Matius 27:23 - Perjanjian Baru Bahasa Melayu Maluku Utara

²³ Kong Pilatus tanya lagi pa dorang, “Dia so biking kajahatan apa kong?” Tapi orang banya itu bataria tamba kuat, “Salib suda pa Dia!”

Matius 27:23 ပူးပေါင်းရင်းမြစ်များ

Matius 27:22

Pilatus tanya lagi, “Kong kalu bagitu, apa yang musti kita biking deng Yesus ini yang orang jaga bilang Kristus?” Dorang samua bataria, “Salib suda pa Dia!”

Matius 27:24

Waktu itu, gubernur Pilatus lia dia so tara bisa biking apa-apa lagi, deng so mulai kaco di situ. Jadi dia ambe aer kong cuci tangan pa orang banya itu pe muka la jadi tanda, dia tara sala, tapi dia cuma iko orang banya pe mau. Dia bilang bagini, “Kita tara tanggung jawab lagi e. Kalu Orang ini mati, ngoni samua suda yang tanggung jawab!”

Lukas 23:4

Turus gubernur Pilatus bilang pa agama Yahudi pe imam-imam kapala deng pa orang banya yang ada di situ, “Biar satu me kita tara dapa Dia pe sala.”

Kisah Para Rasul 13:28

Biar torang pe pemimpin-pemimpin tara dapa alasan mo kase hukuman mati pa Yesus, dorang minta pa Pilatus supaya kase hukuman mati pa Dia.

Kisah Para Rasul 23:10

Pe abis bilang bagitu, orang-orang dari aliran Farisi deng Saduki lebe baku malawang sampe komandan batalion jadi tako, jang sampe dorang pukul kase pica pa Paulus. Karna itu, dia suru tentara-tentara ambe deng paksa pa Paulus dari orang banya pe tenga-tenga la bawa pa dia di markas.

Kisah Para Rasul 7:57

Pe dengar bagitu, orang-orang yang ada di situ dorang bataria deng tutu dong pe talinga, turus dorang koroyo pa Stefanus.