Matius 27:63 - Perjanjian Baru Bahasa Melayu Maluku Utara

⁶³ Dorang bilang pa Pilatus, “Bapa gubernur, torang inga waktu Yesus yang pangbafoya itu masi hidup, Dia perna bilang, ‘Kita memang mo mati, tapi dia pe hari ketiga, Kita mo hidup ulang’.

Matius 27:63 ပူးပေါင်းရင်းမြစ်များ

Matius 16:21

Mulai dari itu, Yesus bilang turus tarang pa Dia pe murit-murit, Dia musti pigi di kota Yerusalem, kong di sana Dia mo dapa banya siksa dari tua-tua Yahudi, imam-imam kapala deng guru-guru agama Yahudi yang ahli lima kitab Musa. Dorang itu mo bunu pa Dia, tapi di hari ketiga Tuhan Allah mo kase hidup ulang pa Dia.

Matius 17:23

kong mo dapa bunu, tapi mo hidup ulang di hari ketiga.” Waktu murit-murit dengar yang Yesus bilang itu, dong pe hati jadi sedi skali.

Matius 20:19

Dorang mo serakan Dia pa orang-orang yang bukang Yahudi, kong orang-orang itu ejek-ejek, pukul pake tali yang ada barang tajam di dia pe ujung, deng dorang kase salib pa Dia. Tapi di hari yang ketiga, Dia akan hidup ulang.”

Matius 26:61

“Orang ini perna bilang, Dia akan kase rubu Ruma Ibada Pusat, kong dalam tiga hari Dia akan kase badiri ulang.”

Matius 27:64

Karna itu, tolong bapa parenta tentara-tentara la jaga Dia pe kubur sampe hari ketiga. Jang sampe Dia pe murit-murit datang pancuri Dia pe mayat, baru dong bilang pa orang-orang, kata Dia so hidup ulang. Kalu sampe dorang kase kabar bagitu, itu mo tamba kase sesat orang, kong lebe soe dari waktu Yesus masi hidup.”

Matius 28:6

Dia tara ada di sini. Dia so hidup ulang, sama deng yang Dia perna bilang dulu. Mari maso la lia tampa yang dorang taru Dia pe mayat.

Markus 10:34

kong orang-orang itu mo ejek-ejek, luda, pukul pake tali yang ada barang tajam di dia pe ujung, kong dong bunu pa Dia. Tapi di hari yang ketiga, Dia akan hidup ulang.”

Markus 8:31

Mulai waktu itu, Yesus kase tau pa Dia pe murit-murit, nanti Anak Manusia yang dari sorga musti dapa banya siksa, kong dapa tolak dari tua-tua Yahudi, imam-imam kapala, deng guru-guru agama Yahudi yang ahli lima kitab Musa. Dorang mo bunu pa Dia, tapi di hari ketiga, Dia hidup ulang.

Markus 9:31

karna Dia ada mangajar pa Dia pe murit-murit. Dia bilang pa Dia pe murit-murit bagini, “Nanti Anak Manusia yang dari sorga mo dapa serakan pa orang-orang, kong mo dapa bunu, tapi mo hidup ulang di hari ketiga.”

Lukas 18:31

Yesus kase kumpul pa Dia pe dua blas murit, kong bilang pa dorang, “Dengar e! Skarang torang mo pigi ka atas di kota Yerusalem. Di sana, samua yang nabi-nabi so tulis tentang Anak Manusia yang dari sorga itu mo jadi.

Lukas 18:33

Dorang mo pukul pa Dia pake tali yang ada barang tajam di dia pe ujung, kong dong mo bunu pa Dia. Tapi di hari yang ketiga, Dia akan hidup ulang.”

Lukas 23:2

Di situ dorang mulai tudu pa Dia, bilang bagini, “Dia ini so pengaru torang pe orang-orang satu bangsa la jang bayar pajak pa pemerinta Roma. Dia bilang lagi Dia itu Kristus, yang pe arti, Raja yang Tuhan Allah janji mo kase slamat pa manusia.”

Lukas 9:22

Abis itu Yesus bilang lagi, “Anak Manusia yang dari sorga musti dapa banya siksa, kong dapa tolak dari tua-tua Yahudi, imam-imam kapala deng guru-guru agama Yahudi yang ahli lima kitab Musa. Dia mo dapa bunu, tapi di hari ketiga Tuhan Allah mo kase hidup ulang pa Dia.”

Yohanes 2:19

Yesus jawab, “Kita tara kase mujizat, tapi ini yang Kita mo biking supaya ngoni tau kita ada hak: coba kase rubu Ruma Ibada Pusat ini. Dia pe tiga hari, Kita akan kase badiri ulang.”

Yohanes 7:12

Banya orang baku-baku bisi tentang Yesus. Ada yang bilang, “Dia itu orang bae-bae.” Ada lagi yang bilang, “Tarada, Dia itu yang jaga kase foya orang.”

Yohanes 7:47

Kong orang-orang dari aliran Farisi bale bilang pa dorang, “Ee, ngoni me so dapa kase foya dari Dia kaapa?

2 Korintus 6:8

Waktu torang dapa hormat, dapa hina, dapa kase tara bae nama, deng dapa puji, torang tetap saja biking yang Tuhan Allah suru. Kong ada yang bilang torang ajar yang sala, padahal torang ini salalu ajar yang butul.