Matius 28:19 - Perjanjian Baru Bahasa Melayu Maluku Utara

¹⁹ Karna itu, ngoni pigi suda kong biking samua bangsa jadi Kita pe murit. Ngoni baptis pa dorang dalam nama Bapa, Anak deng Roh Kudus.

Matius 28:19 ပူးပေါင်းရင်းမြစ်များ

Matius 13:52

Kong Yesus bilang pa dorang, “Jadi tiap guru agama yang ahli lima kitab Musa, kong dia lagi tau ajaran tentang Tuhan Allah Berkuasa sebagai Raja, dia itu sama deng tuang ruma yang kase kaluar harta yang baru deng harta yang lama dari dia pe tampa simpang harta.”

Matius 25:32

Di situ, samua suku bangsa akan dapa kase kumpul pa Dia pe muka. Turus Dia mo kase pisa pa dorang jadi dua kelompok, sama deng gembala kase pisa dia pe domba dari kambing.

Kisah Para Rasul 1:2

sampe waktu Dia taangka ka atas di sorga. Sebelum Yesus taangka, Dia pasáng pa Dia pe utusan-utusan yang orang sebut rasul-rasul, apa yang dorang musti biking. Dorang itu yang Dia so pili, kong Dia pasáng pa dorang itu pake Roh Kudus pe kuasa.

Kisah Para Rasul 1:8

Tapi nanti Roh Kudus mo turung pa ngoni, baru ngoni mo dapa kuasa. Kong deng kuasa itu, ngoni mo jadi Kita pe saksi la pigi kase tau tentang Kita pa orang-orang di kota Yerusalem, di daera Yudea, daera Samaria, sampe di tampa-tampa yang jao skali di dunia ini.”

Kisah Para Rasul 14:21

Di Derbe, Paulus deng Barnabas kase tau Kabar Bae tentang Yesus Kristus sampe banya orang jadi percaya. Abis itu, dorang dua bale di kota Listra, turus di kota Ikonium deng di kota Antiokhia di daera Pisidia.

Kisah Para Rasul 2:41

Banya orang yang dengar Petrus pe bicara itu jadi percaya kong kase dong pe diri dapa baptis. Kong hari itu orang-orang yang percaya pa Yesus, tatamba kira-kira tiga ribu orang.

Kisah Para Rasul 28:28

Abis itu, Paulus bilang lagi, “Jadi sudara-sudara, ngoni musti tau, orang-orang yang bukang Yahudi itu mo dapa slamat dari Tuhan Allah, barang dorang mau dengar deng tarima Kabar Bae dari Tuhan Allah ini yang biking dorang slamat.” [

Kisah Para Rasul 9:18

Waktu itu suda, ada barang satu yang sama deng ikang pe sisik takaluar dari Saulus pe mata, kong dia so bisa dapa lia ulang. Turus Saulus badiri kong dapa baptis.

Roma 10:18

Banya orang Israel bolong percaya pa Yesus Kristus, tapi itu bukang karna dorang tara dengar kabar itu, to? Pasti dorang so dengar, karna di Kitab Suci ada tatulis, “Orang-orang so bawa kabar itu sampe di seluru dunia, dorang pe kata-kata so tasiar sampe pa samua orang.”

1 Korintus 15:29

Kong tentang orang mati yang hidup ulang, kalu ngoni bilang kata, orang mati tara akan hidup ulang, bikiapa kong ada orang yang dapa baptis untuk orang yang so mati? Kalu orang mati tara akan hidup ulang, bikiapa kong dorang mo dapa baptis untuk orang mati?

Galatia 3:27

Ngoni so dapa baptis, itu satu tanda ngoni so percaya pa Yesus Kristus. Karna itu, ngoni so tarima Yesus Kristus pe sifat pa ngoni pe diri. Jadi tiap hari ngoni so iko Dia pe sifat, itu sama deng ngoni pe baju yang ngoni pake tiap hari.

Efesus 2:18

Barang, karna Yesus Kristus itu, torang samua dapa pintu maso untuk badekat pa Tuhan Allah torang pe Bapa. Kong Roh Kudus yang ada pa torang samua pe hati itu suda yang tolong pa torang untuk badekat deng Dia.

Kolose 1:23

Yang penting, ngoni tetap percaya pa Yesus Kristus deng jang ragu. Percaya turus Kabar Bae tentang Yesus Kristus yang ngoni so dengar itu. Kabar Bae itu suda yang biking torang yakin, torang mo dapa apa yang Tuhan Allah so janji pa Dia pe umat. Kabar Bae itu so tasiar di seluru dunia, kong kita ini, Paulus yang Tuhan Allah so pili untuk kase tau Kabar Bae itu.

1 Petrus 3:21

Banjir basar itu, kalu skarang bole kase sama deng baptisan. Baptisan itu pe tujuan bukang untuk kase bersi ngoni pe badan dari yang kotor, tapi untuk minta pa Tuhan Allah supaya kase bersi ngoni pe hati dari dosa. Baptisan itu jadi tanda, Tuhan Allah so kase slamat pa torang karna Yesus Kristus so mati kong hidup ulang.

1 Yohanes 5:7

Ada tiga bukti yang biking torang tau butul Yesus itu datang dari Tuhan Allah: