Matius 28:5 - Perjanjian Baru Bahasa Melayu Maluku Utara

⁵ Kong malaekat itu bilang pa parampuang-parampuang itu, “Jang ngoni tako! Kita tau ngoni cari pa Yesus yang dapa salib itu.

Matius 28:5 ပူးပေါင်းရင်းမြစ်များ

Matius 14:27

Tapi Yesus langsung bilang pa dorang, “Tenang, jang tako! Ini Kita!”

Matius 28:10

Kong Yesus bilang pa dorang, “Jang tako. Ka sana kase tau pa Kita pe sudara-sudara yang percaya, bilang Kita so hidup ulang. Kong Kita mo kamuka ka sana di Galilea, di sana baru dong mo lia pa Kita.”

Matius 28:4

Tentara-tentara yang bajaga di situ jadi tako skali sampe totofore, turus dorang jatu ka bawa, tara bagará sama deng orang mati.

Markus 16:6

Kong nyong itu bilang pa dorang, “Jang ngoni tako! Ngoni cari pa Yesus orang Nazaret yang dapa salib itu. Dia so hidup ulang. Dia tarada di sini. Coba ngoni lia! Ini tampa yang dorang taru Dia pe mayat.

Lukas 1:30

Turus malaekat itu bilang pa dia, “Maria, jang ngana tako, barang Tuhan Allah kase Dia pe bae pa ngana.

Lukas 24:5

Parampuang-parampuang itu tako skali kong dorang berlutut sampe dong pe muka kanal di tana. Kong dua orang itu bilang pa dorang, “Orang yang so hidup, ngoni tara usa cari di tampa ini, karna di sini orang mati pe tampa.

Kisah Para Rasul 2:24

Yesus mati, Dia dapa siksa yang paling barát tapi Tuhan Allah kase hidup ulang pa Dia. Barang, tara mungkin Yesus mati turus-turus.

Ibrani 1:14

Jadi, malaekat-malaekat tara lebe hebat dari Yesus to, karna dorang itu roh-roh yang biking apa yang Tuhan Allah suru. Tuhan Allah utus pa dorang untuk layani pa orang-orang yang mo dapa slamat dari dosa-dosa.