Matius 27:2 - Perjanjian Baru Bahasa Melayu Maluku Utara

² Jadi dorang ika pa Yesus, kong dorang bawa, turus serakan pa gubernur Pilatus.

Matius 27:2 ပူးပေါင်းရင်းမြစ်များ

Matius 20:19

Dorang mo serakan Dia pa orang-orang yang bukang Yahudi, kong orang-orang itu ejek-ejek, pukul pake tali yang ada barang tajam di dia pe ujung, deng dorang kase salib pa Dia. Tapi di hari yang ketiga, Dia akan hidup ulang.”

Matius 28:14

Kong kalu gubernur Pilatus dengar itu, jang ngoni tako, nanti torang yang bicara pa dia supaya ngoni tara dapa hukuman.”

Lukas 13:1

Waktu itu, ada babarapa orang yang kase tau pa Yesus tentang orang-orang Galilea yang gubernur Pilatus bunu. Dorang itu dapa bunu waktu dorang sementara kase binatang korban persembahan di Ruma Ibada Pusat.

Lukas 20:20

Guru-guru agama Yahudi yang ahli lima kitab Musa, deng imam-imam kapala, dorang cari cara la mo tangka pa Yesus, jadi dorang perhatikan pa Dia turus. Kong dorang suru babarapa orang jadi mata-mata. Dorang itu bafoya jadi orang bae, supaya dorang bisa cari Yesus pe sala. Dorang harap Dia bisa bicara sala la dorang bisa lapor di gubernur yang punya kuasa mo adili orang.

Lukas 23:1

Turus samua orang yang ada iko sidang itu badiri, kong dong bawa pa Yesus kase mangada pa gubernur Pilatus.

Lukas 23:12

Kong mulai hari itu suda, Herodes deng Pilatus baku tamang, padahal dari dulu dong dua tara baku suka.

Lukas 3:1

Tiberius so jadi raja basar Roma, kong waktu maso taong kelima blas, Pontius Pilatus yang jadi gubernur di daera Yudea, deng Herodes jadi raja di daera Galilea, Herodes pe sudara nama Filipus jadi raja di daera Iturea deng daera Trakhonitis, turus Lisanias jadi raja di daera Abilene.

Yohanes 18:12

Jadi, tentara-tentara Roma deng dong pe komandan, deng penjaga-penjaga Ruma Ibada Pusat, dorang samua itu tangka pa Yesus kong ika pa Dia.

Yohanes 18:24

Abis itu, Hanas suru antar pa Yesus deng Dia pe tangan yang masi taika, pigi pa imam basar Kayafas.

Yohanes 18:28

Waktu masi pagi-pagi skali, dorang bawa pa Yesus dari imam basar Kayafas pe kintal ruma antar di gubernur Roma pe istana. Tapi orang-orang agama Yahudi sandiri tara maso di situ karna gubernur itu bukang orang Yahudi. Barang, kalu iko agama Yahudi pe aturan, dorang mo jadi berdosa kalu ada sama-sama deng orang yang bukang agama Yahudi, kong orang agama Yahudi yang jadi najis itu sabantar so tara bole makang pa dong pe hari raya Paska.

Kisah Para Rasul 12:6

Di dalam penjara, Petrus tidor di tentara dua pe tenga-tenga, dia pe tangan ada dapa ika deng rante besi sama-sama deng tentara dua itu pe tangan. Baru ada tentara-tentara laeng lagi yang bajaga di pintu gerbang pe muka. Kong malam itu suda yang dia pe beso raja Herodes mo urus pa Petrus di muka orang banya,

Kisah Para Rasul 21:33

Turus, komandan batalion tangka pa Paulus kong suru ika pa dia deng rante dua. Abis itu, dia tanya-tanya pa dorang, Paulus itu sapa deng dia ada biking sala apa.

Kisah Para Rasul 22:25

Tapi waktu dorang ika pa Paulus la mo pukul pa dia, dia bilang pa komandan kompi yang badiri di situ, “Komandan, kalu orang warga negara Roma dapa tudu kong bolong urus dia pe perkara, pemerinta Roma pe aturan kase ijin pukul pa dia ka tarada?”

Kisah Para Rasul 22:29

Waktu dorang dengar Paulus itu warga negara Roma, orang-orang yang mo pukul deng tanya-tanya pa dia, langsung baundur. Kong komandan batalion itu jadi tako, barang dia yang suru ika pa Paulus.

Kisah Para Rasul 24:27

Pe lewat dua taong, gubernur Feliks pe masa karja abis. Kong yang ganti pa dia jadi gubernur itu, Perkius Festus. Tapi Feliks kase biar pa Paulus di penjara, barang dia mo ambe hati pa orang-orang Yahudi.

Kisah Para Rasul 28:20

Karna itu, kita minta mo baku dapa deng bapa-bapa di sini la kita kase tau, samua yang dorang kase sala pa kita itu tara butul. Kita dapa ika bagini, barang kita percaya deng yakin pa Mesias, Raja yang Tuhan Allah janji mo kase slamat pa torang orang Israel.”

Kisah Para Rasul 3:13

Ngoni tau, Tuhan Allah yang torang pe orang tua dulu-dulu Abraham, Ishak deng Yakub jaga semba, Dia so biking Yesus dapa puji deng hormat. Yesus itu yang jaga biking apa yang Tuhan Allah suru. Tempo hari ngoni tara tarima pa Yesus, kong ngoni serakan Dia pa gubernur Pilatus supaya Dia dapa hukum. Padahal, waktu itu gubernur mo kase bebas pa Dia.

Kisah Para Rasul 4:27

Apa yang raja Daud bilang dulu itu, butul-butul so jadi skarang. Di kota ini, raja Herodes, gubernur Pontius Pilatus, orang-orang bangsa Israel deng orang-orang bangsa laeng yang bukang Yahudi, dorang samua itu so baku ator supaya malawang pa Yesus, Orang yang Tuhan Allah so pili, yang suci, deng yang jaga biking apa yang Tuhan Allah suru.

Kisah Para Rasul 9:2

kong minta surat kuasa supaya dia bawa di ruma-ruma ibada agama Yahudi di kota Damsyik. Surat itu dia pake la mo tangka pa sapa saja yang iko Yesus pe ajaran, biar itu laki-laki atau parampuang. Dia pe maksut mo bawa pa dorang la dapa urus di Yerusalem.

1 Timotius 6:13

Timotius, kita suru pa ngana skarang pa Tuhan Allah pe muka, Dia itu yang biking samua jadi hidup, deng pa Kristus Yesus pe muka, Dia itu yang barani basaksi barang yang butul pa gubernur Pontius Pilatus pe muka. Kita suru pa ngana,

2 Timotius 2:9

Waktu kita kase tau Kabar Bae itu, orang-orang kase siksa pa kita. Dorang rante pa kita, turus dorang tahang pa kita di penjara sama deng kita ini orang jahat. Tapi biar dorang biking bagitu, Kabar Bae dari Tuhan Allah dorang tara bisa kase berenti.

Ibrani 13:3

Ngoni me musti inga pa orang-orang yang ada di dalam penjara. Ngoni inga pa dorang, sama deng ngoni lagi ada sama-sama deng dorang di dalam penjara. Ngoni inga lagi pa orang yang dapa siksa, sama deng ngoni sandiri ada rasa siksa yang dong dapa itu.