Matius 27:54 - Perjanjian Baru Bahasa Melayu Maluku Utara

⁵⁴ Ada komandan kompi Roma deng dia pe ana-ana bua yang jaga pa Yesus waktu Yesus dapa salib. Dorang tako skali waktu tana goyang kuat itu deng waktu dong lia samua yang jadi itu. Kong dorang bilang, “Butul, Dia ini memang Anak Allah!”

Matius 27:54 ပူးပေါင်းရင်းမြစ်များ

Matius 26:63

Tapi Yesus cuma badiam. Kong imam basar itu bilang lagi pa Dia, “Demi Tuhan Allah yang hidup, Ngana bilang kamari pa torang, apa butul Ngana itu Mesias, Raja yang Tuhan Allah janji dari dulu? Kong apa butul Ngana me Anak Allah ka bukang?”

Matius 27:36

Kong dorang dudu di situ la jaga pa Dia.

Matius 27:40

Dorang bilang, “He, Ngana bilang kata, Ngana bisa kase rubu Ruma Ibada Pusat kong mo biking ulang cuma dalam tiga hari, to? Kalu butul Ngana Anak Allah, kase slamat suda Ngana pe diri, kong turung suda dari salib itu!”

Matius 27:43

Dia percaya pa Tuhan Allah. Dia me perna bilang, Dia itu Anak Allah. Jadi biar suda, nanti Tuhan Allah kase slamat pa Dia kalu Tuhan Allah mau.”

Matius 27:51

Di dalam Ruma Ibada Pusat ada kaeng pampele basar yang ada gantong untuk kase pele Ruang Paling Suci la orang biasa tara bole maso. Pas Yesus mati, kaeng itu tarobe jadi dua dari atas sampe ka bawa. Kong itu baku iko deng tana goyang yang kuat skali sampe gunung-gunung batu me tabala.

Matius 4:3

Waktu itu, Iblis tukang goda itu datang pa Yesus kong bilang, “Ngana ini Anak Allah, to? Kalu bagitu, Ngana parenta suda supaya batu-batu ini jadi roti.”

Matius 8:5

Waktu Yesus maso di kota Kapernaum, komandan kompi Roma satu datang pa Dia. Komandan itu bamohon pa Dia. Dia bilang,

Markus 15:39

Ada komandan kompi Roma yang badiri di Yesus pe muka waktu Yesus dapa salib. Waktu dia lia Yesus mati model bagitu, dia bilang, “Memang butul Dia ini Anak Allah!”

Lukas 22:70

Pe dengar itu, dorang samua bilang, “Kalu bagitu, Ngana ini Anak Allah?” Yesus jawab pa dorang, “Ngoni sandiri yang bilang bagitu.”

Yohanes 19:7

Kong orang-orang agama Yahudi bilang pa Pilatus, “Torang ada aturan agama Yahudi. Kong kalu mo iko torang pe aturan agama itu, Dia itu musti dapa hukuman mati, barang Dia bilang kata, Dia itu Anak Allah.”

Kisah Para Rasul 10:1

Ada laki-laki satu di Kaisarea, dia pe nama Kornelius. Dia itu komandan kompi Roma yang dia pe pasukan pe nama pasukan Italia.

Kisah Para Rasul 2:37

Waktu orang banya dengar apa yang Petrus bilang itu, dorang manyasal skali kong tanya pa Petrus deng pa rasul-rasul yang laeng, “Sudara-sudara, torang so sala, jadi skarang torang musti biking apa, supaya Tuhan Allah jang hukum pa torang?”

Kisah Para Rasul 21:32

Pe dengar itu, komandan batalion langsung bawa pa komandan-komandan kompi deng tentara-tentara pigi di tampa yang kaco itu. Waktu orang banya itu dapa lia pa komandan batalion deng dia pe ana-ana bua datang, dorang berenti pukul pa Paulus.

Kisah Para Rasul 23:17

Bagitu Paulus dengar dia pe kamanakan pe carita, Paulus pangge pa komandan kompi kong dia bilang, “Bapa, tolong bawa nyong ini pa komandan batalion, barang ada hal penting yang dia mo kase tau pa komandan batalion kong.”

Kisah Para Rasul 23:23

Abis itu, komandan batalion itu pangge pa komandan kompi dua orang kong bilang, “Ngoni kase siap tentara yang bajalang kaki dua ratus orang, tentara yang pake kuda tuju pulu orang, deng tentara yang bawa tombak dua ratus orang. Malam ini pas jam sembilan dorang samua itu pigi di kota Kaisarea.

Kisah Para Rasul 27:1

Abis itu, dong gubernur Festus ambe keputusan untuk kirim pa Paulus di kota Roma di daera Italia la raja basar Roma urus dia pe perkara di situ. Jadi, dia serakan Paulus deng babarapa tahanan laeng pa satu komandan kompi yang mo antar pa dorang di kota Roma. Komandan itu pe nama Yulius, dia pe tentara-tentara yang jaga pa raja basar Roma.

Kisah Para Rasul 27:43

Tapi komandan itu larang pa dorang, karna dia mau kase slamat pa Paulus. Kong dia parenta, sapa saja yang tau bernang, bernang kamuka ka dara.

Roma 1:4

Dia itu suda Yesus Kristus torang pe Tuhan. Torang dapa tau Dia itu Anak Allah, barang waktu Dia mati, kuasa dari Tuhan Allah pe Roh kase hidup ulang pa Dia.

Wahyu 11:13

Waktu itu suda, ada tana goyang pe kuat skali. Kalu mo bagi kota itu dalam spulu bagian, satu bagian yang ancor. Deng tuju ribu orang mati karna tana goyang itu. Orang-orang yang tara mati karna tana goyang itu, dorang jadi tako skali kong dorang puji deng hormat pa Tuhan Allah yang di sorga.