Matius 27:6 - Perjanjian Baru Bahasa Melayu Maluku Utara

⁶ Kong imam-imam kapala ka sana ambe doi perak itu deng bilang, “Doi ini doi haram, karna dapa deng cara jual orang sampe orang itu mati. Kong kalu mo iko torang pe aturan agama, doi ini so tara bole kase maso di kotak persembahan dalam Ruma Ibada Pusat.”

Matius 27:6 ပူးပေါင်းရင်းမြစ်များ

Matius 23:24

Ngoni itu pemimpin-pemimpin yang sama deng orang buta yang tunda orang laeng! Ngoni jaga biking parenta yang kacil, tapi Tuhan Allah pe parenta yang penting itu ngoni tara biking. Itu sama deng ngoni tapis agas dari ngoni pe minuman, padahal unta basar satu di dalam ngoni pe minuman ngoni talang.

Matius 27:5

Pe dengar itu, Yudas pigi ka sana kase lempar doi perak itu di Ruma Ibada Pusat. Abis itu, dia pigi bagantong diri.

Matius 27:7

Abis baku bilang itu, dorang baku ator la pake doi itu untuk bili tana. Dorang bili tana itu dari orang yang jaga biking barang-barang dari tana liat. Tana yang dorang bili itu mo jadi tana kuburan kusus untuk orang-orang bukang Yahudi yang mati di dong pe daera itu.

Markus 7:11

Tapi ngoni ajar orang, apa yang dorang mau kase untuk tolong pa dorang pe papa atau dorang pe mama itu, jang dong kase, tapi biking jadi persembahan pa Tuhan Allah.

Yohanes 18:28

Waktu masi pagi-pagi skali, dorang bawa pa Yesus dari imam basar Kayafas pe kintal ruma antar di gubernur Roma pe istana. Tapi orang-orang agama Yahudi sandiri tara maso di situ karna gubernur itu bukang orang Yahudi. Barang, kalu iko agama Yahudi pe aturan, dorang mo jadi berdosa kalu ada sama-sama deng orang yang bukang agama Yahudi, kong orang agama Yahudi yang jadi najis itu sabantar so tara bole makang pa dong pe hari raya Paska.