Matius 27:31 - Perjanjian Baru Bahasa Melayu Maluku Utara

³¹ Abis dorang hina-hina pa Dia, dorang buka lagi juba ungu yang dorang kase pake pa Dia kong kase pake ulang Dia pe baju sandiri. Turus dorang bawa pa Dia kaluar dari kota Yerusalem la mo salib pa Dia.

Matius 27:31 ပူးပေါင်းရင်းမြစ်များ

Matius 20:19

Dorang mo serakan Dia pa orang-orang yang bukang Yahudi, kong orang-orang itu ejek-ejek, pukul pake tali yang ada barang tajam di dia pe ujung, deng dorang kase salib pa Dia. Tapi di hari yang ketiga, Dia akan hidup ulang.”

Matius 21:39

Turus dorang tangka ana itu, dorang hela kase kaluar dari kobong itu kong dorang bunu pa dia.”

Matius 26:2

“Ngoni so tau to, tinggal dua hari lagi torang orang Yahudi mo biking hari raya Paska untuk inga waktu Tuhan Allah kase bebas pa torang pe orang tua dulu-dulu dari bangsa Mesir yang jaja pa dorang. Kong waktu hari raya itu, ada orang yang mo serakan pa Anak Manusia yang dari sorga untuk dapa salib.”

Markus 15:20

Abis dorang hina-hina pa Dia, dorang buka lagi juba ungu yang dorang kase pake pa Dia, kong kase pake ulang Dia pe baju sandiri. Turus tentara-tentara bawa pa Yesus kaluar dari kota Yerusalem la mo salib pa Dia.

Yohanes 19:27

Kong Yesus bilang pa murit itu, “Itu Kita pe mama, skarang ngana anggap suda ngana pe mama!” Mulai waktu itu, Yesus pe murit bawa pa Yesus pe mama pa dia pe ruma.

Kisah Para Rasul 7:58

Dorang hela pa dia kase kaluar dari kota, kong dorang lempar pa dia deng batu. Orang-orang yang jadi saksi di situ buka dong pe juba, kong taru di ana muda satu pe muka, dia pe nama Saulus.

Ibrani 13:12

Dorang bakar bangke di luar tampa tinggal itu, itu bole kase sama deng Yesus Kristus lagi menderita kong mati di luar kota Yerusalem untuk kase Dia pe dara sandiri, supaya biking ngoni jadi Dia pe umat yang bersi dari dosa.