Matius 27:4 - Perjanjian Baru Bahasa Melayu Maluku Utara

⁴ Yudas bilang pa dorang, “Kita so berdosa, barang kita so bahianat pa Orang yang tara ada sala.” Tapi dorang bilang pa dia, “Itu bukang torang pe urusan. Itu ngana pe urusan sandiri!”

Matius 27:4 ပူးပေါင်းရင်းမြစ်များ

Matius 27:19

Waktu gubernur Pilatus sementara dudu di dia pe tampa dudu yang dia pake untuk adili orang, dia pe bini kirim pasáng pa dia. Dia pe bini bilang bagini, “Jang ngana iko campur Orang yang butul itu pe masala, karna gara-gara Dia, tadi malam kita dapa mimpi tentang Dia sampe kita jadi tako skali.”

Matius 27:54

Ada komandan kompi Roma deng dia pe ana-ana bua yang jaga pa Yesus waktu Yesus dapa salib. Dorang tako skali waktu tana goyang kuat itu deng waktu dong lia samua yang jadi itu. Kong dorang bilang, “Butul, Dia ini memang Anak Allah!”

Lukas 23:22

Kong untuk ketiga kali Pilatus bilang pa dorang, “Dia so biking kajahatan apa kong? Barang kita tara dapa Dia pe sala biar cuma satu yang pantas biking Dia mo dapa hukuman mati. Jadi kita mo suru pukul pa Dia, abis itu kita mo kase bebas.”

Lukas 23:41

Tong dua memang pantas dapa hukuman ini karna torang pe kajahatan, tapi Dia tara pantas dapa hukuman ini karna Dia tara biking sala apa-apa.”

Lukas 23:47

Waktu komandan kompi Roma lia apa yang so jadi, dia puji pa Tuhan Allah kong dia bilang, “Memang, Dia ini Orang yang tara sala!”

Yohanes 19:7

Kong orang-orang agama Yahudi bilang pa Pilatus, “Torang ada aturan agama Yahudi. Kong kalu mo iko torang pe aturan agama itu, Dia itu musti dapa hukuman mati, barang Dia bilang kata, Dia itu Anak Allah.”

Kisah Para Rasul 13:28

Biar torang pe pemimpin-pemimpin tara dapa alasan mo kase hukuman mati pa Yesus, dorang minta pa Pilatus supaya kase hukuman mati pa Dia.

Roma 3:19

Samua tulisan itu ada di Kitab Suci. Torang so tau, aturan di lima kitab Musa itu Tuhan Allah kase supaya torang orang Yahudi iko. Jadi deng aturan itu, ada kase jelas, tarada satu orang yang bole bilang, dia itu so butul pa Tuhan Allah pe muka. Samua orang di dunia pantas dapa hukum dari Tuhan Allah.

1 Timotius 4:2

Orang-orang yang jaga kase ajar ajaran sesat, dorang itu munafik deng tukang bafoya. Dorang so tarada hati lagi, so tara tau mana yang butul.

Titus 1:16

Dorang bilang kata, dorang kanal pa Tuhan Allah, padahal dong pe kalakuang itu kase tunju dorang itu tara kanal pa Dia. Orang-orang yang jahat bagitu, dorang tara iko Tuhan Allah pe mau, deng tara mampo biking barang yang bae.

Ibrani 7:26

Yesus Kristus itu cocok skali jadi torang pe Imam Basar yang kase bae-bae torang pe hubungan deng Tuhan Allah, barang Dia itu Kudus, Dia tarada sala, deng Dia tara perna biking dosa. Tuhan Allah taru pa Yesus Kristus di tampa yang jao dari orang-orang berdosa, kong Dia angka pa Yesus Kristus di tampa yang paling terhormat di sorga.

1 Petrus 1:19

tapi Dia bayar mahal pake Yesus Kristus pe dara yang berharga skali. Yesus itu sama deng domba pe ana yang tara cacat, deng yang tara kurang apa-apa, untuk mo jadi korban persembahan.

1 Yohanes 3:12

Jang ngoni sama deng Kain. Iblis so kuasai pa dia jadi dia bunu dia pe ade sandiri. Kain bunu pa dia pe ade karna Kain itu jahat, deng karna samua yang dia pe ade biking, Tuhan Allah lia itu butul.

Wahyu 11:10

Orang-orang yang ada di dunia ini akan sanang skali karna dua orang saksi yang kase tau Tuhan Allah pe pasáng itu so mati. Dorang samua mo bapesta deng baku kase kado karna sanang so talapas dari dua orang yang jaga biking cilaka sampe samua orang di bumi dapa banya siksa.