Matius 27:24 - Perjanjian Baru Bahasa Melayu Maluku Utara

²⁴ Waktu itu, gubernur Pilatus lia dia so tara bisa biking apa-apa lagi, deng so mulai kaco di situ. Jadi dia ambe aer kong cuci tangan pa orang banya itu pe muka la jadi tanda, dia tara sala, tapi dia cuma iko orang banya pe mau. Dia bilang bagini, “Kita tara tanggung jawab lagi e. Kalu Orang ini mati, ngoni samua suda yang tanggung jawab!”

Matius 27:24 ပူးပေါင်းရင်းမြစ်များ

Matius 26:5

Tapi dorang baku bilang, “Jang tangka pa Dia pas di hari raya, jang sampe orang banya yang suka pa Dia mo biking kaco.”

Matius 27:19

Waktu gubernur Pilatus sementara dudu di dia pe tampa dudu yang dia pake untuk adili orang, dia pe bini kirim pasáng pa dia. Dia pe bini bilang bagini, “Jang ngana iko campur Orang yang butul itu pe masala, karna gara-gara Dia, tadi malam kita dapa mimpi tentang Dia sampe kita jadi tako skali.”

Matius 27:23

Kong Pilatus tanya lagi pa dorang, “Dia so biking kajahatan apa kong?” Tapi orang banya itu bataria tamba kuat, “Salib suda pa Dia!”

Matius 27:4

Yudas bilang pa dorang, “Kita so berdosa, barang kita so bahianat pa Orang yang tara ada sala.” Tapi dorang bilang pa dia, “Itu bukang torang pe urusan. Itu ngana pe urusan sandiri!”

Matius 27:54

Ada komandan kompi Roma deng dia pe ana-ana bua yang jaga pa Yesus waktu Yesus dapa salib. Dorang tako skali waktu tana goyang kuat itu deng waktu dong lia samua yang jadi itu. Kong dorang bilang, “Butul, Dia ini memang Anak Allah!”

Matius 27:9

Deng dong bili tana itu, apa yang Tuhan Allah bilang dulu pa nabi Yeremia itu so jadi, bagini, “Dorang tarima doi perak yang tiga pulu itu, itu suda harga yang orang-orang Israel baku ator untuk bayar pa Dia.

Yohanes 13:9

Kong Simon Petrus bilang, “Tuhan, kalu bagitu, jang cuma kita pe kaki saja, tapi deng kita pe tangan deng kapala lagi!”

Yohanes 19:4

Abis itu, Pilatus kaluar ulang kong bilang pa orang-orang agama Yahudi itu, “Coba lia, kita so bawa Yesus pa ngoni, supaya ngoni tau kita so priksa pa Dia kong kita tara dapa Dia pe sala apa-apa.”

Kisah Para Rasul 3:14

Yesus itu yang Kudus deng yang Butul pa Tuhan Allah pe muka, tapi ngoni tetap tara tarima pa Dia. Mala ngoni minta gubernur kase bebas pa orang yang jaga bunu orang.

2 Korintus 5:21

Yesus Kristus tara perna biking dosa, tapi Tuhan Allah so kase hukuman pa Dia untuk ganti pa torang yang berdosa, supaya torang yang percaya pa Yesus Kristus, Tuhan Allah biking torang jadi orang yang tara sala pa Dia pe muka.

1 Petrus 3:18

Barang, Yesus Kristus me so dapa siksa, biar Dia tara biking sala. Dia lagi so mati satu kali untuk hapus torang samua pe dosa. Dia itu salalu biking barang yang butul, untuk orang-orang yang biking barang yang tara butul, supaya Dia bole kase bae-bae ulang torang pe hubungan deng Tuhan Allah. Dia dapa bunu waktu Dia jadi manusia, tapi Roh Kudus so kase hidup ulang pa Dia.