Matius 27:56 - Perjanjian Baru Bahasa Melayu Maluku Utara

⁵⁶ Dari dorang itu, ada Maria orang Magdala, Maria yang jadi Yakobus deng Yusuf pe mama, deng Zebedeus pe bini yang jadi Yakobus deng Yohanes pe mama.

Matius 27:56 ပူးပေါင်းရင်းမြစ်များ

Matius 13:55

Padahal Dia itu cuma tukang kayu pe ana, to? Dia pe mama itu Maria, kong Dia pe sudara-sudara laki-laki pa Yakobus, Yusuf, Simon deng Yudas lagi, to?

Matius 27:61

Waktu itu, Maria orang Magdala deng Maria yang laeng dudu-dudu mangada di pintu kubur itu.

Matius 28:1

Waktu so lewat hari Sabat, hari yang orang agama Yahudi tara bole bakarja, pas hari Minggu masi pagi-pagi skali, Maria orang Magdala deng Maria yang laeng pigi lia Yesus pe kubur.

Markus 15:47

Sementara itu, Maria orang Magdala deng Maria Yoses pe mama ada perhatikan tampa yang dorang taru Yesus pe mayat.

Markus 16:9

Pe hari Minggu pagi-pagi skali itu, waktu Yesus so hidup ulang, Yesus kakamuka kase tunju Dia pe diri pa Maria orang Magdala. Maria itu yang Yesus perna user tuju setang dari dia.

Lukas 24:10

Parampuang-parampuang itu: Maria dari Magdala, Yohana, Maria Yakobus pe mama deng parampuang laeng. Dorang itu yang kase tau pa Tuhan Yesus pe utusan-utusan yang orang sebut rasul-rasul.

Lukas 8:2

deng ada lagi babarapa parampuang yang iko sama-sama deng Dia. Dari parampuang-parampuang itu ada yang perna Yesus user setang-setang, deng ada yang Yesus perna kase sembu dari saki. Satu dari dorang dia pe nama Maria, yang biasa orang sebut Magdalena, Yesus perna user tuju setang dari dia.

Yohanes 19:25

Di dekat Yesus pe salib, ada badiri Yesus pe mama, Yesus pe mama pe sudara parampuang, Kleopas pe bini yang pe nama Maria, deng Maria orang Magdala.

Yohanes 20:1

Pas hari minggu, waktu masi pagi-pagi skali, Maria orang Magdala pigi pa Yesus pe kubur goa. Pe sampe di kubur itu, dia lia batu yang ada kase tutu di kubur so taguling dari dia pe tampa.

Yohanes 20:18

Abis itu, Maria orang Magdala pigi pa murit-murit kong bilang pa dorang, “Kita so lia pa Tuhan!” Kong Maria kase tau apa yang Yesus so bilang pa dia.