Matius 27:52 - Perjanjian Baru Bahasa Melayu Maluku Utara

⁵² Kubur-kubur goa me tabuka kong orang-orang yang so jadi Tuhan Allah pe umat, banya yang hidup ulang.

Matius 27:52 ပူးပေါင်းရင်းမြစ်များ

Yohanes 11:11

Abis Yesus bilang bagitu, Dia kase turus Dia pe bicara pa dorang, “Torang pe tamang Lazarus itu so tidor, tapi Kita mo ka sana kase bangun pa dia.”

Kisah Para Rasul 7:60

Turus, dia berlutut kong babilang pa Tuhan deng suara yang kuat bagini, “Tuhan, jang hukum pa dorang, gara-gara dorang biking dosa ini!” Abis bilang bagitu, langsung Stefanus putus napas.

1 Korintus 11:30

Jadi, karna itu suda, banya dari ngoni yang tara kuat, dapa saki, deng ada yang mati.

1 Korintus 15:20

Tapi yang butul itu bagini: Yesus Kristus mati kong Tuhan Allah so kase hidup ulang pa Dia. Dia itu yang pertama hidup ulang, kong nanti orang-orang percaya yang so mati me, dorang lagi akan hidup ulang.

1 Korintus 15:51

Jadi dengar bae-bae, kita mo kase tau rahasia satu ini: tara samua torang yang percaya akan mati, tapi torang yang masi hidup ka, mati ka, torang samua pe badan akan beruba.

1 Tesalonika 4:14

Torang percaya Tuhan Yesus mati kong Tuhan Allah so kase hidup ulang pa Dia. Jadi torang me percaya, kalu orang-orang yang percaya pa Yesus mati, pasti Tuhan Allah mo kase hidup ulang pa dorang, kong mo bawa pa dorang sama-sama deng Dia.

1 Tesalonika 5:10

Yesus Kristus so mati untuk torang samua, supaya torang dapa hidup sama-sama deng Dia nanti waktu Dia datang ulang. Kong tara jadi masala kalu waktu itu torang masi hidup atau so mati.