Matius 27:22 - Perjanjian Baru Bahasa Melayu Maluku Utara

²² Pilatus tanya lagi, “Kong kalu bagitu, apa yang musti kita biking deng Yesus ini yang orang jaga bilang Kristus?” Dorang samua bataria, “Salib suda pa Dia!”

Matius 27:22 ပူးပေါင်းရင်းမြစ်များ

Matius 1:16

kong Yakub pe ana Yusuf. Yusuf ini yang kawing deng Maria, kong Maria ini yang kase lahir pa Yesus. Yesus ini suda yang orang jaga pangge pa Dia Kristus, Raja yang Tuhan Allah janji mo kase slamat pa manusia.

Matius 27:17

Jadi waktu orang banya itu so bakumpul pa gubernur pe istana, gubernur Pilatus tanya pa dorang, “Sapa yang ngoni suka kita kase bebas, Yesus Barabas atau Yesus yang orang jaga bilang Kristus?”

Matius 27:21

Jadi gubernur Pilatus tanya lagi pa orang banya itu, “Dari dong dua ini, sapa yang ngoni mau kita kase bebas?” Dorang jawab, “Barabas suda!”

Matius 27:23

Kong Pilatus tanya lagi pa dorang, “Dia so biking kajahatan apa kong?” Tapi orang banya itu bataria tamba kuat, “Salib suda pa Dia!”

Markus 14:55

Di situ, imam-imam kapala deng samua pemimpin Mahkama Agama dorang cari orang-orang yang basaksi tara butul la kase bukti Yesus pe sala, supaya dorang mo hukum mati pa Dia. Tapi dorang tara dapa.

Yohanes 4:25

Turus parampuang itu bilang pa Yesus, “Kita tau, Mesias yang orang bilang Kristus itu akan datang. Dia itu Raja yang Tuhan Allah janji mo kase slamat pa manusia. Kong kalu Dia datang, Dia mo kase tau samua hal pa torang.”

Kisah Para Rasul 13:28

Biar torang pe pemimpin-pemimpin tara dapa alasan mo kase hukuman mati pa Yesus, dorang minta pa Pilatus supaya kase hukuman mati pa Dia.

Kisah Para Rasul 13:38

Jadi sudara-sudara, torang kase tau pa ngoni, karna Yesus so mati di kayu salib deng so hidup ulang, ngoni pe dosa-dosa so dapa ampun.