dorang puji pa Tuhan Allah, bilang, “Jadi, orang-orang bukang Yahudi me Tuhan Allah so kase kesempatan untuk bertobat supaya dorang dapa hidup deng Tuhan Allah slama-lamanya.”

Kisah Para Rasul 17:30

Dulu, torang manusia bolong tau cara mo percaya pa Tuhan Allah sampe torang biking dosa banya skali. Tapi Tuhan Allah so tara rekeng samua dosa-dosa itu. Kong skarang Tuhan Allah parenta pa samua orang di mana saja, la dorang bertobat kong iko pa Dia.

Kisah Para Rasul 2:38

Petrus bilang pa dorang, “Ngoni samua bertobat suda kong kase ngoni pe diri dapa baptis dalam nama Yesus Kristus, la jelas ngoni so percaya pa Dia. Kalu ngoni biking bagitu, Tuhan Allah mo kase ampun pa ngoni dari ngoni pe dosa-dosa, deng kase pa ngoni Roh Kudus.

Kisah Para Rasul 20:21

Kita salalu kase inga deng karas pa orang-orang Yahudi deng pa orang-orang bukang Yahudi, supaya dorang bertobat kong iko pa Tuhan Allah deng percaya pa Tuhan Yesus, torang pe Tuhan.

Kisah Para Rasul 26:20

Kita pi kase tau kamuka pa orang-orang Yahudi di Damsyik supaya dorang bertobat kong bale pa Tuhan Allah. Deng dorang musti biking hal-hal yang bae untuk kase tunju dorang butul-butul so bertobat. Abis itu, kita pi kase tau di kota Yerusalem sampe deng di samua tampa laeng di daera Yudea. Kita me ada kase tau samua itu pa orang-orang yang bukang Yahudi.

Kisah Para Rasul 3:19

Jadi, ngoni bertobat suda kong percaya pa Tuhan Allah, supaya Dia kase ampun pa ngoni dari ngoni pe dosa-dosa.

2 Korintus 7:10

Kita bilang bagitu, barang sedi itu yang Tuhan Allah mau la biking orang bole bertobat kong dapa slamat. Jadi orang yang dapa sedi macam bagitu, dia tara akan manyasal. Tapi ada lagi sedi yang orang-orang tara percaya rasa. Sedi itu tara biking dorang jadi bertobat, kong dorang mo dapa hukum tapisa deng Tuhan Allah slama-lamanya.

Kolose 1:13

Tuhan Allah so kase bebas pa torang dari Iblis pe kuasa galap, kong so kase pinda pa torang di tarang, supaya Dia pe Anak yang Dia sayang Berkuasa sebagai Raja pa torang.

2 Timotius 2:25

Kalu ada orang yang malawang torang pe ajaran itu, torang musti ajar pa dia bae-bae deng hati yang tara sombong. Torang biking bagitu karna sapa tau, Tuhan Allah kase kesempatan pa dorang untuk bertobat la Tuhan mo ruba dorang pe cara bapikir, sampe dorang bole tau ajaran yang butul.

Ibrani 6:1

Jadi, jang torang cuma ulang-ulang balajar ajaran-ajaran dasar yang tong tarima waktu tong baru jadi percaya pa Yesus Kristus. Tapi, torang yang so lama percaya musti balajar ajaran yang biking torang pe percaya pa Yesus Kristus lebe tamba kuat. Torang tara usa ulang-ulang balajar ajaran dasar macam ini: ajaran tentang bertobat dari torang pe kalakuang yang tarada dia pe guna, ajaran tentang musti percaya pa Tuhan Allah,

2 Petrus 3:9

Tapi ada orang yang anggap Tuhan Allah talalu lama mo biking Dia pe janji tentang Yesus Kristus mo datang ulang, padahal tara bagitu. Yesus Kristus bolong datang itu, karna Tuhan Allah sabar deng ngoni, Dia suka samua orang ada waktu untuk bertobat. Dia tara mau ada orang yang mati tapisa slama-lamanya dari Dia, biar lagi cuma satu orang.

Wahyu 2:21

Kita so kase waktu untuk parampuang itu babarapa kali la dia bertobat, tapi dia tara mau kong dia baseks sabarang turus.

Wahyu 2:5

Karna itu, ngoni inga suda, ngoni pe cara hidup waktu ngoni baru percaya, so laeng skali deng yang skarang. Jadi, bertobat suda, kong biking yang bae sama deng waktu ngoni pertama percaya pa Kita. Kalu ngoni tara bagitu, nanti Kita mo datang kong hukum pa ngoni. Itu sama deng Kita mo ambe ngoni pe tiang yang jaga taru lampu dari dia pe tampa.